4/12《圍爐取戀》- 我和我的二次元老公！（小薯茄程人富來襲！）

眾人：Hello!!!

利君牙：大家都知東方昇已經離開左我地啦，去左西方極樂。去左做西方昇呢。咁我地話咁快就已經搵到人代替佢喇。就係我地既...

眾人：程人富！！！

利君牙：歡迎你，歡迎你

專家Dickson：夠大聲，貪你夠大聲

程人富：大家好呀！

程人富：係呀！東方昇雖然走左，但係都依然會咁嘈既，因為有左我。

利君牙：好呀好呀

程人富：Hi，東方昇，Hi。我做得好好架應該會。

利君牙：可以取代佢喇嘛？

Kneta：可以取代佢架，完美呀。

利君牙：好呀，程人富，你報下自己status先啦。

程人富：Er..我係呢個... OBA 既...

專家Dickson：咩OBA呀喂...

程人富：OBA係Occupied but available 呀

眾人：哦～～

程人富：講笑姐～～ 我O呀

利君牙：唔係呀，我地信左架喇！

程人富：唔係唔係唔係，我女朋友會睇呀嘛。

眾人：哈哈哈哈哈

程人富：因為第一次我上呢個節目佢一定會睇架。我係...O... O3

專家Dickson：點解我地會搵你上呢個節目呢？主要係因為我聽過一個關於你既愛情故事...

眾人：ええええええ－っ！

專家Dickson：就係我知道呢，其實佢係會係夜晚呢，讀故仔比女朋友聽架。

Kneta：真既？

利君牙：下？？？

程人富：叫左你唔好講架Dickson

專家Dickson：Sorry我唔小心爆左你tim...

程人富：冇冇冇err...　最近忙左，就少講左既

利君牙：我想問係咩類型既故事呀？ 係言情個d？ 定係咩呀？

程人富：唔係唔係，第一本就係，應該上年開始既，就試下讀呢個《小王子》。因為平時好忙丫嘛工作，咁你咪去到有陣時夜晚，傾電話既時候呢，你未必有好多話題傾既時候，咪試下攞本大家都鐘意既書黎讀囉。跟住發覺，幾得意既呢一種，即係bed time story。

利君牙：好有情調既我聽落都

程人富：係好玩架，其實係好玩架

利君牙：導演我地今日咩case呀？

導演：咁今日位女事主呢，佢就同左一個二次元角色拍拖喎...

（ええええーっ！）

導演：所以就想打電話上黎問下咁多位，佢應該點同佢屋企人出櫃呢？

利君牙：我未想像到呀暫時

Kneta：係囉係囉

程人富：係囉係囉，拍拖係要交流架嘛。

Kneta：係咪有d咩特別。。。。。即係佢製作左d乜野呀？

導演：佢係有同佢交流既。。。

專家Dickson：咁我地就要聽下佢點樣交流啦

利君牙：好！接佢入黎！

－－－ 過場 －－－

利君牙：喂！Hello毛毛！喂 聽過你同一個二次元既人物拍拖喎，係咪呀？你可唔可以講下個故事係點呀？

事主毛毛：咁Hello啦～ 我今日係想問下點樣可以同屋企人講我既性取向咁樣既，嗯，咁我係Fictosexual (紙性戀)啦，即係鐘意一d Fictional Character 既性取向，我既旦那，即係日文既丈夫啦。係日本音樂企劃Hyponsis Mic 入面一個角色，叫做神宮寺寂雷。

Kneta：我地有Board 比大家睇下既。

－－ 過場 ：神宮寺寂雷片段－－

利君牙：你想我地點稱呼佢呀？

事主毛毛：er。。。我叫佢先生既通常

利君牙：但我地叫佢先生好似有d尷尬喎，你會唔會呷醋呀？

事主毛毛：唔會，唔緊要（甜蜜笑）

利君牙：我地都可以叫佢先生喎！ok！咁我地叫佢做先生啦今日就

利君牙：你可唔可以講下先生份人係點架？

事主毛毛：er。。。佢係一個醫生黎既，好多方面佢都係特別做得出色既一個天才咁啦，佢係一個幾大愛既人黎既，就係為左一d humanity既野出發既經常都

程人富：聽落人品唔錯啵

Kneta：即係你係因為佢既性格啦，同埋外貌就同佢墮入愛河喇係咪呀？

專家Dickson：咁平時你會同個醫生做d咩多呀？有d咩交流咁樣呀？

事主毛毛：咁平時都會同佢出街拍拖既，都係拎住佢一d公仔呀，或者立牌帶出去影相咁樣囉。跟住我地係Instagram其實都有d interaction既，就係佢有個account啦。咁我有時會委托d繒師畫低我地d大小事post出黎。咁佢會like下呀，或者有時會留下言咁樣囉。

