20/12《圍爐取戀》點解我仲係單身呀？！

東方昇:咁全香港得我過到關咋喎~

眾人:Hello!!!

東方昇:點啊今日咩題目？

旁白:今日首先想問吓大家，你哋對於玩交友app有啲咩睇法呢？

東方昇:嘩交友app，正呀！我見到而家好多人都係喺交友app嗰度搵另一半啦，我好羨慕呀！但係我已經冇呢個機會啦～

Kneta:你冇玩過咩？

東方昇:我冇玩過，都唔係我嗰個…唔係我嗰個年代

Kneta:扮嘢～

利君牙:你依家都可以玩㗎

東方昇:因為佢哋……以前我哋識另一半嘅就係……向啲同學埋手呀，向啲同事埋手呀，但係而家你有咗交友app之後你就……都好多機會搵唔同類型嘅人，可以試真啲啊成件事

利君牙:我係傳統仔嚟嘅，即係我鍾意識人呢係識佢個真人，即係我唔鍾意打字，因為我自己打字好慢，另一個原因就係因為我都拍咗拖啦，即係冇需要啦～

專家Dickson:你結婚添！

利君牙:係呀係呀！所以我就冇機會去用好多時間玩呢樣嘢囉

專家Dickson:但係譬如我自己覺得啦，交友app呢樣嘢係現今社會嘅人都應該有嘅體驗，因為我記得嗰個時候er..啲同學大家真係交流佢哋玩交友app嘅時候嘅一啲心得㗎

Kneta:我唔認同喎，個個都要玩我就係唔玩呀

專家Dickson:因為你玩性格

Kneta:我有玩過一排嘅，但係我體驗唔到個樂趣囉

東方昇:你冇玩都拍到咁多次拖

專家Dickson:咪就係囉

東方昇:好彩你冇玩咋！你真係

專家Dickson:30次變做300次

東方昇:你已經好多戀愛經驗

Kneta:三萬人斬

東方昇:咁點解無啦啦問我哋交友app呢？

旁白:因為圍爐終於有廣告啦！今次我哋係幫交友app Coffee Meets Bagel賣廣告呀

眾人:哇好啊好啊好啊！

利君牙:我想更正返，其實交友app係好好玩嘅

Kneta:哎呀我好鍾意添

利君牙:我頭先錯咗！我唔啱！

東方昇:你離開啊你冇廣告費收！你走呀你哋

旁白:咁今日嘅case就係關於一個單身咗好耐，但係又好想拍拖嘅事主喎~佢就想打電話上嚟問吓咁多位主持，點解佢到而家都仲係單身啊！

<本集主題：拆解事主單身之謎>

眾人:哦~~~

東方昇: Ango你好~

Ango:Hello~

東方昇:喂，聽講你單身咗好耐喎~

Ango:係呀！即係其實我都20幾歲人啦

專家Dickson: 20幾歲就唔好……

東方昇: 20幾歲咪係囉！單身咗幾耐先？

Ango:差唔多都係母胎單身啦

東方昇: 哇有咁勁咩

專家Dickson:唔係，就算你母胎單身都係小兒科嚟，都係20幾年啫

Ango:搵唔到一個符合自己條件嘅人，就鍾意唔落咁

眾人:哦~

東方昇:我聽你把聲都……斯斯文文

專家Dickson:又甜美

東方昇:係囉甜美㗎喎..唔似……啲咁奄尖嘅人喎

Ango:唔係我奄尖，係有要求啫！

眾人:哦……好好好！明嘅明嘅！

專家Dickson:講咗你嘅要求先！

Ango:咁首先要靚仔，要高嘅

(Ango擇偶條件一:高大靚仔)

東方昇:好高要求啦喎！高係咩先？啲人話咩178 cm以下係咩話？矮仔定點？連登有個講法㗎嘛

Ango:其實有175 cm都OK 㗎喇我覺得

東方昇:點解呢？因為你自己好高嘅？

Ango:唔係咁我好矮嘅，咁但係……即係如果係…即係高嘅話，你有安全感，咁你拖出街都型啲，威啲呀嘛！

眾人:嗯～

利君牙:你幾高啊自己？

Ango:一五幾cm囉~

眾人:一五幾cm???

