25/12《圍爐取戀》豪門新抱唔易做...！？鬼王潘紹聰大駕光臨！

專家Dickson: 好似馬嗰啲嘅配種咁樣呀，佢係唔尊重你嘅基因呀我覺得會係。
Candy: 咦！我都真係冇諗過呢個問題喎。因為呢，我男朋友佢仲有個細佬嘅，佢哋兩個都係資優㗎，佢哋係跳級嗰啲⋯
群：哦⋯⋯
利君牙：我想問呢，你男朋友會唔會係經濟上需要佢父母幫佢㗎 ？
Candy: 哦，唔需要。
利君牙：哦～即係佢可以……
專家Dickson：即係佢有自己嘅事業，自己去搵錢嘅？
Candy: 係呀係呀
群：哦⋯⋯
Kneta：咁Candy呀，我想知佢哋係咪唔係想一齊住嘅先？
Candy：自己住嘅，同男朋友自己住嘅。
潘紹聰：哦～ 咁還好！
Kneta：係囉。
潘紹聰：係囉，咁還好！
專家Dickson：即係佢過到個關之後就⋯⋯可能後面冇後續嘅～
Kneta：係喇！
利君牙：有機會冇嘅！
專家Dickson：除非佢爸爸媽媽去旅行返嚟。
潘紹聰：咁你要期待個疫情唔好完喇！
群：哈哈哈哈哈
潘紹聰：係咪先？
Kneta：咁就永遠都返唔到
潘紹聰：即係永遠見唔到喇咁樣～即係講笑啫，係咪先？
專家Dickson：你有冇呢個嘗試同你嘅男朋友去講出你呢個委屈同concern呀？
Candy：有呀，佢都明白呀！其實佢同佢屋企人傾完之後佢冇即刻同我講㗎，佢就係唔敢囉佢話。
群：嗯⋯⋯
利君牙：因為佢自己都覺得奇怪！
Candy：佢都覺得呢個要求係唔係OK囉！
潘紹聰：因為我睇到呢個case嘅時候，我幫佢諗有咩方法可以改變呢件事。你會唔會自己一落去upgrade自己？其實我唔係覺得美容係差呀！如果佢認為你係差嘅說話，你俾佢知道你係上進嘅，我都好多cert返嚟嘅，我要成為美容王國嘅最top嘅人！咁你咪可能你有機會扭轉局面囉！
Candy：因為其實我而家做美容啦，但係我係自己舖頭嚟嘅。
專家Dickson：佢已經好top㗎喇原來。
群：哦⋯⋯
潘紹聰：又或者我比多條橋啦！咁呢個係要你男朋友一齊配合嘅！你試吓叫你男朋友呢，做場戲出嚟先。咁同你分手，跟住就搵過另一條女，扮嘢嘅啫！更差嘅，講粗口食煙嘅咁樣，你冇得揀㗎啦，阿爸阿媽！
Kneta：係佢㗎喇！
潘紹聰：係佢㗎喇咁樣！
專家Dickson：跟住仲要約埋爸爸媽媽返嚟香港見面見面。
潘紹聰：係喇。
Kneta：surprise!
專家Dickson：一嚟就問候佢媽媽！
利君牙：然後爸爸媽媽就可能：「哎，都係揀返之前嗰個喇」
專家Dickson：「原來美容都係好㗎」
潘紹聰：係喇。我幫你紋眉吓～Auntie咁樣
利君牙：掂唔掂呀呢招？
Candy：（笑）
利君牙： OK喎！
專家Dickson：得咗得咗！
Kneta：我而家突然間個諗法就係……佢男朋友其實都係一個兩難嘅局面呀嘛，不如就做一次reference check，你要咩我就比一次！如果你有啲咩concern，話有啲咩OK唔OK，乜乜物物，你男朋友係咪都會照娶你先？
利君牙：即係俾就俾咗喇。
Kneta：係喇，我俾咗俾咗喇，你有咩唔滿意永遠可以揪秤⋯⋯
專家Dickson：all in嚟㗎喎你呢個！
Kneta：其實佢而家冇分別㗎 ！因為佢慢慢拖。
潘紹聰：佢都預咗輸啦嘛～
Kneta：係呀，佢一路拖，拖10年都得個喎！佢屋企人唔俾就唔俾，佢男朋友肯唔肯同佢真係私奔先？
專家Dickson：嗱，我嘅諗法就係，我覺得唔係，我覺得尊嚴係要守護嘅。因為你攞唔到我reference，其實你冇蝕底㗎嘛，咁個問題就係，而家我唔俾reference 你喇，你係咪真係要唔見我呀？如果你係要唔見，我覺得呢個男人拜拜，即係搵我好過！
群：哈哈哈哈哈
利君牙：最緊要搵你？
專家Dickson：係呀係呀，即係咁嘅意思囉。
潘紹聰：有冇tomeline㗎你而家呢件事？
Candy：其實係我自己急咋嘛。
潘紹聰：哦……
Candy：因為我都30歲啦，然後我都想生小朋友嘅。
潘紹聰：所以我頭先就話如果你真係好愛嘅話呢，我覺得有好多嘢都係可以⋯⋯渡化嘅。靈體可以渡化係咪先？
利君牙：點樣做法佢爸爸媽媽呢？
潘紹聰：要誦經俾佢先！
專家Dickson：哈哈哈哈
