你的樣子如何，你的日子也必如何？談外貌心理學

咁我哋就先由與外表最相關嘅「戀愛」講起先啦，即係其實係「擇偶」。一講到擇偶就不得不提演化心理學，evolution psychology，簡單d嚟講就係喺物競天擇下，有d生理特徵會幫到人生存，固之而言就得以保留到今日。其實人嘅精力係非常有限，每日行過條街我哋都會遇到無數異性，我哋冇可能每一個異性對象都認真consider同唔同到佢發展，所以人需要一套快速方法去screen in合適對象同screen out唔合適對象，冇可能個個都深入了解，咁呢個情況就從外表揀起。就好似你去街市買菜你會揀走d睇落唔係好靚嘅生果，淨係買靚生果，個道理其實係一樣。

而且呢個揀法喺生物層面上都有道理，例如強壯男人可以從外表反映到佢有muscle power去保衛家園；女性，特別係性特徵，例如胸部或者臀部，呢d同生育功能有關係，如果女性呢d地方發達就可能象徵佢哋能夠喺生育功能做得更加好。演化生理學同時指出男性同女性個求偶策略好唔同，你諗下，一個男性如果有無限性伴侶，佢可以produce好多佢嘅offspring子孫，甚至有研究指出亞洲有77％人都係成吉思汗嘅後裔，因為當年佢係一個驍勇善戰嘅將軍，每去一個新領地都會同當地女人發生性行為，現代就會話係強姦，但當年戰爭文化就係咁樣。
你諗下，一個reproductively successful嘅女人其實基於生理限制，佢好難produce好多offspring，所以呢個時候男女本身個擇偶策略就好唔同，男仔基本上比較傾向來者不拒，女性比較傾向selective好多。

唔知大家有冇聽過，當問到女性朋友有咩擇偶條件時，佢哋好鍾意講句「其實我淨係想要一個普通樣男仔」，咁大家對普通樣嘅理解係咪有d唔同，好似明明你哋淨係鍾意靚仔咁。無錯啦，心理學即刻嚟打救你，其實心理學上有研究做過，女性係會將85％男性外表都視為不吸引，即係你達唔到普通樣水平。咁所以如果你喺大部份女性嚟講睇落係普通樣，咁你可能會係5個人入面最靚仔嗰個，約略計法。咁所以外表喺戀愛市場的確好重要。

咁不如我哋引申去其他area到，點解外表威力會咁廣呢，廣到直程有人話「你的樣子如何，你的日子也必如何」，呢個時候我就要介紹一個心理學好出名嘅認知悖誤，叫halo effect月暈效應，其實講嘅好簡單，指出有時我哋會俾第一個認知去左右我哋之後點樣interrupt 其他stimulate。

例如我同你講話john係一個高大英俊靚仔，佢好鍾意打機，做鍾意做嘅嘢時候會好落力。你係咪會諗到一個好英俊，好似都有d成就嘅電競選手呢？但如果我同你講，sam係一個肥柒毒撚，佢好鍾意打機，佢做鍾意做嘅嘢時候會好落力，你係咪會諗咗個足不出戶，淨係識打機嘅毒撚呢？呢個就係halo effect嘅分別，我哋嘅第一引象會影響咗我哋點樣睇一個人。咁好明顯我哋人與人之間相處，第一個認識到嘅嘢就係對方個樣、性別、年齡等基本資料，所以其實一個好外表會俾到一個advantage對方，甚至將d中性嘢想象成好嘢，呢個first move advantage第一步優惠有時會發大成好多其他嘢。
例如本身上司第一眼因為你外表欣賞你，佢俾多d機會同信任你，自然你會多d機會發揮。換言之你得到support大d，你做嘅嘢就好d，你做到嘅嘢好d自然又會reinforce到你有自信，當你有自信做嘅嘢自然又更好，咁就會成為一個良性循環。開頭呢d微不足道嘅差距喺年月過去就會越拉越大，呢個就會變成「你的樣子如何，你的日子也必如何」，其實就係由一開頭個halo effect越拉越大。

就算同朋友關係都係咁，好多時候你都知道，靚仔d靚女d，身邊嘅frd都會對你好d。特別係陌生人，好多人都係以貌取人。好多時人點樣同人相處，都係一個互弊互利嘅關係，人哋對你好d你咪對番人好d，所以at the end of the day，就因為其實呢d靚仔靚女嘅人佢哋活喺個世界其實係善良過樣衰嘅人嘅世界，自然佢嘅adaptive style就會變成一個善良嘅人，所以有陣時點解比較靚仔靚女嘅人係會易d同人相處，個人善良d，甚至可能心地好d，都係咁嘅原因，個原因可能就係因為starting ground已經唔同，佢哋活喺一個比較善良嘅世界。

咁完呢段podcast之前，想分享一個之前聽過嘅內幕消息，但係就冇publish到journey 到，咁大家信唔信就自行決定。我聽到港大一個心理學教授就區議會選舉做過一個研究，佢收集候選人相片，然後搵人評價佢哋到底係有幾attractive，跟住佢發現嗰個區議員當唔當選係同佢個人attractiveness 係有關係。但係最後尾佢驚引起太大政治風波，佢就冇publish呢個研究。

咁我講咗咁耐外表係一樣相當重要，我認為係架，外表的確有相當重要性。但係咪當表你天性外表唔好就要自暴自棄呢？其實呢個世界好多嘢都係你一出世就好睇你運氣，例如我相信聽得呢段podcast嘅朋友你都係出生於香港，你本身係抽中獎嘅一分子嚟。甚至快樂都係，心理學上有個理論叫genetic lottery，因為佢發現一個人嘅快樂水平約有5-6成係天生基因形成，呢d嘢其實對一個係人生係重要因素。有d人會快樂抽中獎，有人會外表抽中獎，但係咪代表你抽唔中就要自暴自棄咁放棄人生呢？呢度個結論就好似跳得太快，其實外表除咗天生之外，後天都可以做好多嘢，例如打扮，甚至儀態上都可以做好多嘢。

咁點解今日我要講外表呢個議題呢，就係因為太多人話「太睇外在美而忽略咗內在美係唔好」，咁當然「太」係唔好，但係人本身鍾意美係一種天性，咁如果你本身係外表唔太出色，與其去blame人哋係咁，其實可能你自己都係咁，喺你blame人嘅時候，咁所以一個好d嘅alternative就可能係去打扮自己，例如儀態方面有冇咩可以改善，如果真係冇又會唔會有其他嘢我哋可以更加努力去補救番自己天生未必特別好嘅地方呢？呢個亦都係我想表達嘅訊息。

多謝大家今日收聽五分鐘心理學podcast，如果大家對心理學或者人性等等有任何疑問，可以去我哋facebook或者instagram搵我，多謝大家，拜拜。