Kneta:差廿幾cm喎

專家Dickson:你唔怕……

東方昇:我講句公道說話啦～我哋聽電話就見到阿Ango個樣嘅，佢條腿係….係長嘅

利君牙:係嘅係嘅瘦腳嘅

東方昇:條腿係靚嘅，佢有資格要求個高人嘅我覺得！樣呢？你要咩……你有冇心儀要啲咩樣呢其實你自己？

Ango:類似周國賢嗰type囉

Kneta:即係要有佬味

Ango:係啦！佬味係好重要嘅

東方昇:如果低啲要求有冇啲呀？

Ango:最低要求係周國賢啦

眾人:哇~~!

東方昇:咁全香港得我過到關咋喎~

Ango:哎呀唔係呀要東方昇都得㗎啦

東方昇:我得吓嘛！嗱樣呢就咁樣啦～仲有啲乜嘢要求呢？

Ango:我希望佢同我有…相同嘅興趣啦!咁我自己就鍾意睇港產片

(Ango擇偶條件二:鍾意睇港產片)

眾人:哦~~

專家Dickson:真係喎，你又鍾意睇戲喎～

Kneta:係咪打上嚟示愛咋？

專家Dickson:你直情係拍戲喎

東方昇:所以我哋而家……我哋而家配對緊我哋..點解你會鍾意一個……即係一定要睇港產片？

Ango:我好鍾意香港情懷嘅嘢囉，同埋……即係尤其是80年代嗰啲呢，我好鍾意嗰一個文化、好鍾意嗰個vibe 咁樣囉

東方昇:咁你有冇曾經搵過個..男朋友係……好鍾意同你入去睇港產片呢?冇?

Ango:我想係真係鍾意港產片

東方昇:哦，即係就你多數係咪？

眾人:哦~

Ango:多數就喺度扮鍾意

東方昇:跟住就喺度恰着咗，瞓覺嗰啲

東方昇:我肯定Ango係鍾意呢…睇完戲跟住就同男朋友討論一番

專家Dickson:溝通

東方昇:係呀!慢慢傾住嗰啲

眾人:哦~~

Ango:咁先有內涵呀嘛！咁先傾到計

東方昇:哦OK好好好!跟住仲有呢？

Ango:我係接受唔到個男人係鍾意睇Marvel嘅

(Ango擇偶條件三不能是Marvel粉絲:)

利君牙:你唔使同佢一齊睇，佢自己睇得唔得呀？

Ango:佢自己睇可以，但係你唔可以好沉迷囉，你唔可以係真係……好毒嗰種:啊~Marvel好正啊！一出我就要去搶飛嗰啲呢

東方昇:佢咁樣講一講呢，全球人類tart一下手指冇咗一半啊

Ango:我覺得鍾意睇Marvel嘅人呢，其實你deep down就係……你係崇拜呢個英雄主義嘅，你覺得係總有一個人類係…..Superior過其他人咁樣囉

東方昇:即係隱含咗好多嘢嘅..仲有冇啲奇怪啲㗎 ？

Ango:好奇怪咩?

利君牙:唔係~ OK，我改個問法!仲有冇……仲有冇其他條件呢？

東方昇:你最正常，我哋全世界人都奇怪!

Ango: er..我會希望佢識得揸電單車囉

(Ango擇偶條件四:識揸電單車)

專家Dickson:阿郎的故事？

Ango:古惑仔啊~

利君牙:古惑仔但係又唔可以英雄主義喎??

