BAD Ltd. 特約 《國家級任務》英國篇 第二集 - 國家級大戰占士Bob

東方昇：係呀～辛苦呀～ 感謝你接受我哋

Bob叔：唔好唔好唔好唔好唔好唔好唔好唔好 歡迎！好高興見到你

東方昇：你要帶我哋去一個神秘嘅地方係咪呀

Bob叔：係呀！而家影緊㗎？

東方昇：影緊㗎喇

Bob叔：OK OK 咁行喇 diu!

東方昇：咁呢個地方你係特登 自告奮勇安排 話介紹我嚟呢到㗎喎！

Bob叔：冇錯！冇錯！你一定要嚟

東方昇：點解呢

Bob叔：因為之前你係觀塘嗰個大白象噴水池

東方昇：係係係

Bob叔：搞L咗壇嘢出嚟啦 咁其他倫敦呢 都有壇大白象嘢嘅

東方昇：係！

Bob叔：就係呢個喇！呢個叫做Marble Arch Mound

東方昇：呢個係護土牆嚟㗎喎

Bob叔：冇錯！呢個係一個假山嚟㗎 嗰陣時就係因為肺炎喇 冇遊客喇 政府就諗住做啲花臣嘢 吸引啲遊客過嚟喇 就用咗二千萬港紙 搭咗呢壇咁嘅仆街嘢出嚟 就係等你哋可以上去 用一個唔同嘅角度睇倫敦

但係你可以睇到喇 個山呢 係得咁高嘅啫 （目測大概兩至三層樓高） 睇到幾多呢 就真係冇人知喇 嗰陣時最仆街係呢 一開波嘅時候呢 佢係收錢㗎喎 收8鎊㗎喎每個人 8英鎊啫係80蚊港紙喇 而家就好啲喇 因為俾人diu得多喇嘛 就免費入場嘅

東方昇：咁諗返 我哋香港好似仲好啲喎 哈哈！

Bob叔：香港起碼有得沖涼呀至少
Hello！We got a four tickets for 11:45 （同售票員講）
嗰個就係海德公園囉 嗱我哋上到頂喇

東方昇：吓！呢到就係頂㗎喇

Bob叔：差唔多呢到就係囉 嗰到就係頂㗎喇

東方昇：嘩咁可以睇到啲乜嘢呀 呢到就係二千幾萬嘅假山嘅盆景嘅上面

Bob叔：係 我都係第一次上嚟

東方昇：好似個鐵籠咁樣

Bob叔：就係咁L樣x2

東方昇：二千幾萬 同埋我哋頭先拎住啲器材上嚟拍嘢呢 係唔俾㗎 叫我哋收哂

Bob叔：我諗好多人專登嚟呢到拍片diu呢到

東方昇：唔～

Bob叔：所以就應該唔俾人嚟…

東方昇：仲強硬過香港呀其實

Bob叔：係係係

東方昇：見識到以為呢到自由啲 原來都未必嘅

Bob叔：原來個鐵拳都幾L勁

東方昇：係呀 咁我哋唔好哂 二千幾萬欣賞下風景先

Bob叔：欣賞下先

東方昇：欣賞下先真係 咁就二千幾萬

Bob叔：係呀 真係好L on9

〔酒吧內〕

東方昇：唉飲杯飲杯

Bob叔：Cheers！辛苦你呀

東方昇：唔辛苦仲要你招呼我 我哋嘅觀眾可能未必知你點解嚟英國呀 但我係好早知㗎 因為你走之前呢 就特登已經約我哋去傾偈

Bob叔：就飲杯嘢！係係係！

東方昇：不如你大概講一下 點解你嚟英國

Bob叔：因為嗰陣時有個…唔係病嘅 係叫做panic disorder (驚恐症)

東方昇：嗯～

Bob叔：你會冇啦啦突然之間抖唔到氣呀 心跳得好快呀 以為自己就嚟死嗰啲 心臟科醫師生就話 冇事呀！你個身體冇事 但精神科醫生就話 diagnosed （確診）咗我呢樣嘢 咁其中一個解決方法喇可以話 就係話我去一個…靜啲 冇咁麻煩嘅地方 咁嗰時就同老婆 唉不如快啲過嚟喇咁樣

