直擊疫情下的伊斯坦堡 土耳其人戶外唔戴口罩佛系抗疫 藍色清真寺全街是旅客 ？即拍即剪2021年9月1日 Turkey during COVID 1 Sep

Ivan: Hello, I want to buy the number 7 bus ticket. Is it here?

職員: Number 7? No. Number 14.

Ivan: 總之佢叫我坐14號巴士。我想講嘅係出發前兩日有兩次香港係ban咗由伊斯坦堡飛返香港土耳其航空嘅Direct flight，我有時都諗會唔會冇機飛去呢，但唔會啦，我都安全著陸。同行我哋見到好多國內嘅同胞，好多留學生去伊斯坦堡轉機。

Ivan: 怎麼稱呼你？

留學生: 叫我Carol就好

Ivan: Carol你好，我叫Ivan。

Ivan: Carol喺上海嚟，上海經香港轉機，嚟到伊斯坦堡，我哋好巧合地一齊等巴士，然後我哋發現我哋係住同一間Hostel。

Ivan: 你聽得懂嗎？

Carol: 聽不懂。（笑）

Ivan: 你不怕COVID嗎？

Carol: COVID？對我來說，我很年輕很健康。

Ivan: 我也是我也是……（笑）

Carol: 我很多朋友都二十多歲都在歐洲隔離，就沒甚麼樣，就自己康復。而有實驗證明對年輕人來說不會太危險。而且我也不會回家傳染給家中的老人，所以就沒有這個風險。

Ivan: 大家可能都知道伊斯坦堡分咗歐洲版塊同亞洲版塊，咁我哋坐咗粒幾鐘頭巴士，終於嚟到目的地喇。

Ivan: 期待嗎？

Carol:（點頭，大笑）

Ivan: 要畀反應，要畀反應。

Ivan:（指向海）睇下，好靚啊。其實我可以坐喺嗰啲地方全日，乜嘢都唔做。

住呢邊嘅好處就係比較貼近民居，多啲當地人生活，所以物價應該平少少。我個Friend介紹我住，又真係唔錯喎。喺出面睇以為係歐洲小鎮。

我就係住喺呢到喇。咁我住喺4人dorm，呢個就係我間房喇。冇啦啦住hostel有隻貓喺到，好得意。貓星人，過嚟！

（貓跳過去）

哇真係過嚟㗎喎，哎呀，好cute。貓星人，過嚟，come here。

咁呢到就係我住嘅Hostel，見到啲住客同員工喺到食緊早餐。咁大家應該大概睇到間Hostel係點樣。咁我就出去食個早餐。

我實在係太餓喇，而家食嚟到土耳其嘅第一餐。原本Hostel隔離有間早餐店，係我朋友介紹嘅，點知今日係禮拜三，係冇開嘅。咁我就喺海邊求其搵咗間餐廳，我見出面餐牌寫32蚊左右，幾好飲喎個雞湯。佢有啲一粒粒嘅，我唔知係咩嚟，有啲似麵粉咁嘅。

出嚟呼吸下喺國外嘅空氣，幾耐冇呼吸過。出到嚟又覺得幾正常㗎喎。以我所知，土耳其係有超過680萬人確診，琴日最新發現31號嘅最新確診數字有兩萬幾單。咁你問我，嚟到呢度見到啲人都係好平常咁生活。出街有人戴口罩，有人都唔戴嘅。

我今日都搞咗成個朝早，終於坐郵輪去歐洲版塊。咁去到嗰度就會Join tours。 哇，咁鬼有型嘅架船。我住喺亞洲版塊嗰邊，要搭船真係比較遠，但我真係幾鍾意每日都咁樣搭船，因為一嚟又唔係趕時間，二嚟呢個海峽真係好靚。

可能好多人會問：喂你唔驚肺炎咩？驚就唔好嚟，嚟就唔好驚。係咪先？嚟得你都唔會真係擔心咁多。相信以呢個時勢，下年都冇得去旅行。但我so far就冇咁快返香港，所以有一段時間會喺國外遊走下。

（買土耳其雪糕，俾人玩）

好似奶到佢隻手指，鹹鹹哋有啲嘔心。

點解會嚟伊斯坦堡呢？2016年我有機會嚟呢度旅行，點知出發前一日有一個炸彈襲擊，喺？附近，有遊客死傷，結果我一landing就轉咗去，買多程機票去咗希臘。之前去唔到，加上土耳其而家唔洗隔離，一係你打咗兩針過咗14日，一係就PCR Test negative，咁就唔洗隔離。我諗住喺土耳其base，希望去埋附近啲中東國家。

（有跑車經過，路人圍觀，與當地人對話）

Ivan: Oh action movie!

我直擊到一個電影拍攝。

Ivan: Do you know what kind of movie? Fast and Furious?

當地人: Maybe.

（到清真寺）

Ivan: 老老實實，呢個清真寺嘅歷史我都唔喺度講咁多廢話，大家有興趣就自己睇，我純粹係睇下而家嘅近況係點，究竟多唔多人。

記得除鞋先好入。估唔到入到嚟都幾多地方裝修緊。你見到呢個牆其實係包咗啲假膠喺度，有釘喺度，手工有啲差，老實講。你見到佢入面都有叫你保持1.5米嘅距離，但真係有冇人做到呢就……唔知喇。

我嚟之前係唔知有呢個show睇，入場費都有啲貴。

呢個？?庫 （Serefiye Cistern) 話晒都有一千六百年歷史，嗰度寫嘅，我覺得都值得去望一望嘅，可能深水埗主教山都做到咁嘅？？，都好值得去保育。

啱啱餐廳叔叔介紹我食呢個，好似卡式pizza，有芝士、蕃茄、蛋，好似冇乜味，好似食緊pizza味嘅蛋治。

最後，好多謝大家關注我嘅行程，我個post有成2500個likes，我希望個view數最後都有至少2500個人，因為自己一個要拍、要剪、要講嘢，其實真係好攰。同埋我衷心希望大家可以畀少少意見我，我以前嘅片比較少用vlog嘅形式去拍，做vlog嘅好處就係唔洗用腦，去邊就講乜，但問我就覺得爭少少訪問硬係有啲周身唔聚財，即拍即剪冇計啦。但係嚟緊土耳其系列我都約緊一啲訪問，但有啲碰釘，都保證唔到大家好快有訪問睇到。以前有公司有成本，畀錢tour guide請一日，就帶你去做一件事，但你自己一個嘅時候，你發現要畀1000蚊或者1500蚊去join一個團嘅時候，究竟要join幾多個團先可以拍到一條片呢？或者你一條片嘅成本係幾多呢？值得我慢慢計數。但我都希望拍多啲好嘅內容俾大家睇。希望大家都留言話我知睇完呢條片有咩感覺，究竟鍾意以前嗰種以訪問內容為主導，定都ok vlog嘅形式呢？

咁今日條片就到呢度喇，我仲要返hostel剪片。好攰，真係好攰，所以希望大家真係多多支持。唔講喇，拜拜。