一人一個醫生之匪夷所思👨🏻‍⚕️斷氣都醫得返⁉️😱食飯都仲要俾醫生跟蹤⁉️😨

助手A: 同埋點樣serve佢呢？

湘姐: Hahaha~~~即係點樣，Omakase 咁樣? Hahaha....

鄭中基：即係應該係枱底下面攞出嚟，我就覺得嗰個醫生其實自己本身呢……大家都睇過醫生都知道睇醫生成日喺出邊等好耐，都唔知等咩喺入面，可能個醫生自己喺入邊食嘢，食到差唔多，好啦你叫佢入嚟啦，阻住晒。咁跟住呢佢就：喂 點樣啊？有咩唔舒服啊？咁跟住就話唔好食生冷野啦，咦～～有三文魚呀你食唔食呀？西醫都有嘅，所以就會請你食糖囉，即係小朋友打完針請你食粒糖，好少話請你食三文魚嘅，下次可能問你食唔食扒？要幾成熟呀？Hahaha~~~

湘姐：嘩係邊度啊，我都想去睇啊

鄭中基：第二個叫做Wing Ki Moo: 係我皮膚敏感走去睇皮膚科，睇睇下個醫生係咁同我講佢已經70幾歲，條腰仲好扭得，然後仲喺我面前跳舞俾我睇，跳咗5分鐘拉丁舞我呆咗……

湘姐: 係咪冇咩生意啊？所以成日都R水吹嗰啲呀⋯⋯

鄭中基：咁可能嗰個醫生鍾意結交新朋友囉可能～ 我有幾個醫生都係架

湘姐: 係喎、係喎

鄭中基：我有個醫生佢係60幾歲㗎啦，但就係60幾歲嘅時候先至去參加健身比賽，仲要贏買第三名，咁喺佢嘅診所裏面呢就擺晒除晒衫好大隻嗰啲相

湘姐: 即係朱古力查到成身油嗰種

鄭中基：係喇，就係查到油笠笠嗰一種

湘姐: 即係人哋後面擺妙手仁心佢就喺後面擺呢啲相

鄭中基：係嗱，就係背肌嗰啲喇， 一個back shot 咁樣，但係好靚嘅，真係好靚呀，睇睇下醫生嘅時候，我話好犀利喎，當然係咁樣講啦，跟住我問佢邊有時間練㗎 ？佢望一望我，你睇吓上面，原來呢上面天花板咪有啲水松木，一塊塊白色嗰啲版呢（假天花），佢掹開嗰個嘢呢係有個引體上升喺度㗎，一冇病人睇嗰陣時候呢，冇症睇嘅時候佢就喺呢度係咁操….

湘姐: 佢有冇叫你揸佢啊？

鄭中基：咁佢有冇，佢比賽嘅時候大隻啫，佢比賽完就冇大隻啦

第三位叫做陳建國，佢就話牛池灣陳伯醫術高超，上次喺醫館見個阿伯明明斷左氣成大半個鐘，啊陳伯係咁以燒條符，仆佢個街個阿伯彈彈下彈返起身彈走埋錢都冇俾，陳伯係我見識過最勁嘅師傅….

湘姐: 我喺呢度呼籲牛池灣嘅街坊可唔可以提供一下陳伯，係咪出咗名斷咗氣要過去搵佢救

鄭中基：咁你都要知道自己就嚟斷氣先去到嘅

湘姐: hahaha..... 街坊囉

鄭中基：係囉，街坊可唔可以俾啲陳伯嘅資料我哋或者我哋會去探一探陳伯

湘姐: 下次我哋喺牛池灣附近斷氣

鄭中基：係啦，即係你知而家醫院好爆㗎嘛，咁我睇吓可唔可以喺醫院執到一啲斷咗氣嘅俾陳伯，即係醫得一個得一個

湘姐: 即係幫佢哋分流啦係咪

鄭中基：係呀，我幫佢分流，睇睇有冇可能做到呢件事，即係陳伯咁樣燒道符其實好方便

湘姐: 定其實嗰個係表演嚟㗎？

鄭中基：我想睇呀嘛（hahaha.....）， 亦都想睇嗰個人彈彈下

湘姐: 嗰啲係賭城嗰啲表演項目嚟㗎

鄭中基：佢冇俾錢㗎嘛，但係陳伯又好似冇嘢咁，佢冇講到陳伯點樣，由佢彈囉，即係一個仁醫嚟嘅….