Kneta:好矛盾喎

專家Dickson: 你有冇聽過陳浩南話「疊馬囉，英雄主義囉」

Ango:即係我好鍾意睇呢套戲，但係唔代表我會真係想要個古惑仔做我男朋友㗎嘛~你幻想吓即係如果……佢識揸電單車嘅話，咁我就成日都係攬住佢條腰、坐佢後座，之後喺個高速公路到馳騁，成件事係好浪漫！你就算唔靚仔，我淨係攬住你唔使睇你個樣

東方昇:不如咁講啦，有冇啲係性格上嘅嘢呢？

Ango:我希望佢係成熟穩重嘅，會識得互相尊重，同埋要獨立、唔好黐身囉

(Ango擇偶條件五:成熟、穩重、獨立:)

Ango:因為我就係一個好享受私人時間嘅人嚟嘅，咁我……就覺得大家都有唔同嘅社交圈子，咁大家都有自己嘅生活㗎嘛，咁你分咗手點算呀？

東方昇:職業呢，有冇想要求佢做啲咩啊？

Ango:唔好……唔好賺少過我囉..唔好要我畀囉

(Ango擇偶條件六:收入要高過自己)

東方昇:嘩！

專家Dickson:唔係！你賺幾多先？呢個係個問題

Kneta:好緊要㗎喎

專家Dickson:原來你每個月我都……

Kneta:五萬蚊咁樣

專家Dickson:三、四萬㗎

Ango:唔係~咁我都唔係賺好多，所以我覺得如果你賺得仲少過我嘅話，咁即係……奀咗啲囉

東方昇:你……你絕對完全係連登仔最憎嗰啲女仔，你噏晒嗰啲嘢出嚟

利君牙:佢每一句都可以激嬲人

東方昇:係囉！咁阿Ango呀，我想問你你有咁多條件，係咪同你個背景有啲關係呢其實？

Ango:我屋企人又爛賭嗰啲啦，啲男人爛賭之後又會打人咁樣，即係出邊又有第二個呢啲，所以我都會想搵到個成熟啲嘅人可以take care到我嘅

東方昇:即係其實你……你爸爸啦

Ango: 係

東方昇:咁佢令你……

Ango:仲有阿哥咁樣

東方昇:阿哥都係咁樣啊？

Ango:係

專家Dickson:即係佢現實世界遇到嘅男性其實都係唔好嘅

利君牙:而佢就睇好多戲，所以就喺戲入邊執好多……形象出嚟

專家Dickson:佢覺得發哥就可以信賴

東方昇:有啲調查話呢，最尾好多時女啦，可能好憎佢阿爸，但係最尾佢搵個都係衰嘅，都係似佢老竇嘅，因為佢慣咗嗰種相處模式呀，你覺唔覺得你可能有呢個情況呢？

Ango:我覺呀…因為雖然我list咗好多條件啦，但係遇到個一個可能真係有少少心動嘅，就真係好似我屋企人咁衰嘅一個男人囉

專家Dickson:我……咁我就明啦，嗱，所以因為你覺得你嘅感性唔可靠，所以你要整一個list出嚟，咁如果佢唔符合你個理性list嘅話，你就要，就算有感覺你都唔能夠將佢列為即係條件嘅男性咁樣

(Dickson認為…訂立條件是防止感性凌駕理性)

東方昇:嗱，我覺得阿Ango，因為你呢太識保護自己，所以我唔擔心你俾人呃，我反而覺得你要放開自己信多啲人啦

(東方昇認為..要學會信任他人)

利君牙:我覺得可以又識多啲男仔朋友開始？

Kneta:即係我自己有個經驗就係呢，我同我男朋友呢，係識咗成年之後先係埋一齊㗎，因為有時候當初我自己諗我想要男朋友係ABCDE，咁樣喺度諗啦，咁但係真係好搞笑囉，望住我而家呢個男朋友係冇一樣可以達成㗎喎，咁但係發現一齊咗嘅時候呢，原來佢個性格係可以同我好夾嘅。

Kneta:因為我之前呢見過一個Coffee Meets Bagel嘅調查啦，咁佢就調查左市面上，而家有2%戀愛中嘅女士呢，佢哋嘅另一半嘅擇偶條件呢係同自己以前係一樣㗎，即係其他嘅其實根本就已經係唔會完全一樣，唔可以expect我要一模一樣咁樣，剔剔剔剔剔咁，咁我覺得你與其嘥時間喺度揀喺度剔，咁你不如相處咗，即係同唔同人相處咗
、了解咗，睇吓對方係咪可以match到自己，自己需要啲乜嘢先係最好囉

