BAD Ltd. 特約 《國家級任務》英國篇 第三集 - 🎶東方昇～東方昇～Christmas 去溜冰🎵

＊＊＊東方昇進入溜冰場

東方昇： OK, thank you～
係講‥‥講咩碼㗎？英國碼定係咩？
DLLM，9號！9號！

（店員放東方昇嘅鞋喺枱，東方昇尷尬笑）
東方昇： 嘩！好L臭！
Thank you！
對鞋係千年未洗過，正呀！
咁我係未溜過冰，我最驚陣間我仆低嗰時，有人高速喺我前面滑過，PAT一聲成排手指甩晒，成個溜冰場都係血。我最唔想就係呢個畫面出現。所以安全起見，我畀咗6磅要隻企鵝仔。

（畫面指住東方昇，行路都似企鵝）
東方昇： 喺冇企鵝時，我嘗試吓得唔得先。

（正式上溜冰場，扶住邊邊行）
東方昇： 嘩！好滑喎！係超跣喎！（旁人心諗：咪阻L住啦！）
好！我過咗呢邊閘先。嘩，有個‥‥阻住我喎⋯⋯我哋兩個都唔識，佢唔行我行唔到。唔得，要擺企鵝仔。點樣停呢？

（職員帶企鵝仔出場）
東方昇：好！有救兵啦！
Thank you! My penguin!
有企鵝係……（移動困難）嘩！喂！DIU你！嘩！DLLM！嘩嘩！DDDDD！嘩嘩嘩嘩！DIU！
嗰兩條女笑我。喂！DIU！好似得我一個年紀咁大係用呢個企鵝。

（外國女人問：靚仔，可唔可以借你隻鵝嚟玩陣？）
（東方昇：Lur飯應）
（外國女人：陣間嚟搵你～）
東方昇：Sure, sure. You find me! 嗱，成功媾到女喇！唔好似為溜得冰叻先媾到女，溜得唔叻都可以。
嘩～唔使咁驚我喎。攞企鵝嚟講，我肯定全場我最犀利，我同你講。行動自如呀！

（東方昇跌倒）
東方昇：梳梳梳！
（cammans恥笑）
camman：好彩畀我影到！（圈住東方昇一屁股雪）
東方昇：好憎阿媽喺我細個嗰時，冇畀錢我學呢啲唔等使嘅野，而家媾唔到女。你睇我哋個 camman，幾勁呀！跟住我兩隻手攞機，完全綽綽有餘。你試吓表演！
（camman輕鬆溜）
東方昇：完全單手攞住機都冇問題！嘩，好勁呀！好，等我問試吓唔使企鵝嘅情況下！
（唔再扶企鵝，東方昇自己溜）
東方昇：掂啦！我應該算識溜啦。

東方昇：我另一個任務，喺度打返張靚卡先！好，等我捐去中間先！
好！嘩！Diu！好！就喺呢個位。

（扶返企鵝，camman想影相）
東方昇：睇住睇住，等我擺定POSE先。
（旁邊有人跌倒）
東方昇：噢！Be careful！
（東方昇擺POSE）
東方昇：咁樣！擺定！推走隻鴨仔！
Camman：3！2！1！
（東方昇一影完就跌）
東方昇：Shit！
（Cammans 恥笑）
東方昇：我要挑戰另一張單腳嘅相！1！2！3！
（東方昇未影完又跌）
東方昇：嘩！
掂！任務完成！


＊＊＊畫面轉換至李斯特廣場
東方昇：溜完冰冰，我哋去到李斯特廣場嘅 Chrstmas Market 去 Shopping ping～
不過，喺度想同大家講聲對唔住。你見唔見左下角有個細格畫面，喺度阻Q住晒？其實本來我哋搵咗個 Apps，可以分開兩條片，同一時間錄低前鏡頭同後鏡頭，幾聰明呀！但係‥‥我哋 camman 竟然較錯 setting，變成而家咁樣‥‥