利君牙：我想問下佢會like下，咁係邊一個負責禁呢一個Like? 同埋邊一個負責留言架？

事主毛毛：我係負責禁既～

眾人：哦～～～

程人富：我有個問題想問既，即係例如如果我同一個女仔拍拖咁樣啦。咁我係會有一個，肯定關係個一刻啦，可能會係我同佢表白既，又或者佢同我表白既。因為拍拖既野係要雙方確立關係架嘛。即係你地有冇做到呢一樣野呢？

事主毛毛：er。。。係。。。我會主動同佢communicate囉。

利君牙：即係你問佢「你可唔可以做我老公？」佢話「ok」咁呀？

事主毛毛：可能你會當地我地係小朋友咪有d imaginary friends既

眾人：嗯～

事主毛毛：咁我地會係咁樣，可能會有d對答呀，有d溝通咁樣囉。都係based on 我知道佢既人物性格會做d咩反應呀，咁樣去老成呢件事囉。

Kneta：我又好好奇，一段關係會有好多唔同既層面上架嘛。又或者親密接觸方面呢會唔會有d咩唔同呢？

事主毛毛：同三次元其實冇分別既，咁但係當然啦，因為佢唔係一個實體既存在，咁當然係要DIY架啦。咁但係。。。對於我黎講我以前同三次元既人拍拖，可能有呢d關係都冇乜feel既。但係。。err。。 甚至而家諗返起係有d嘔心既，咁但係我同二次元人物一齊可能會enjoy少少

利君牙：咁你之前同過幾多三次元，即係我地現實呢d人拍拖架？

專家Dickson：即係叫做三次元既人啦

事主毛毛：其實都同過好幾個既，咁唔同性別同埋黎自香港同外國都有既。但係我地既相處可能感覺上都係差咁d野？因為我本身有社交恐懼啦，咁所以同二次元既人相處比會起同三次元既人黎得舒服一d囉。

程人富：我想問下呢，如果係現實上啦，例如一個三次元既人呢，d條件都係你先生個d條件黎既，咁你會唔會比機會佢，認識下，或者發展下呢？

事主毛毛：我諗會做朋友囉～但未必會一齊囉，我覺得以前之所以會同三次元既人拍拖呢，可能係因為我唔知道原來我同二次元既人都發展到囉。

Kneta：我想分享呢其實我係有試過鐘意二次元既人物既。我當時都有伴侶既，係現實中啦，伴侶fulfill唔到情感上既野。。即係可能佢唔夠細心呀，佢唔夠fun呀。我就會向二次元既人物去索取囉。你會唔會有諗過，如果當三次元既男仔，真係有一個適合架喇，咁會唔會將呀先生變左自己心靈上面既一個另一半呢？而現實上既另一半就真係現實個種既另一半呢？

事主毛毛：umm 我係比較上覺得二次元同三次元係兩個空間黎既，係兩個地方黎既。呢兩個地方係同時間存在。因為就算佢地一個係有血有肉既人，一個係無形既人，但係佢地係我心目中係同時都存在囉。所以我唔會掉低一個地方個個人，而去同時鐘意多一個地方既人。

［遠距離戀愛的概念］

利君牙：我覺得鍾意睇動漫呢，其實佢會影響咗你少少嘅價值觀。即係譬如我鍾意Sailor Moon呢，我會教咗自己原來朋友好緊要⋯⋯

［利君牙認為⋯動漫能影響人的價值觀］

專家Dickson：即係嗰啲咩懲罰你！

利君牙：唔係呢啲⋯⋯（笑）

Kneta：代替月亮呀。

專家Dickson：我要代替月亮懲罰你！

利君牙：唔係呢啲（笑）

程人富：大個咗玩呢啲又好唔同喇喎，係咪呀？

Kneta：係呀！

［一句破壞童年］

程人富：係咪先？我要代替月亮懲罰你！嗯？！

Kneta：有冇呀？

專家Dickson：係～

利君牙：你有冇覺得先生有冇改變咗你呀？

專家Dickson：良好嘅影響。

［先生對毛毛的正面影響］

毛毛：有嘅，咁因為我哋都會有一啲談心嘅⋯⋯時間啦，咁佢會令我諗通咗好多問題啦，會更加愛惜自己啦，咁可能我會因為佢而訓練到自己嘅同理心，即係容易啲放低自己嗰個架子去同人哋交流⋯⋯