跟住落嚟Lok Yiu Tang，佢就話之前睇中醫，佢問我係咪好鍾意食辣，我話係呀，佢話你就係食辣所以食到塊面咁方，然後指住我阿媽話，你睇吓，你阿媽應該都係食辣食到塊面咁方。我答佢，嗰個我阿媽嚟㗎嘛，佢面方梗係會生到我塊面方架啦….

湘姐: 佢對食辣呢件事有仇恨

鄭中基：呢個就係好大嘅分別，就係西醫同中醫嘅分別，西醫有啲科學根據，會解釋俾你聽，但係中醫好小有嗰啲解釋

湘姐: 其實都有解釋，不過係解完之後你都唔明囉

鄭中基：咁四川、印度食咖喱辣嗰啲，咁嗰啲四川人咪變晒直角， 好似Minecraft 嗰啲人咁樣， 應該個撚個都係咁樣，係囉或者海棉寶寶咁樣，個撚個都係…..

呢個就叫做Siu Wa， 我佢話當年同老婆一齊睇中醫，我要戒口只可以食豬肉同菜，老婆就唔可以食牛、辣野、水果等等一大堆唔食得，咁我哋去食飯，個數字骨煲下面有芋頭薦墊底，我就唔敢食，老婆就話中醫冇話佢唔食得，佢就食晒。點知老婆覆診時，今次中醫同上次一樣一堆唔食得，但明確加咗「芋頭」都唔食得，我哋已經覺得好神奇，之後嗰日我哋精啦，我哋打邊爐兩個一齊只食豬同菜，實啱啦，點知今次覆診，佢又係一大堆唔食得，再加「打邊爐」我哋懷疑個中醫係咪跟蹤我哋㗎 ？有冇咁橋呀？

吓！咁叻

湘姐: 我真係有聽過把脈嗰啲可以把到奇怪啲嘢

鄭中基：把撚到芋頭？

湘姐: 我覺得打邊爐都算啦，因為打邊爐熱氣都可能估到

鄭中基：我就覺得都係呃人多嘅啫跟住

跟住呢個叫做Siu Sun， 朋友右下腹痛，去睇急症，醫生話佢盲腸炎要做手術，如是者，手術後朋友醒返，醫生同佢講：幫你開土豪先瞓發現原來盲腸冇發炎，不過都開咗肚啦，咁順便割咗佢啦，朋友呆咗比唔到反應

湘姐: 夾硬被開一刀

鄭中基：係啦，咁樣的話希望你冇埋單啦，應該唔使你俾錢㗎嘛，冇盲到我條腸，出到去見撚到佢， 佢哋兩個四目交投，咦！你有冇盲啊？
跟住落嚟呢位叫Nic Nic Nicole，佢話有一次隻手好痛生晒粒粒，即刻去睇西醫，個醫生望一望一對手、托一托複眼鏡話：你呢啲係手足口病，然後一路走埋去書架拎本字典噤厚嘅書出嚟，一路同我講個病係由咩動物發現 （我都話西醫好鍾意解釋嘢俾你聽）， 佢隊本書埋你叫我一齊睇，我第一次見識20幾個英文字母切成一個字….

但係啲醫生嗰首字你要見識吓， 好簡單一條線， 你要食嘅乜乜乜、一日三次每次幾多，就係咁樣一條線

湘姐: 其實好似到時嗰啲符，其實唔知道上面有好多嘢但係得佢哋自己睇得明….

鄭中基：同埋鬼

湘姐: 我喺度諗緊佢嘅簽名組成

鄭中基：即係啲人識睇唔緊要嘅，啲符要鬼識睇先得，如果唔係啲鬼睇唔明都唔知做乜，再繼續嚇人

好啦呢個叫徐逸東，佢就話睇坐骨神經醫生幫我啪骨，好大聲啪咗嘢，我冇feel……原來係佢條腰有事…..

湘姐: Hahaha…..姑娘…..

