CES 2022出現退展潮!．全球第一條SMS NFT值$117萬?．XPG Vault電競滑鼠內置1TB SSD｜廣東話【Price Weekly #95 2022年1月】

Price.com.hk 香港格價網 | 科技類 | Jan 3, 2022

此影片謄本由Machiko製作

★非作商業用途，本檔案版權歸版權持有人獨有★

歡迎收看2022年第一集的Price Weekly！先祝大家新年快樂，身體健康！我們一起看看過去一星期最熱門的科技新聞。一年一度嘅CES將於美國時間1月5日至8日舉行，去年因為疫情關係取消了實體展覽，而今次終於都回歸拉斯維加斯的會場。不過因應變種新冠病毒的爆發，多個品牌都宣佈將缺席展覽，包括Google、Lenovo、Intel、
AMD和MSI等等，而部份就會改為以網上形式發表。主辦方則表示他們將要求參與實體活動的人嚴格遵守防疫要求，包括佩戴口罩和進行檢測，似乎並無打算取消活動，而到目前為止仍然未宣布退展的還有Samsung、Sony 和 LG。

下載檔案

所有資料非作商業用途，若有內容侵權，請即通知我們移除。

其中 LG Display 表示將會展出一款名為「OLED Shelf」的透明 OLED 螢幕，是透過兩塊55吋的透明OLED螢幕構成，目的是令到櫥窗或展示櫃有更豐富的視覺效果。一般情況下，螢幕會維持透明的型態，但同時都可以展示數碼的內容，從而與實體商品做到互動的效果，譬如加入產品介紹、穿搭資訊或者影片等等。除了可以用作大型商場的「透明廣告櫥窗」，亦都可以擺喺office用來開視訊會議或present，甚至可以擺喺屋企睇戲，螢幕的頂部收起了一卷「黑幕」，睇戲嘅時候就可以拉落嚟。LG Display 為目前唯一的 OLED 供應商，根據波士頓諮詢集團的推測，全球透明 OLED 市場將於 2022 年達 1,000 億韓元，去到2030年更進一步升高至 12 兆韓元。相信未來幾年，透明OLED螢幕都會越來越普及。

Samsung最近發佈一款專為商務企業市場而設嘅SSD，呢隻叫 PM1743 嘅SSD採用 PCIe 5.0 連接介面，讀取速度高達 13,000 MB/s，而寫入速度就有 6,600 MB/s，速度比起 PCIe 4.0 快了一倍，能源效益亦比上代提升30％，可以幫到企業有更快的儲取需求。唔知呢個企業用的產品幾時會下放去到消費級產品呢？

講起SSD，電競品牌 XPG近日推出咗一款內置 1TB SSD 嘅概念滑鼠「XPG Vault」，方便玩家可以隨時隨地帶埋啲 Game 出街，一插即玩。呢隻採用5鍵設計嘅 Mouse配備了 1TB 容量及讀取速度達985mbps嘅SSD，用家就可以當佢係一個遊戲儲存庫，要打機個陣只要拎隻mouse出嚟駁埋電腦就玩得，唔洗再慢慢下載都真係幾方便。

講起search engine，相信大家最常用的仍然都係Google，但近日一個主打高私隱的搜尋引擎DuckDuckGo就越來越多人用。根據佢哋公佈的數據，今年的搜尋量比去年提升了 46.4%，而平均每日搜尋次數更超過 1 億次。不過相比起有 87.33% 市佔率的Google，DuckDuckGo 只是得 2.53%，仍然都是微不足道，但都已經好接近有 3.3% 的 Yahoo了。而佢哋也宣布將會推出桌面版瀏覽器和強調不會使用Chromium以保障用戶的資料安全，唔知大家又會唔會試用呢？

近日一個韓國車廠發表咗一款採用無人駕駛的多功能四輪電動車，可以用嚟搬貨、搬傢俬甚至當成BB車咁用。呢部車由4個12吋車胎組成，每個輪都有獨立嘅避震懸掛系統和 3 個摩打，可以做到多角度轉向。從官片可見，呢架車可以輕鬆運送包裹、BB車、甚至是金字塔形的香檳酒杯，就算行一啲比較曲折的路線都應付得到。廠方話目標是研發自動跟蹤人類步速行駛技術，暫時都未公布車輛的售價及發售日期，如果大家有興趣嘅話就要留意1月嘅CES喇！

手機語音助理經常被指偷聽用戶的對話，最近更出現涉及人身安全的問題。一個10歲的美國女童問Alexa 有咩challenge可以玩，而 Alexa 竟然建議佢試玩最近TikTok好hit嘅「Penny Challenge」！玩法是把手機充電座半插入插座，再用硬幣觸碰外面的插頭，一個唔小心真係會隨時觸電甚至引起火災！好在當時女童嘅媽媽即時制止咗佢，否則後果不堪設想。事後 Amazon 已即時修復返相關錯誤，亦對Alexa進行咗更新，防止向用家推薦危險活動。

Facebook 去年多次捲入私隱外洩的風波，繼早前被評為2021年最差的公司，最近就連Facebook 創辦人朱克伯格都被美國雜誌《The New Republic》選為「2021年度惡人」。當中一個專欄作家以「朱克伯格獲選新共和2021年度惡人」為題寫了一篇文章，他批評Facebook令世界變得更愚蠢、醜陋和更糟糕，甚至用「傻仔」稱呼朱克伯格，話他以不正當的手段獲利，只顧自身利益而罔顧虛假的言論和廣告，是有史以來最惡劣的網站。對於Facebook最近改名做 Meta佢就認為「正常人」都不會對元宇宙有興趣，唔知大家又點睇呢？

聖誕節就過咗喇，就算收唔到禮物相信大家都收到好多"Merry Christmas"的message，但有冇諗過一句 “Merry Christmas” 嘅SMS竟然值15 萬美元？英國電訊商 Vodafone最近將世界上第一條SMS製作成 NFT 非同質化代幣，成功喺一個法國的拍賣會以約117萬港元賣出。呢個message係由Vodafone 一個程式員於1992年12 月 3 日透過2G網絡喺電腦send比佢嘅董事長，而內容只是一句「Merry Christmas」，相信佢諗都冇諗過29年後嘅今日，呢個message竟然咁值錢。呢個SMS而家被封存在一個數碼相框入面，投得呢個SMS嘅擁有者則可在區塊鏈中聲明擁有對 NFT 的擁有權，而拍賣所得的款項將會捐給聯合國難民署。