（網絡短片剪輯）
- On9到係……唉……
- 搞幾多都有嘢錯嘅？
- 錯L晒嘅全部都？嘖！
- 你真係反思吓你做緊咩呀！

（返回錯置雙鏡頭畫面）
東方昇：不過，念在你呢幾日每日工作超過14小時，係攰啲嘅。出錯，都情有可原。好！我原諒佢！大家就唯有屈就吓啦～
我知道當地人都好鍾意去呢啲 Christmas Market，因為英國真係冇嘢做，所以呢個係佢哋唯一解悶嘅地方。咁有啲嘢食，其實同香港年宵差唔多，雞蛋仔咁樣。

＜荷蘭迷你班戟 6鎊＞
東方昇： Woo～Beautiful！有表演睇添呀，好似海底撈咁。
當地人都好鍾意買，呢個就係荷蘭 pancake。
嗯，好甜呀。諗吓到有咩形容到呀，但幾好味，我覺得OK嘅。
＜美味指數：☆ ☆ ☆ ☆ ☆ ☆ ＞
東方昇： 十個 lam lam 脷裏面我會畀六個。
camman：好老土。因為6磅。
東方昇：因為6鎊＝6個 lam lam 脷。好！
但我直情……有啲甜到牙痛喎。嗯～


東方昇：我哋繼續。我哋第二個目標，就係啲去 Christmas Market 一定要飲一杯熱嘢……
camman：熱紅酒！
東方昇：熱紅酒，煲熱佢嘅。我要搵……嗰度！我相信去過歐洲聖誕市場，都知道係乜野嚟。

（買熱紅酒）
東方昇：How much?
店員：five fifty.（5.5鎊）
東方昇：This is the hot red wine?
店員：Yes, hot red wine.
東方昇：With lemon?
店員：Orange. (橙呀弱智)
東方昇： Okay~

＜熱紅酒 Mulled Wine 5.5鎊＞
東方昇：好似一杯熱檸茶咁樣，試一試個味道先。Cheers！試吓先呀。
個味道好複↑雜呀。係似熱檸茶。
（camman心諗：搞唔L掂……）
東方昇：都似熱檸蜜嘅。
啲港女（camman二人之一）喺度打卡喇。仲要有要求添呀！個背景唔知點樣喎。

東方昇：好繼續。繼續前進。
有啲咩買嘢地方。呢個係睇到眼都花喎。佢係一個……一個彎嘅……一個彎嘅鐡片嚟嘅。跟住一轉嗰時呢……咦！唔係咁轉喎（尷），唔係咁轉，自己會轉。


（來自香港粉絲的吶喊聲）
東方昇：拍緊《國家級》呀！帶大家嚟 Christmas Market。等陣先！唔好講粗口住先！覺得點樣先，呢個 Christmas Market。
粉絲：覺得好開心呀！
東方昇：好開心呀？嚟過未㗎？你哋嚟呢度住咗幾年？
粉絲：我哋第一日到埗，德國移民過嚟。
東方昇：哦～德國過嚟添呀？好玩嘛？
粉絲：好玩好玩！今日第一日咋。
東方昇：我哋要講畀香港人聽。因為好慘呀香港，又冇氣氛，又熱辣辣咁樣，係咪先？OK吖呢度。
粉絲：好開心見到你。偶像呀！
東方昇：我特登著咗件咁嘅衫，你睇吓。（完全被無視）
粉絲：可唔可以影多張？我好鍾意你呀！（瘋狂 Fans mode）
東方昇：好好好。