(Kneta認為…相處比外在條件更重要)

東方昇:或者你……試吓喺你身邊……欣賞下你身邊嗰啲男性可愛嘅地方囉！即係如果你話成熟穩重，佢成熟穩重但係佢未必真係鍾意睇港產片，但係佢肯陪你睇，佢已經好偉大

Kneta:係！

東方昇::仲偉大過佢鍾意港產片啊!你明唔明呀？所以其實應該係咁樣

Ango:因為我覺得Friendship，你永遠係重要過都寶貴過一段愛情嘅

眾人:嗯…

Ango:咁你做咗朋友，你就唔好再喺佢哋度落手啦

利君牙:咁我又覺得你又唔使set咁多規條比自己住喎，即係試咗先

Kneta:放少少自己嘅感覺出嚟，唔好太理性啦去到呢啲位

利君牙:即係唔好我哋一講起你就block咗佢先，即係朋友就係朋友，朋友梗係珍貴啦，但係有得試吓都……未嘗唔係一個好嘅嘗試呀嘛！

東方昇:係的確好難

專家Dickson:係難嘅

東方昇:要慢慢嚟，都係果句啦如果你30歲都未搵到就搵我啦

眾人:哈哈哈哈哈哈

Ango::er..我驚你到時有第二個啦

東方昇:咩啊？我照要

利君牙:佢會留返個床位比你嘅

Kneta:佢一定會留㗎

東方昇:冇所謂，多幾個都得啊！你唔介意就得㗎啦！好啦好啦多謝你

眾人:好啦拜拜

Ango:唔該拜拜

東方昇:其實聽完Ango之後咁樣講呢，其實好同情佢呀，開頭咁樣講以為佢好多條件，以為就係一個咁尖酸刻薄，抵你成世搵唔到呀 但係一講到心裏面其實點會咁樣呢？所以嘩…好同情佢

專家Dickson:所以每一個人佢表面嘅強硬背後一定有啲原因嘅

利君牙:頭先我冇講到，希望Ango要知道自己係冇做錯嘅，即係你值得一個錫你鍾意你嘅人㗎囉

Kneta:我屋企嘅……

東方昇:你都狂俾人hurt啊

Kneta:係啦！我屋企關係都比較複雜嘅，咁但係我冇因為呢樣嘢而……令自己唔好去試囉，反而就越係要試

專家Dickson:所以你身經百戰

Kneta:係喇！！同埋有時呢，唔錯過呢、唔跌過呢，你真係唔知自己想要啲咩或者咩啱你自己㗎

東方昇:所以其實我覺得Ango好適合玩Coffee Meets Begal呀，唔係廣告呀！真係因為佢太唔信男人啊其實，佢應該去嘗試多啲

專家Dickson:所以佢應該接受佢嗰種方法

東方昇:多啲去同唔同人溝通，了解咗佢先，跳出自己嘅Confort Zone，跟住了解咗呢，咁你做咗朋友先，做咗朋友之後就慢慢認識

Kneta:再下一步

東方昇:咁你就可以信一個

專家Dickson:即係……因為佢對男人都係得一個Angle，就係佢爸爸同哥哥個Angle

東方昇:同埋Coffee Meets Bagel可以識咗、了解咗佢個價值觀先，佢唔係嗰啲齋睇相跟住就…咁嗰啲梗係多狗公啦，但佢其實係了解咗先，啱咗興趣、性格、價值觀先

Kneta:個background會深入啲咁樣囉

東方昇:咁希望佢都…

利君牙:Ango你快啲download啦

Kneta:快啲試啦！

東方昇:我……我就要download嚟識佢喇諗住！好啦，咁希望大家都俾個機會自己呀，如果搵唔到單身嗰啲就試吓啦

Kneta:唔好搵佢，千祈唔好搵佢

利君牙:喺個app度搵得啦

東方昇:好

眾人:拜拜！