快樂的科學 – 三個令你更快樂的方法

正向心理學有個得意嘅地方，就係會搵到d你唔預期佢可以令你變得快樂嘅嘢，例如搬屋其實可以令自己快樂好多。正向心理學有個理論叫happiness baseline快樂基線，意思係人無論遇到開心事定唔開心事，經過一後時間之後都會適應，番去原先個快樂水平。
但會有例外，有兩個例外係快樂基線適應唔到，其中一個係居住環境嘅噪音，人係無辦法適應噪音，因為某程度上會令自己無視每刻都喺一個非常警覺狀態。
第二個就係自己屋企同工作環境距離，有研究指其實交通時間花太長的話會影響我哋自己快樂水平。咁你會發覺其實呢兩樣嘢都係將我哋精力虛耗喺唔係最有意義地方上面，所以如果依家你屋企離你工作環境好遠，又嘈的話，情況許可之下，我知香港唔係咁易，可以考慮下搬屋或者租個地方住。

第二個正向心理學發現對心理有幫助嘅活動就係靜觀mindfulness。其實靜觀係一種訓練，代表將自己注意力放喺當下呢一刻，到底點樣將注意力放喺當下一刻同快樂有關係呢，原因有兩個。
第一就係佢可以幫助我哋平衡日常生活活動，更加把握到生活上嘅細節。例如食嘢咁，點解食嘢會開心，原因係食物本身有好多令自己愉悅嘅細節，喺靜觀角度嚟講，我哋認為呢d生活中令自己開心嘅嘢一直喺度，係我哋搵唔搵到佢出嚟啫。
第二就係靜觀有助我哋唔俾負面思維掌控自己，你會發現負面思維好似會滾雪球咁，可能會因為一件好小唔如意事，例如紅綠燈過馬路喺你想過嗰陣轉咗紅燈，你可能會諗死啦一陣會遲到，會俾老細鬧，然後開始懷疑自己能力。你會見到明明件事本身好細，但有時你會放到好大，咁呢個時候靜觀就會幫助我哋察覺呢d負面情緒，喺我哋爆煲之前作出咗反應。
其實學習靜觀係非常簡單，一般嚟講我哋只需要每日10-15分鐘訓練，如果對呢方面有興趣朋友都可以上我哋網站treehole.hk搵到更加資源，因為我哋定期都有d課程同埋有唔同資源俾大家應用。

咁第三個令自己變得快樂秘訣就係搵到自己喺社會嘅角色。基本嚟講我哋需要融恰嘅社交關係，喺你有需要嘅時候有朋友會陪伴你，而你支持人都非常重要，因為人係希望感覺到自己係有價值嘅。咁除咗關係之外，我哋仲要搵到人生在世嘅意義，到底我哋點樣供獻到俾我哋嘅團體。例如有個心理學家viktor frankl 講過，其實人知道自己點解要捱嘅話，好多痛苦我哋都可以捱得過，當我哋感覺到其實唔係白受嘅痛苦，而係為人付出的話，其實係可以比想象中大好多。

當然最後一個建議唔可以好似之前兩個咁即時執行，講真例如你朋友關係呢d好難一朝一夕咁轉變，咁點樣開始呢，我認為有兩個起步點係唔錯，值得建議。第一個係喺我哋溝通時，多d聆聽，減小自己說話比例，因為人喺天生鍾意人哋聽你講嘢，咁當你聽人講嘢就可以build up到一個好d關係，令關係更加穩固。第二就係試下多d唔同事物，得閒去試下自己未試過嘅嘢，呢個就對應番第二點。有陣時冇義意會令人生好迷惘，而試多d唔同嘢會幫助我哋搵到自己真正鍾意d咩。咁呢個就係搵到我哋自己喺社群角色嗰part。

其實正向心理學個範疇有好多，唔單止係令自己變得快樂，其實佢仲有研究人點樣去令自己更有自信、更有領導能力。正向心理學係一個非常有趣嘅議題，嚟緊樹洞會推出一個線上課程專講點樣用正向心理學實踐快樂，如果有興趣朋友都可以上網站去搵個課程嚟上，因為喺課程上我可以更詳細咁去同大家講解。我係你哋主持peter，如果大家對心理學或者任何相關內容有興趣，歡迎上facebook同instagram搵我。