東方昇：即係身體很誠實喇

Bob叔：身體很誠實喇 呃唔到喇個時真係

東方昇：咁你嚟到呢到係咪真係好咗呢

Bob叔：真係好咗 我仍然都有 panic attacks不過冇以前係香港咁日日嚟

東方昇：喔！

Bob叔：我而家嚟咗一年 我有四次到喇

東方昇：都好好㗎喇喎

Bob叔：同埋係唔需要食藥 輕微咗好多囉

東方昇：我見你都好開心呀 成日去睇波

Bob叔：嘻嘻嘻 咁英國就係…就係睇波㗎咋嘛係咪 其實呢一年都唔係真係好悶 因為個個禮拜六都會約到人 可能有啲新嚟嘅朋友仔呀 有啲一直係到呀嗰啲咁樣喇 呢個禮拜又俾咗你喇 呢一日又俾咗你喇係咪先

東方昇：尋日我嚟呢 我就係機場出咗個post 影一影啫 我冇講我做乜嘢 大家已經 蜂擁地揣測我係咪…

Bob叔：識玩喇你 好叻呀 玩得好叻

東方昇：呢個係一個人類觀察 好多人揣測我係咪嚟移民 我想反映就係 正正香港而家exactly 就係咁嘅情況 但係我嘅感受上 其實係開心嘅 因為大家其實係關心你 好歡迎好似你咁樣好歡迎 同埋好感受到 即使嚟到英國 都係有一班香港人 嗰個團體感覺好強烈

Bob叔：係係係係

東方昇：又冇乜人會覺得 喔你走呀！我要鬧你！

Bob叔：冇冇冇冇冇 唉…如果你明白事理嗰啲…你都會想人哋順風囉

東方昇：嗯～

Bob叔：同埋嗯一個時間就好敏感㗎喇 只要你show一張去英國、加拿大、美國嘅機票

東方昇：或者係送機咋 淨係去送機都已經…

Bob叔：已經好大迴響 同埋加上你都係知名人士喇 你一講一定會爆出嚟㗎喇 不過你好快兜得返呀 你個仆街仔

東方昇：本身諗住醞釀耐啲先嘅 嘩～跟住唔得呀 群情洶湧呀即刻 一年前就有好多人離開香港喇 其實我係冇特登去講呢個情況嘅 因為嗰時我有啲驚 鼓勵咗人離開香港呀 但係一年後其他我諗法改變咗好多 因為你係見到香港開始轉變、一路差 個速度係急速落 而變咗當有人走 就好似頭先講係覺得戥佢開心 係體諒 呢個係幾大變化我覺得

Bob叔：係 冇錯冇錯 你講返香港個情況喇 即係你見到呢啲好…你唔好話不公義呀 係好L荒謬囉 你都會唔開心㗎

東方昇：好似你話你嚟到 即使你都諗方法去幫到啲香港人 其實都係一個做法嚟㗎喇

Bob叔：盡做囉 呢啲又唔係真係為自己過得好啲嘅 如果你話講樓個方面 我真係純粹想幫啲香港人啫

東方昇：係呀係呀…

Bob叔：如果你話…我去接機呀 或者去接待下啲啱啱新過嚟嘅朋友呀 呢啲我都樂意做 因為始終我係到生活咗好多年 我都熟啲呢到地方 盡我能力喇呢啲叫做

東方昇：其實我好感受到 只要你welcome我哋香港人嚟呢 對我哋嘅支持已經好足夠

Bob叔：一定支持㗎
東方昇：我哋就會好開心

Bob叔：係呀冇人唔支持你呀 我諗你尋日出咗個post 之後 好多住係英國嘅網友都好L想見你呀

東方昇：係呀 直情個個約我 我話唔好呀 我唔得閒呀 我要拍嘢呀

Bob叔：係呀咪就係囉

東方昇：好呀咁最後希望你係到生活愉快

Bob叔：我都希望你可以安全返到香港

東方昇：返到嘅 我出到嚟都應該返到去嘅 多謝哂！多謝哂！

Bob叔：Cheers! Cheers! 繼續你嘅愉快旅程

東方昇：下次係世界唔知邊到再見

Bob叔：唔知邊到見㗎喇

東方昇：希望係香港

【下集預告】

東方昇！東方昇！ Christmas 去溜冰 (Jingle Bell 音樂) 踏入12月 知道大家都唔會有機會離開香港 下集我將會帶倫敦嘅聖誕氣氛俾大家 曬下命 等大家葡萄我～下集見！