潘紹聰：我覺得任何人你表現出你嘅上進啦，或者你對佢個仔真係好好啦，作為父母嘅，最終都係希望個仔隔離嗰個可以幫到佢，或者一個融洽家庭啫～咁所以我覺得你如果表現出你係對佢個仔好體貼呀、好保護到佢各樣野啦，而佢又睇到你：「喂，佢原來係讀緊好多書喎！」係咪先？我諗佢好關心嗰個人嗰個質素嗰個問題。
專家Dickson：即係用行為去感化佢。所以首先我覺得唔好比咩Reference先⋯⋯
Kneta：謹守個尊嚴。
專家Dickson：但你用另一個方法俾佢睇到你嘅reference，甚至乎你可以同佢講話：「就算我俾晒所有字啊、紙呀你嗰啲，其實佢又冇法律效力嘅，其實佢都冇代表任何野，咁我俾你其實冇意思，而且我因為咁樣而好有hard feeling。」
Candy：明白。
利君牙：我就反而覺得，因為我知Candy佢可能有啲心急，因為佢想生小朋友呀嘛～我就反而覺得一係你就交咗佢，得就得，唔得就由佢。
專家Dickson：交咗佢都唔會得㗎喇
Kneta：我係prefer all in嘅。唔得就，拜拜！唔好嘥我時間！
利君牙：係囉。如果唔係你咁樣一路拖呢，你又喺度煩，喺度傾咁耐呢，你就高齡產婦㗎喇！
專家Dickson：到最後唔係㗎，可能又係圍爐一律以分手處理！講笑啫。咁Candy好多謝你phone in打上嚟喇，我希望你可以唔需要交reference 嘅情況下又可以結到婚咁啦。
Candy：好啊，多謝你。唔該晒咁多位主持。
專家Dickson：thank you你。
群：拜拜～
Candy：好，拜拜～

專家Dickson：咁我想問吓啦，譬如如果你哋兩個有機會嫁入豪門，咁你哋會唔會交嗰個refernece？定係喺上面寫「x你阿媽」咁就算先？
Kneta：呢個都會寫！
利君牙：頭先點解我suggest佢要比呢？因為佢好想生小朋友呀！但係如果我自己呢，我冇話好想生仔，咁所以我可能就會唔會囉～但係我都好取決於嗰個男仔嘅態度嘅，即係如果佢係一個將來會幫我嘅人呢，我可能會為咗佢而認一次低威。
Kneta：我嘅話就……咁雖然我係好唔OK，但係我會一次囉，真係一次。就試咗……
專家Dickson：你同佢膽博膽呀嘛！
Kneta：我唔想煩啊！嗱，首先豪唔豪門呢樣嘢，就已經唔係一個重點嚟⋯⋯
專家Dickson：你係想同嗰個男仔喺埋一齊。
Kneta：係呀係呀，即係如果佢一個好麻煩嘅豪門呢，你李嘉誠我都唔會嫁！因為我入到去唔係享榮華富貴，我受罪啊！
專家Dickson：即係做奴隸呀嘛！
Kneta：係呀！即係難聽啲講可能變生仔機器啊！做工人啊～
專家Dickson： （笑）生仔機器⋯⋯
Kneta：係呀，咁你自己同你另一半夠食夠洗，開心嘅咁使咩理咁多嘢啫？咁如果我真係好鍾意，即係一次搞掂，唔好煩！唔得就算喇，唔好嘥時間。
利君牙：因為我都明白佢嗰個父母問呢件事都係關心自己個仔啫～
專家Dickson：係，都係嘅。
利君牙：即係講到尾～Edmond，問吓你喇喎，你今日做我哋嘅圍爐主持覺得點呀？
潘紹聰：好得意呀！
專家Dickson：因為你平時係做開一啲鬼故事多啲嘅⋯⋯
利君牙：我好少見你笑得咁開心㗎！平時你都好cool咁樣⋯⋯
潘紹聰：做鬼嘢唔會笑得咁開心㗎嘛！
利君牙： 好cool咁樣「係」
潘紹聰：唔係，我都好耐冇講過呢啲話題喇，即係喺節目上面～咁但係其實歸根結底，都係果句，人比鬼更恐怖㗎！真係㗎，即係可能有好多懸念呀，或者要求好多嘢，即係對人嘅要求。
專家Dickson：因為可能佢攞reference list嘅背後，可能都係一種怨念或者係執着。
潘紹聰：係呀，咁所以永遠都係人都係⋯⋯難攪過鬼。鬼可能我燒吓野比佢啦，俾少少經你唸下，咁可能佢真係有機會會走。但係呢啲咁樣就一世㗎喇喎！
專家Dickson：就算你交埋嗰張野都未必走呀！
潘紹聰：係㗎 。
專家Dickson：咁我哋今日多謝阿Edmond上嚟做我哋圍爐嘅嘉賓啦！咁Edmond佢自己本身都有好多鬼節目嘅，大家都可以留意番。
Kneta：下次可唔可以一齊傾吓鬼節目呀大家？
利君牙：有冇啲鬼仔戀㗎 ？
Kneta：鬼仔戀？ ！
潘紹聰：有啊有啊！
利君牙：勁想聽鬼仔戀啊！ ！ ！
潘紹聰：冥婚嗰啲都係呢啲。
Kneta：呢個最近我有睇啲新聞⋯⋯
利君牙：好！我哋唔好喺呢度講啦！ ！我哋下集再請Edmond上嚟傾冥婚嘢好唔好？下次再見啦！拜拜！ ！