鄭中基：冇嘢喎，又唔痛做咩唔繼續呢？見到個醫生喺地下出唔到聲，你幫我叫個姑娘過嚟， hahaha

跟住落嚟呢個叫做Llabon On: wee~~~讀書時期嗰陣有次喉嚨吊鐘下垂完全出唔到聲，個感覺好似啞咗，咁好驚去睇醫生啦……
醫生：你邊度唔舒服？
我： （出唔到聲，所以指着喉嚨位）
醫生：你唔出聲冇人幫到你㗎喎
我： （我繼續手指指個喉嚨，做出唔到聲嘅動作）
醫生： （佢竟然同我做手語…… ）
我見佢做手語嗰刻呆咗，只好搶咗佢枱上支筆寫低，醫生我係喉嚨痛跟住出唔到聲，我唔識睇手語
最後佢笑一笑，講咗句，早講吖嘛

湘姐: Hahaha....都話講唔到野囉，但係醫生識手語都叻嘅

鄭中基：係叻，但係唔關事囉， （我跟住落嚟就用手語），跟住落嚟就望鳩住人哋，人哋就手指住喉嚨， 個醫生又做一輪，hahaha…..

好呢個叫做Edgar Fung: 話說醫生叫助理call個病人返診所再抽血，因為上次血報告有問題，助理一check電腦，發現個病人死咗，於是話返比醫生知，醫生就話：梗係啦，就係啲血有問題佢先死咗，你快啲call佢返嚟抽多次啦……

湘姐: 點樣呢，問米啊？

鄭中基：點樣叫佢快啲返嚟抽多次？佢係陳伯嚟㗎呢個醫生… 你叫佢返嚟啦，我俾到符佢，佢就彈住走㗎啦嘛

好，呢位做叫做Kumi Yau： wee~~想講朋友嘅經歷，有次朋友媽媽手背生咗粒粉瘤，佢就陪媽媽去見醫生，醫生一睇就話：你信唔信我先？方法有好多種，一係就用針筒抽出嚟，不過會復發，一係就比我揼一下，一勞永逸。朋友心諗咁唔科學㗎 ？都唔知係咪路，所以揀咗針抽，結果過幾年真係復發，朋友同媽媽再去見返醫生，醫生一望：我都話㗎啦，話畢就隨手喺身後書架攞本字典噤厚嘅書一嘢鑿落媽媽隻手度，得㗎喇，冇事㗎啦。之後個粉瘤仲冇再復發過啦

湘姐: 嘩……

鄭中基：咁神奇～～～

湘姐: 我想問所有腫瘤科嘅醫生係咪都咁樣做

鄭中基：媽媽的神奇粉瘤…. Hahaha， 個poster上面應該係咪有君如望住個粉瘤， sorry sorry 吖

湘姐: 你信我就比我打一下，呢個我覺得好有用

鄭中基：係呀，即係好少醫生會咁㗎嘛，你一聽到信唔信我，個心即刻沉一沉， 我係咪有咩事呀？

好啦，接落嚟呢位叫做Ana Yip: wee～～喺外地打波斷左隻手，去到醫院搞咗一大餐終於打到石膏，我坐喺張凳度，醫生一入嚟就拎起我隻左手，用咗20分鐘上好咗舊石膏，之後同我講叫我檢查下左手手指郁唔郁到，我抬頭答佢入到啊，但我斷咗嘅係右手，佢同兩個護士，互相望住呆咗3秒後，個醫生終於開口啊，剪咗，拎隻右手出嚟再打過

湘姐: 喂呀！點解一定係呢啲咁老土嘅劇情，真係會發生架喎， 佢就係想鋪最後嗰個對白

鄭中基：第一點解一開始你自己唔講，但係應該整嘅時候你會話： 大佬呀，我係左手喎， 佢喺外地會唔會因為啱啱到外地就斷咗隻手就唔知點講又唔敢講，但係你都應該講㗎，仲有醫生可能係嗰啲左右唔識分嗰一種

我覺得今日嘅都幾好笑嘅，陳伯好厲害

湘姐: 我好想去拜會佢

鄭中基：陳伯我直頭有個畫面喺度到，好似以前啲僵屍片嗰啲道長會飛出嚟，嗰個嘢就嚟死啦，走開， 跟住飛出黎又到付跟住就可以啦

湘姐: 我好想呼籲牛池灣嘅街坊分享一下，陳伯係咪好出名

鄭中基：係囉，或者你唔使影佢嘅， 你話俾我哋知佢個地址，我哋去伏佢

好啦今日嘅時間差唔多啦，