Dear Google，求下你快啲將 Pixel 引入香港！｜Google Pixel 6 Pro 上手試玩評測

我地呢個channel好大都係一個科技channel啦，我又同大家介紹過Surfshark VPN咁多次啦，不過大家如果真係未有用VPN嘅習慣嘅話，呢個係一個好好嘅時機入手用Surfshark VPN。只要你要去Surfshark.deals/ansoncheung註冊，再係checkout嘅時候用埋promo code “ansoncheung”嘅話就有84% 嘅月費discount，再送多四個月免費添，除番開到只係大約16蚊一個月姐，十幾蚊就可以令自己嘅網絡安全得到多一層保障，仲等咩呢。再一次感謝Surfshark VPN贊助今次呢啲片啦，就係因為有呢啲sponsor嘅support我先至可以繼續拍多啲片比大家睇嘅姐，所以大家一定要多多支持support creator嘅公司啦。

Alright，Pixel 6 Pro，戴一戴頭盔先，今次呢條片唔係一個full review嚟嘅，呢部機係另一個youtuber Wallace買咗借比我嘅姐，我拍完呢條片就要還番部機比佢拍佢個條片架啦，所以大家快啲subscribe定Wallace個channel啦。雖然呢段日子唔夠時間比我做一個full review，我亦都唔想hold起Wallace部機咁耐去做review啦，咁但係係我同佢相處幾日入面我都有啲嘢想講嘅。首先，我做個PSA (Publish Service Announcement)先。我諗你撳得入嚟呢條片睇，你點都對Pixel有少少興趣啦，所以我懇請睇緊嘅你地除咗睇呢條片之外，盡可能同多啲人講下Pixel呢部機，特別係啲唔係好熟手機嘅friend。因為Pixel嚟到咗第六代，香港仍然冇行貨賣，Google香港如果你睇緊嘅話，希望你地快啲將Pixel引入嚟香港。其實Pixel係香港係好多fans架，同埋香港人係deserve多一個選擇架。

Okay，講番部Pixel，咁今年嘅Pixel呢就有兩個型號，一部係regular嘅Pixel 6，另一部就係呢部Pixel 6 Pro，係10月19號正式推出。咁但係係佢地正式推出前嘅好幾個月，其實Google已經不斷有好多小動作去為Pixel 6嘅推出做勢，係咁post一啲相呀，公佈一啲spec呀，買一啲大型廣告牌去宣傳呀，係9月嘅時候直頭係紐約嘅Google Store display埋出嚟添啦。我同Auman嘅Podcast The Big Byte都講過兩集架啦，咁點解Google今次咁著力宣傳呢部Pixel 6同6 Pro呢？因為今代嘅Pixel 6係好特別嘅一代。第一，佢係用緊Google kind of自己設計嘅SoC處理器晶片；第二，佢用緊一個全新嘅相機system；第三，佢係Google自2019年Pixel 4以嚟第一部嘅旗艦作品。

聽就好似來頭好大咁啦，咁到底佢咩料呢，我地由Design講起。今代Pixel嘅design呢，同以前嘅Pixel係好唔同嘅。第一件事，Pixel 6 Pro係一部好大部嘅機，佢嘅闊度同iPhone 13 Pro Max一樣咁滯啦，仲要再高過佢少少添，同上一代Pixel 5比基本上係唔同level嘅。而Regular嘅Pixel 6都唔係細好多架咋喎，佢屏幕比Pixel 6 Pro細咗0.3”，佢都係一部大機嚟嘅，所以今代Pixel唔會再好似Pixel 5咁樣行細機路線，whichi is 係有啲可惜嘅因為我真係好中意Pixel 5個種細機身嘅手感。第二件事，佢機背用咗一種完全唔同嘅物料，上年Pixel 5係金屬機層再加一層polycarbonate聚碳酸酯嘅coating，今代呢就用咗Gorilla Glass Victus 反光玻璃做機背。第三就係呢個非常啲突出嘅camera bar，佢呢個已經唔係一個camera bump咁簡單啦，係一條literally突出嚟，毫無掩飾毫無修飾嘅camera bar。

老實講，我一開頭睇render圖見到呢個反光玻璃，同埋呢條成個X-Men雷射眼咁嘅camera bar呢，好感唔係太大嘅。但係當我拎住實物嘅時候，我冇想像中咁反感嘅。冇錯，我generally係prefer霧面或者啞色嘅玻璃機背，咁但係可能因為Pixel 6用咗個2-tone配色設計，而個配色係配得靚啦，再加埋佢呢個咁突出嘅camera bar呢，成個設計好獨特，你離遠就已經認到佢係一部Pixel 6系列手機，而呢一種獨特係我覺得係現今手機設計絕無僅有嘅。對於呢條camera bar呢，你絕對可以有自己嘅意見啦，但係以practical嘅角度嚟睇，最少佢放係檯面嘅時候唔會好似搖搖板咁，手機嘅震動摩打通常比人忽視咗，但最少我覺得佢係影響成部機感觀嘅一個好重要嘅地方，而Pixel 6嘅震動摩手係非常之好，係好到同iPhone差唔多。

