肥To人生第一部法拉利！Ferrari F355 Spider 跳燈+棍波+NA V8 兒時情懷邊有得輸？| Flat Out Review #FlatOut卡式台 #地板油 #Ferrari

【1997年 Ferrari F355 Spider
引擊：3,495c.c. V8自然吸氣
馬力：380PS/8,250 rpm
扭力：365Nm/6,00rpm
傳動：6前速手動波箱，後驅
二手價：$980,000
查詢：Car In Life】

Toby Leung：故事就要從15年前一個晚上講起，我睇返照片，我嗰日穿便服，照道理一係就暑假，一係就星期六、日，夜媽媽，嗰晚好似出完街晚餐，返到家中無端端Mrs Leung（我媽）就聽電話，話阿姨嚟搵找我哋，到10pm左右，聽到出面有洪洪聲，之後就叮噹、叮噹，阿姨到都唔係重點（字幕組：不孝子）我當然不是望阿姨喇！我是望，點解「洪洪聲」嘅出面（字幕組：聲又點望到呢？）原來外面泊咗一部深藍色F355 Spider！

Toby Chan：咁厲害？！ 阿姨揸嘅？！

Toby Leung：唔係，係同她媾緊嗰條仔揸嘅，咁我當然立刻X衝出去，出去望望部車。雖然嗰陣個年紀的我，我唔係特別喜歡法拉利，即嗰個年代我係個小學生，流行《頭文字D》，喜歡嗰啲...JDM，但正如連登仔所說，10A港姐在你門口叮噹、叮噹，你仲唔9衝（字幕組：你唔打俾林作？）？邊得閒her nose is too big咩！

咁我就衝向部車，然後對佢作出不雅行為。不雅過之後，嗰位車主，即跟阿姨交往的男士就說：「點呀？帶你出去走轉啦！」

我立刻跳上車！哇！ Mrs Leung（我媽）都沒有望，完全無理佢！（字幕組：成為不孝子）即刻：「好嘢！好嘢！」即刻出去走轉。雖然路程唔長，都由大埔落去太湖的ESSO入油，但呢段路，喺帝欣苑嗰段直路，他就投訴咗地板油！哇！正到呢！係我畢生難忘，起雞皮的！

仲有，嗰陣我冇坐過一部咁大馬力的車！

呢部車最大馬力380匹，喺現時標準來說，一部Model 3都比佢快，但當年380匹是很大件事！講緊2006的時候，380匹都不算少，但呢部車推出時是1994年（突然加速，主持齊笑）所以，一部如此好聲嘅V8引擎，對於一個10歲小孩嚟講，衝擊是很大㗎！點會唔著迷呀！

我都被佢著迷住！今早他揸呢部車來的時候，老遠喺鹿頸湖已經聽到，...喺嗰彎已經聽到，真的好響！

嗰陣我就終於第一次近距離接觸過法拉利，自此有一排我很沉迷於法拉利但隨住自己慢慢長大，又沒有咁沉迷法拉利，但是你問我法拉利⋯⋯法拉利最有吸引力嘅，對我來嚟一定是F355！咁可能同我童年經歷有關

Toby Chan：哇！嗰引擎聲真是⋯⋯自然吸氣年代的法拉利引擎V8！真的沒有之一！佢嘅聲浪，就算到而家仍令我很著迷。

Toby Leung：因為佢生於90年代，90年代剛好介乎analog跟digital世代。

Toby Chan：無錯。

Toby Leung：佢其實已經用燃油直噴，嗰啲嘢已經相對先進，但佢又未受環保法規所影響，所以佢嘅排放仍然好自由。

Toby Chan：法拉利呢個時候嘅棍波車，呢個叫咩？

Toby Leung：gated manual。

Toby Chan：入波「鏗鏗」聲。

Toby Leung：我⋯⋯由我有棍波牌，到我開始揸棍波車，其中一個夢想就係揸一部，呢啲open gated manual嘅車。即是林寶堅尼的Murcielago、Gallardo、Diablo、Countach都是嗰啲，所有棍波嘅，有法拉利都是咁㗎喇。嗰陣滿足感係好大。

Toby Chan：呢個係咪令你唔會入錯波嘅設計？即係怎樣？ 純粹係個設計？

Toby Leung：其實你講係咪防止你入錯波呢？係我揸之前，我都覺得佢有呢個功用，因為佢很清晰嘅，但有車主同我說，呢啲檔閘，其實佢都係金屬造，你揸得激烈，不斷轉波嘅時候，其實嗰啲金屬邊會磨鈍，久而久之有機會⋯⋯斜咗嘅，當然，你揸得多之後，合上眼都識得揸，但嗰啲感覺係好有滿足感嘅，仲有整件事係好機械，仲有揸過一部棍波法拉利，你嘅人生就好圓滿。

Toby Chan：無錯。

Toby Leung：你是⋯⋯叫做達成征服咗呢部車。當然，你話完全征服，發揮到佢都唔係咁容易。其實最難嘅位置，會不會就係佢啲軚感？

因為啱啱你話俾我聽，我咗功課就是，佢係第一部用風油軚嘅法拉利，我不夠膽講佢係咪確實第一部，但佢係第一批用風油軚嘅法拉利，所以呢⋯⋯軚感係好輕，輕到咩地步呢？

我會說佢同AE110嘅軚感，不論喺揸個陣握實嘅手感，扭動嘅力度，嗰個feedback都係差不多，我咁樣唔係要貶低法拉利，但佢的確，你睇下外國嘅試車，都話佢嘅軚感輕得太緊要。

