倫敦以外最靚聖誕市集 Best Christmas Markets Outside of London

不過可以咁講既，落雪依家野呢就唔係愈多愈把閉既。咁Chester除左係一個羅馬古城之外呢，係中世紀既時候呢都係一個好繁忙既交易港黎既，受惠於愛爾蘭海既貿易亦即係同愛爾蘭威爾斯trade啦，Chester就變成左一個好蓬勃既城市，咁究竟有幾蓬勃呢？佢地就係市中心度起左就D兩層樓高既商業街叫做Rows，宜家見到呢D就係啦。呢D Rows係全英國得Chester獨有既姐，由中世紀去到帝舵去找維多利亞時代Chester都係一個商貿城市黎既。咁但係到到今時今日呢Chester就變成一個旅遊城市，而呢D Rows既作用都改變左。所以如果你地夏天黎既時候呢D餐廳會兩層都放晒D檯凳係度，咁你可以坐低一路飲野一路hea囉，係好正架夏天黎Chester。

仲有D咩係唯一既呢，Chester呢度亦都係有全英國唯一一個最完整既城牆，個城牆係公元一世紀班羅馬佬開始起既，但我地宜家行緊既呢一個呢係12世紀最近代既完成版，都好耐歷史架啦。你就可以係個城牆度完整咁兜一個圈，全長大概3公里，你就當好似香港太平山個老襯亭咁樣。係城牆側邊你就會搵到呢一個全世界最古老既馬場，係1539年就已經開始有賽馬架啦，而佢都係全英國最細既馬場，條賽道只係得1.6公里長既姐。沿住條城牆行呢，我地就返番黎呢一個好出名既叫做Eastgate Clock，呢個鐘係愛黎慶祝維多利亞女王登基60周年，而佢亦都係繼倫敦大笨鐘之後全英國最多人參觀同埋影相既一個鐘。

我地宜家望緊呢一個係全英國最大型既羅馬劇院，呢個野係公元1世紀既時候班羅馬佬起既，咁就係用作於練兵或者係一D娛樂用途，好似你話打摔角呀鬥雞咁樣。而呢一個劇院係已經埋左千幾年，到1929年先至俾人重新發現，而去到2000年D考古學家先開始掘呢一度。但呢個劇場點解掘掘下掘到一半會停呢？原因係後面呢幢紅色磚building佢都係二級文化遺產所以唔拆得。左手又係肉手背又係肉，咁D人點搞呢，就係呢度畫左幅牆身畫就當係呢個劇場後面果一半。好啦行到呢一度就睇下Chester既聖誕市集啦。我就比較老餅鐘意D聖誕市集係近市政廳或者教堂咁樣，而Chester呢度呢就係咁樣啦。呢個聖誕市集就絕對唔係大既，數埋50個shore都唔夠，都佢就係有呢個聖誕氣氛囉。呢個market賣既野你係D好普通既野黎姐係唔似倫敦Winter Wonder Land咁樣有攤位遊戲，都係賣下D手工製品，野食就有D豬手呀香腸呀咁樣。

唔係話好特別既野，但你成個package咁睇呢個城市連埋D觀光地點再加埋呢個Christmas market呢，係一個好靚好完整既配套，好岩一個weekend黎囉。我係呢度都遇到一班岩岩到埗既香港人一家大細，特別替一班小朋友高興啦，因為終於可以黎到英國讀返一D正常既書，就唔駛讀果D咩爛鬼愛國教育呀、爺爺有多好果D野，恭喜你地生活愉快。好啦一個Chester既小小分享，咁家都見到啦呢個城市係有好多文化好多歷史係度既，所以初到貴境既香港朋友呢就可以帶D仔女黎一度spend個weekend，幾好玩架呢度真係。好啦咁我地Chester就睇到呢度先，我地去下一個地方啦。

離開大西北之後我地就去第二個聖誕市集啦，我地黎到英國第二大城市伯明翰，黎到之後就check in左酒店先，呢間叫做Grand Hotel，呢度係伯明翰既半島但只係半島既1/4價錢。個地點亦都好近伯明翰市中心同埋個聖誕市集啦，所以都係唔錯既。間房就係咁樣啦，岩岩新裝修完靚床褥大電視乜鳩都有。同埋呢一間酒店就有一個好出名既lounge酒廊，D闊太就好鐘意黎呢度食tea。出去食D野先啦，我地就黎到伯明翰既唐人街，有一間餐廳就想同大家介紹下。Formosa Izakaya，台灣野不過個老細係香港人，D staff但部份都係香港人，同埋係傾到偈岩傾既香港人。佢地既野食點樣呢？鹽酥鵝毛牛肉麵、滷肉飯都非常之有水準。價錢點樣呢其實幾抵屌既，一大碗牛肉麵8鎊，兩個人食埋單30鎊左右，一點也不悲傷。所以我又會推介呢間俾大家食。

好啦到個聖誕市集啦，伯明翰既聖誕市集有咩咁特別？佢就係除左德國同奧地利以外全歐洲最大型德國式聖誕市集，佢好大型既有200幾個檔仔，咁但係今年仲係武漢肺炎緊所以個檔仔數就減少左得返百幾個，但仍然都好多野行。氣氛就好過Chester因為佢有DJ打歌啦跟著D野食好D啦都有D大D既啤酒啦。如果你唔係好鐘意倫敦Winter Wonderland果一隻歡樂天地feel呢，呢個就傳統很黎比較好玩，你睇下我地D醉樣哈哈哈哈。呢個Christmas market絕對有佢既吸引力，我地連續兩晚都黎左都好開心。（又變種啦幾時先完？幾時又封關呀！）黎到伯明翰一定會遇到香港人，都係果句啦，見到一D細路仔過到黎開心呢就最令到我開心。

好啦飲埋呢杯我地就要起程啦去第三個市集。第三站呢我地就繼續南行去到漢普郡一個好靚既城市，前英格蘭首都Winchester溫切斯特。其實今次過黎Winchester最主要既目的呢都係幫一個即將要過黎英國既網友睇樓，咁就順道拍埋呢度既聖誕市集啦，因為呢度都幾浪費架。衰就衰在我冇乜時間去explore呢個town因為瞓得一晚姐。但呢個town就真係好鬼靚，與世無爭人傑地靈。如果大家想知多D Winchester呢個地方方可以去Chris Wong王俊彥頻道，佢最近都拍左條片，咁我下面就會擺條link出黎你可以撳黎睇。

未去Christmas market之前先去間吧度飲杯野先啦，呢度有間The Oldest Bar in England不過假架喎，學埋晒大公文匯D取巧野98%投票率。呢度其實就係個酒窖先係1002年，間吧就唔係。不過算啦有酒飲邊Q個理呀。咁呢度個聖誕市集有咩咁靚呢？佢就係近住Winchester大教堂，依度夜晚就有呢D燈照住。但呢一個market D手工製品係精緻好多，好多都係自己做，就唔似其他market攞D大陸淘寶貨出黎賣。而佢呢度亦都有好多呢D仿古carts仔，就係賣一D花生或者mulled wine咁樣，好靚架成個環境都咁咁樣。好啦今集睇到呢度先啦，多謝大家收睇。三個比較傳統D既聖誕市集，唔知你地鐘意邊個啦。準備起行過黎既香港朋友，可以睇住呢條片做住research先，下年就可以揀黎玩啦。最後就祝大家聖誕同新年快樂，最緊要出入平平安安。