（影完走人繼續行）
東方昇：Bye～我哋繼續。A！呢度我哋見到係咩呀？
camman：有個5鎊嘅福袋，同10鎊嘅福袋。
東方昇：多數都……搵笨7㗎喎。我哋不如就試吓啦，橫掂都係攞公司錢㗎啦。（指住 camman）你抽你抽你抽。好嚟。
camman（勁認真抽）：寶物沉歸底。
東方昇：抽到個。係咪抽個大包啲會著數啲呀？呢個包太細。呢個呢個！
（camman心諗：又話畀我抽？）
東方昇：就呢個啦！好！我哋拆禮物先！Come on！Come on！
（登登登登，拆開福袋）
東方昇：Oh！Shit！？？？WTF……豹紋嘅帽、頭髮嘅橡筋，跟住有啲頸鏈……呢個……（指尖陀螺）呢個好笑喎。Diu你！喺女人街見到，呢度英國都見到嘅喂大佬？嘩……都幾垃圾喎真係。我哋應該正式畀人搵咗笨。
算啦，財散人安樂。我想直接擺落垃圾筒。唔好喇。

（畫面擰向隔離）
東方昇：！！！哈哈哈哈哈！呢個鬼佬都抽咗（福袋），佢都抽咗。佢呢個應該5鎊。
鬼佬：This is the five one.
東方昇：Better than me wo. Great, great! Happy New Year~
鬼佬：Happy New Year~
東方昇：？！？！係喎！我點解講 Happy New Year？應該 Merry Christmas 喎。佢又應我喎。

（試戴豹紋帽）
東方昇：其實幾好睇吖。講真，呢個其實同年宵買啲嘢一樣，實唔實用係唔重要，買個感覺開心，行個大運吖嘛。（自我安慰中）

（繼續行）東方昇： 好，我哋繼續睇吓有咩買。
- 呢個……噢～呢個靚喎呢個。好似……好似圖書館會掛嗰啲畫。嗰隻魷魚幾靚喎我覺得。
影咗當買咗。我哋影咗當買咗。
- 呢個係聖誕樹掛飾。英國人有聖誕樹可以買嚟掛。
- 蠟燭，但個顏色有啲老土。我哋個移民盒維港蠟燭好似好過佢哋。


＊ ＊ ＊殖入廣告
＜維港味道的香薰蠟燭：Bad. Ltd 與本地西貢蠟燭廠 Be Candle 聯乘＞


＊ ＊ ＊回到英國
東方昇：呢個好笑呀呢個！係夾糖呀。即係香港成日夾嗰啲糖。但其實而家疫情污糟邋遢，佢都擺出嚟。我都戴返個口罩先，提醒我。我一講嘢，噴咗口水落去，全部要扔㗎喇。呢度30蚊，2.99鎊 per 100G。全部都係香港……呢啲直情係香港……但舊骨大舊啲囉。

（繼續行）東方昇：呢度直情係……直情係廟街呀。廟街賣嗰啲牌。開始行過幾檔，發覺啲野全部差唔多，其實都係嗰啲。


＊＊＊路過一間賣掛飾鋪
東方昇：喂～呢檔，呢檔正喎！呢檔係咩呀？睇吓先！
哦！呢檔有啲特色喇。呢檔係聖誕樹掛飾，不過其實係將自己個樣（張相）……嘩！美斯呀！放喺聖誕精靈樣嗰度呀。
喂，有隻細嘅。呢個唔知佢邊個嚟。呢個有FEEL喎。呢間要 SHUT UP AND TAKE MY MONEY！
原來呢度即時影張相，跟住就可以黐落公仔度。好，問吓佢先。

東方昇：How much for the small one?
店員：15 pound.
東方昇：The big one?
店員：25 pound.

東方昇：好！我諗到送畀邊個喇。因為我嚟咗呢度，我覺得虧欠咗蚊滋（東方昇隻貓），我冇得陪佢呀，成一個月冇得見佢。所以我決定要買一份，呢個禮物送畀蚊滋。

（店員幫東方昇影相，然後即時製作）
東方昇：Let me see. Oh, very good! Very good.（掂！好靚仔呀！）
唔簡單喎，抵啦呢150蚊。幫我將個鼻整高少少喎唔該。
精心剪裁，匠心獨運。
Ok! Thank you! WOW! Beautiful! Thank you!

（收到成品）東方昇：嘩！係東方精靈呀！見唔見到呀？好得意呀！蚊滋真係幸福呀！


＊＊＊片尾，三人都整咗聖誕掛飾。完