雖然我係咁讚佢啦，但唔代表佢hardware上面冇奇怪嘢。一個對於某部份香港人嚟講比較大嘅致命傷，就係行唔到5G啦。以前嘅話題唔係咁大嘅，但隨住5G越嚟越普及，呢個問題慢慢會更加大，所以Google快啲係香港引入Pixel啦。第二就係佢得單卡槽嘅姐，冇Dual SIM冇Micro SD卡嘅，不過呢啲你買得Pixel都預咗架啦。另外我想講講佢個speaker，Pixel 6 Pro個speaker係係行緊stereo雙喇叭嘅，但係佢個earpiece個邊個喇叭真係好細聲，咁所以佢立體聲效果其實唔出嘅，同埋佢機底個喇叭都係得右邊有聲嘅姐。跟住佢個fingerprint scanner，今年就用咗屏下光學式嘅scanner，但呢個scanner嘅速度同準確度都需要好大嘅進步。你聽我咁講好似Pixel 6 Pro有好多問題咁，冇錯對某啲人嚟講呢啲可能係致命傷，但老實講呢啲問題未必真係咁嚴重嘅姐，不過如果如果你真係諗住買嘅話要知囉。

好啦，跟住落嚟基本上都係讚架啦。講講個mon先，Pixel 6 Pro 個mon係一塊6.7” 1440p 120Hz嘅LTPO AMOLED，咁即係咩呢？簡單啲嚟講佢係一塊好高質嘅mon，佢夠大啦，佢夠sharp啦，佢夠光啦，我完全冇試過係戶外有任何問題啦，同埋佢夠快，120Hz，仲要佢係一塊LTPO嘅panel，即係佢係唔需要用到120Hz嘅時候，就會自動降低個refresh rate去慳番啲電。跟住就嚟講下Pixel一直出哂名嘅相機啦。Google今代終於放棄咗佢地用咗好多年嘅IMX363 sensor啦，轉用咗一個全新嘅相機系統。係呢條camera bar度就有三個鏡頭嘅，一個就係12MP Ultra Wide，一個50MP wide angle主攝鏡，一個48MP 4倍嘅潛望式遠攝鏡。咁呢三個鏡頭嘅表現，特別係個主攝鏡呢，係非常之好，啲相出到嚟好sharp啦，因為佢係用一張50MP嘅sensor做pixel bining出一張12MP嘅相，sharp過以前Pixel 5啦。顏色仍然都係一貫Pixel風格，對比層次比較豐富啦。我係好buy Pixel嘅顏色處理嘅，個個4倍Zoom嘅遠攝鏡老實講唔差嘅真係，咁佢一定冇S21 Ultra個個10倍鏡zoom得咁遠架啦，但係Pixel 6 Pro嘅遠攝鏡sharpness同顏色都係幾好嘅。

我係iPhone 13 Pro Max嘅review就話過睇哂拍片同影相兩大方面，13 Pro Max嘅相機系統係市場上最好啦，咁但係如果就咁以影相嚟講呢，我覺得Pixel 6 Pro係會好過iPhone 13 Pro Max少少嘅，特別係啲比較有挑戰性嘅場景之下，Pixel 6 Pro都會比13 Pro Max有更好嘅表現嘅。唯一我覺得有啲輸蝕嘅地方，就係佢個超廣角鏡度。首先佢得個0.7x，同主攝鏡比其實唔係wide好多嘅姐，仲要佢係三個鏡頭入面sensor嘅Pixel count最少，咁所以啲相嘅質素同其他兩個鏡頭相比，係有啲被比下去嘅。跟住以拍片嚟講呢，就Pixel 6 Pro係軟硬件都有好大嘅進步空間。咁每年Pixel嘅相機，都有啲Google嘅software花巧嘢架啦，今年都唔例外啦，我覺得有兩個值得講下嘅。第一個就係Magic Eraser，如果大家有用開Photoshop嘅話，其實佢基本上係content aware fill嚟嘅姐，不過就簡單直接啲，你用隻手指捽一捽就可以整走啲路人呀燈柱呀咁，而且個效果係okay嘅，除非你好仔細咁睇張相啦。另一個就係一個個叫Action Pan嘅，當你影緊啲郁得好快嘅物件，例如車嘅時候呢，佢就可以幫你加啲motion blur落去，等張相睇落有動感啲。

Pixel 6 Pro另一個重點，就係佢用咗一粒叫Tensor嘅Google自家晶片啦。呢粒Tensor根據Google所講，係AI運算同Language Processing好有優勢嘅晶片，which is 係好附合Google嘅風格同形象啦。咁嚴格嚟講呢，佢唔算係一粒Google由零開始自家設計嘅chip嚟嘅，佢係一粒以Samsung Exynos 2100作為基礎去改嘅一粒chip，咁所以其實佢用緊唔少Exynos嘅技術同埋architecture嘅，咁不過呢啲太technical啦又係，佢嘅performance用起上嚟其實同Snapdragon 888差唔多嘅姐，日常又好打機又好個流暢度都係同S888相似嘅，咁不過打緊機嘅時候佢好快就會發熱同埋都真係幾辣手下嘅。最後好快講埋電量啦，咁Pixel 6 Pro就有一粒5003mAh嘅電池，我唔知個3mAh係點解啦下，咁佢嘅電量係okay嘅，佢嘅電池客量都算大，同埋佢用緊LTPO嘅panel，所以電量絕對係有A嘅，用一日係絕對冇問題，唔記得帶power bank出街都唔洗擔心嘅。

好啦，呢個就係我對Pixel 6 Pro暫時嘅睇法啦，我覺得今年成部機嘅感覺比起以前嘅Pixel成熟咗好多，完善咗好多嘅。我review過Pixel 3a、Pixel 4、Pixel 5，呢部Pixel 6 Pro係最冇犧牲，最少奇怪位嘅一部Pixel。Google香港如果你真係睇緊嘅話，積極考慮下係香港引入Pixel好冇。如果睇緊嘅你識人係Google香港度做，send呢條片比佢睇。好啦，你又點睇呢部Pixel 6 Pro呢？