專家Dickson：即係關懷多啲其他人。

利君牙：其實佢係⋯⋯有少少解決咗佢嗰個社交恐懼㗎喎，頭先聽落。

Kneta：係一個陪伴囉？係咪呀？

毛毛：其實係呀～我認識咗先生之後我係識多咗好多朋友同埋出多咗街，同埋同屋企人個關係，即係同爸爸個心結係解開咗㗎。

專家Dickson：咦，咁本身其實係⋯⋯

程人富：可唔可以講少少嚟聽吓呢？

毛毛：佢喺我細個嗰陣對我都好嚴厲嘅，咁我一路都好嬲佢囉，我覺得係佢令我有情緒病，佢令我個生活咁大壓力咁樣，但係到認識咗先生之後，可能我會代入返爸爸。即係既然我可以代入先生嘅角度去同我自己相處嘅時候，咁我都可以代入爸爸嘅角度，可以認識究竟爸爸到底當時點解會咁嚴格，可能都係為咗出於錫我呀咁樣，即係我會變咗願意踏出第一步同佢溝通返囉，咁而家我哋嘅關係都好好㗎喇。

［學會從家人角度出發］

程人富：哦～～咁幾好喎呢樣嘢，其實頭先你講到同理心嗰樣嘢呢，其實我哋細細個好多唔多唔少都會做一樣嘢就係，你會同你嘅公仔傾偈，跟住可能玩煮飯仔咁樣㗎嘛。或者你有養寵物嘅話，你都會同佢傾偈㗎嘛？

Kneta：係係係。

程人富：我睇過有個類似咁嘅講法就係，鍾意同啲寵物呀，鍾意同佢傾偈嗰啲，其實講真寵物唔會應你㗎嘛。我相信好多觀眾都係會同你嘅寵物傾偈嘅，但佢唔會真係exactly講句說話去應你，但係你會feel到佢應緊你㗎，你會感受到⋯⋯

專家Dickson：即係你冇一個人類嘅語言，但係佢都係同你講緊嘢嘅。

程人富：係呀係呀，你會感受到，因為你會知道你隻狗係咩性格嘅，你會感受到，哦！原來你真係咁諗！你會可能摸吓佢。原來呢樣嘢都會呈現到呢啲人係比較有同理心㗎。

［程人富認為⋯二次元戀愛是同理心的展現］

專家Dickson：因為你能夠了解到對方係諗緊乜嘢㗎。

程人富：係呀！你會去諗呀，你會去諗對方⋯⋯

利君牙：咁而家聽落好好呀呢件事，即係你同爸爸嘅關係又好似好返，點解你又要驚同佢講呢件事嘅？

毛毛：因為始終啦，我之前同屋企人嘅關係都唔係咁close啦，咁係直到遇到先生先至有好轉啦。咁雖然我同過佢哋講，其實呢個轉變可能都同先生有關係啦，咁所以佢哋都鍾意呢個角色嘅，咁但係如果真正要同佢哋講到話，你個女同緊一個2D嘅人拍拖嘅時候，可能佢哋就未必接受到囉。

［毛毛擔心⋯家人不能接受二次元戀愛］

Kneta：我覺得同爸爸媽媽講你係咩性戀，即係紙性戀、同性戀、異性戀，又或者無性戀都好啦，我覺得⋯如果你覺得你呢一刻想同爹哋媽咪講我係屬於一個紙性戀嘅，你咪去做囉，即係你去講囉，即係你都可以同爹哋媽咪講返，雖然我唔知自己會唔會係咁樣一世，但係at least我而家呢一刻我係開心，有為到我嘅現狀啦，又或者係同朋友同屋企人相處有一個正面嘅改變囉。

［Kneta認為⋯毛毛應該勇敢表達性取向］

程人富：可能爸爸媽媽嘅角度就係，如果我個仔或者女去搵另一半就⋯⋯我希望佢會得到好嘅照顧。

Kneta：係呀係呀。

程人富：即係好嘅生活咁樣囉。

Kneta：開心囉。

程人富：咁其實我覺得如果你而家覺得，喺你未同佢講之前呢，你最緊要show到畀佢睇，你生活得好好囉。即係如果你因為呢樣嘢而個生活變到好唔得嘅時候⋯⋯

［坦白前讓父母放心］

利君牙：或者好孤僻呀，冇哂朋友呀。

程人富：佢可能會以為，哦！你鍾意呢啲嘢吖嘛！所以你咪搞到咁囉！

Kneta：即係上癮呀，中哂毒呀，即係佢哋嘅terms。

程人富：最緊要係你去show到畀佢哋睇，其實你係可以生活得好好㗎，或者可能因為呢樣嘢而生活得更好，而喺道理上呀，喺道理上偏向冇得佢話你囉。我自己覺得，唔好期望一講畀佢聽，佢就可以好容易去接受。