仲有每次轉波，雖然喺好好入，但是⋯⋯你不能像本田般Bang、Bang、Bang、Bang、Bang！即本田嗰啲是很聽話嘅，但呢部車聽話極都有一定程度的反叛（Toby Chan：有佢脾氣喺度。），意大利車啲人咁著迷同鐘意，就係有嗰種個性同脾氣喺度！我想說呢部車比起我想像中易操控好多。

Toby Chan：對，我覺得跳上去，

好似你說到有啲似部蓮花Elan，坐落去的坐姿、所有東西，我又不覺得佢咁難去控制，不會好害怕佢。

Toby Leung：呢個係錯覺嚟，揸郁佢由A點去B點，唔難嘅！佢嘅軚感又輕，離合器又唔係特別重，又易吊、入波又準確、 heel toe又易做，呢個係標準一部好跑車應該有嘅嘢。但呢部車，我上網睇人們話，有啲車主就因為覺得部車太純良、太順攤。

Toby Chan：即覺得部法拉利咁慢嘅！

Toby Leung：唔係話慢，即可能令你覺得有神一般嘅技術，但係去到一個位置嘅時候，部車有機會反咬你，因為你需知呢部車冇循跡系統嘅，穩定系統嗰啲乜都沒有。佢甚至連ABS都有個OFF嘅掣，我未見過有車可以閂ABS嘅⋯⋯

但呢部車就是生於⋯⋯嗰個冇乜安全限制嘅年代，所以你仍需要懷住一個有敬畏之心去揸佢，即你都要⋯⋯俾啲面佢啦大佬。

呢部車是就算我慢慢揸，心都跳得好厲害、係好緊張當然可能係我對得未夠耐，對耐可能都會覺得係一般揸方法，但就是好好耐冇一部車令我有呢種感覺。

Toby Chan：我覺得做乘客都好開心，我而家完全代入咗當年你姨媽。

Toby Leung：阿姨呀！做咗我細嗰，坐咗乘客位。

Toby Chan：嗰種聲音、嗰種速度感，可能你而係唔係行得，唔係好快，但佢俾你嘅感覺就是——依個就是跑車！

依家嗰啲跑車都好人工，大家有個方程式去做俾你盼，點樣叫「跑車」、乜嘢係叫你sporty」，我用乜嘢四驅系統、用乜嘢引擎就得！

Toby Leung：我覺得呢架車是好代表到「法拉利」三個字。

Toby Chan：以前人們會覺得#%^$%&^$*

Toby Leung：法拉利快，我細個陣心目中嘅「快」原來係咁。而我相信呢家488 GTB用了turbo嘅法拉利，所有嘢都好不同。一來速度變得好容易，二來變咗雙離合、轉波撥片嘅波箱，你少了呢去揸佢嘅樂趣

Toby Chan：只是聽住呢啲機械嘅聲音，已經好正。

Toby Leung：我昨天揸佢去載我女友，我問她：「你覺不覺得男人在呢度轉波（示範轉波），是件很型的事？」她話：「唔覺喎！」

Toby Chan：咁你有冇一巴煎埋去。（字幕出：之後你有沒有親她一下？）

Toby Leung：咁又無⋯⋯但我問她：「點解唔型？」她話：「好似擺住支廁所棍，攪下攪下，有幾型啫？」

呢個時候我就明白，原來呢啲真是男人嘅浪漫。你見到卓林係《霹靂火》不斷玩波，女Chilam話「好型」，只是他專心做呢件事好型，唔係他轉波呢種動作好型，所以呢個動作仲係吸引男性朋友(笑)

Toby Chan：所以你見到整個鏡頭，我都是對住你閃閃發光，我對眼。可能你女朋友坐在喺度根本無意思。你看到張凳咁乾爽就知了，我而家張凳就濕喇。

Toby Leung：⋯⋯

Toby Leung：點解呢？

Toby Chan：⋯⋯

Toby Chan：唔好問喇

Toby Leung：哇，真係好難上落（笑）

（主持們下車）

Toby Leung：我好感動，唉～終於圓了童年的夢想。當年只是係做咗一小小嘅乘客已經好滿足，而家 25歲人，終於可以親手享受呢部F355 Spider，仲要係棍波版，真的夫復可求！

Toby Chan：我都覺得不是太好。以前，我覺得佢樣子，好似你說到，跳燈咁MR2嘅樣，但聽到嘅聲音，個種速度感係，而家好難有車可以同佢相比，有嘅都係蓮花。

Toby Leung：er...或者都是舊法拉利，但點都好，呢部F355，見證住我們channel第一部法拉利。

Toby Chan：是的！所以今天是值得慶祝的。

（主持們鼓掌）

Toby Leung：好喇，相信你現在收看這條呢，已經是年尾。

Toby Chan：應該是31號。

Toby Leung：應該係，如無意外的話，我們祝大家合皮扭耳！

Toby Chan：合皮扭耳！

金大家記得上Flat Out store買衫。觀眾們如果你哋想看我哋試咩經典超跑呢，留言話俾我哋聽，我哋盡量搜刮佢返嚟，當然呢部咁特別嘅，是我「自肥」的。

Toby Chan：「自肥」嗎？你有冇俾黑鳥嗰啲人看過？

Toby Leung：大寶睇先算吧。

Toby Chan：好啦，我們去慶祝喇，我們要參加倒數派對。

Y Toby Leung：EAH～

Toby Chan：倒數我們幾時⋯⋯

（主持笑，上車）