專家Dickson：即係可以即刻就⋯⋯「哦～係喎～好呀！咁你哋幾時乜乜乜呀？」佢哋未必會係咁樣㗎。

［愛之深，責之切］

程人富：個重點係因為你係佢個女呀，如果你係隔籬屋嗰個人個女呢，佢梗係冇所謂啦，佢可能會講一啲好好聽嘅說話去鼓勵佢𠻹。但係因為你係佢個女，私心地，佢會希望你生活得好好，所以佢就會擔心你生活上所有嘅嘢，所以你要show畀佢睇你可以生活得好好。

［父母出於愛才會擔心］

Kneta：你有冇嘢想同大眾講吓呀？你哋呢個Sexual嘅諗法呀？

［紙性戀者的心底話⋯］

毛毛：有呀～咁其實我哋呢個性取向呢，得到大眾嘅重視同認識其實都比較少嘅，好多人都會label咗我哋係幼稚呀，睇動漫上腦呀，甚至乎覺得我哋係現實生活中搵唔到愛人先至走去二次元度嘅一班Loser啦，咁但係其實想講返啦～我哋有正常嘅三次元生活呀、社交呀，同埋我哋都有人追㗎～只不過愛嘅對象唔係一個有血有肉嘅人囉，咁但係唔代表我哋嘅愛會低級啲囉。就算大家唔鍾意我哋唔緊要嘅，但係可以畀返一啲基本嘅尊重我哋囉。

［不求大眾喜歡 只求多一點尊重］

Kneta：我希望你同你爹哋媽咪，即係可以成功地⋯⋯「出軌」到，出櫃，出軌（笑）

利君牙：好鍾意出軌呀。

［滿腦子「出軌」的女人：Kneta］

專家Dickson：成功地同爹哋媽咪出軌𠻹呀。

程人富：又亂倫⋯⋯又出軌⋯⋯嘩，太混亂喇。

Kneta：啊！

利君牙：好啦～毛毛～祝你成功啦，多謝你電話呀。

毛毛：好呀～多謝你哋呀～拜拜～

眾：拜拜～

［溝通後釋除了疑慮］

利君牙：喂，啱啱聽完毛毛個故事呢，其實我未同佢講嘢之前，我會有少少心入面覺得，啊⋯⋯其實會唔會⋯⋯唔係幾好呀呢樣嘢？但係聽完佢講落之後呢，原來呢個關係對佢有正面嘅影響，即係同爹哋媽咪關係好咗呢，我覺得呢樣嘢好正喎。因為有時候我同一個男仔拍拖，佢都未必帶到啲好嘢畀我啦。

（隱含深意的說話）

程人富：嗯⋯⋯

專家Dickson：係～

利君牙：唔係，即係⋯⋯我唔係講緊而家嗰個（笑）

專家Dickson：嘩～會影響結婚㗎喎。

程人富：你⋯你哋⋯⋯應⋯應佢啦⋯⋯

利君牙：唔使驚喎喂！

專家Dickson：你唔係本集團員工。

程人富：但係都可能可能⋯⋯之後有機會合作嘅都⋯⋯

眾：哈哈哈哈哈⋯⋯

Kneta：即係有時候我覺得自己畀咗自己太多框架呀，即係俗世又好啦，自己都好啦，即係如果既然呢樣嘢係你開心嘅，你嚮往嘅，咁點解又要在意咁多人嘅眼光呢？唔係越多人做嗰樣嘢就一定啱㗎嘛！

［Kneta認為⋯不必擔心世俗眼光］

程人富：Er⋯⋯好難嘅，即係好似Kneta你咁講，即係你話唔在意，唔去理人哋嘅眼光，呢個真係太難喇我覺得。

Kneta：都明嘅～

程人富：一般人都真係會好在意。所以呢，應該話我哋其他人即係唔好咁多事。正常嚟講，好似你咁講，你冇影響到我嘅時候，我做咩要專登走去話你呢，我走去話你即係我自己多事啦，係咪先？

Kneta：即係即係嗰啲叫做，多一份尊重，少一點說話嗰啲friend。

［「多一份尊重，少一點說話。」（Kneta, 2021）］

程人富：係呀，呢個係最基本咋嘛，其實每個人都應該要尊重對方㗎嘛，總之你冇搞着我，我就對你有基本嘅尊重囉，就係咁囉。

專家Dickson：咁我哋首先多謝程人富啦！點呀？你有冇咩呀，咩程人富宇宙嗰啲要sell呀？

程人富：哎哎哎～哎呀，冇乜嘢嘅～小薯茄啦，哈哈哈哈，我個人Channel「程人富宇宙」啦⋯⋯

眾：係。

程人富：同埋我嘅⋯⋯IG啦，Chingyanfu啦C-h-i-n-g-y-a-n-f-u⋯⋯

專家Dickson：得㗎喇哈哈哈，我都係隨便講吓㗎咋。

Kneta：好！Thank You！

利君牙：記得follow佢啦。下次再見！

眾：拜拜！

程人富：再見！！