兩個簡單方法，提升你說話的說服力！

而有趣嘅其實呢樣嘢可以掉轉，你唔一定要俾小小嘢或者俾d好嘢之後去說服佢，你係可以要求佢做小小嘢，幫你做小小嘢，之後再去說服佢想佢做另一樣嘢。例如我想認識某一個好出名嘅教育心理學家，而我朋友圈子入面有個教師，我知道佢哋互相認識，我要點樣令到教師朋友介紹嗰個出名教育心理學家俾我呢？
我可能會咁做：我首先會問一問個教師某d教學資訊，令佢覺得佢教咗我d嘢；或者可能我有教學上難題我會請教佢。等佢幫完我呢個小忙之後我會再講多小小，其實點解我要知道呢d嘢，之後再提出「我想認識嗰位教育心理學家」嘅請求。呢個喺心理學上有個名，叫做foot in the door technique，登門檻效應。
點解登門檻效應會得呢？其中一個原因係cognitive dissonance，認知失調，每個人有個強烈欲望希望維持自己形象係前後一致。咁講係咩意思呢，例如個教師朋友，原本佢對我態度係中性，未必會願意介紹個教育心理學家俾我識，但係我叫佢幫我小小要求時，如果佢跟從呢個小要求，反而會令佢對我產生好感。
兩個原因：人人都鍾意自己係一個有價值嘅人，如果我幫到人某程度上顯示到自己有價值；二來佢要解釋番點解佢會做呢個行為，唔係因為佢對我有好感而幫我，而係佢幫完我之後要解釋番點解佢會幫我，從而調節番佢對我有好感。喺呢個基礎之上如果我哋提出一個更大嘅要求例如佢認識嗰個名人，呢個時候佢跟從嘅機會就會更大。

呢個係一個幾實用嘅談判技巧，其實好多情景下我哋都會用到，等我做個示範。
如果你鍾意我哋五分鐘心理學嘅podcast的話，除咗subscribe之外仲可以幫我哋留個comment，因為如果係咁，我哋就會更加有動力不斷出五分鐘心理學podcast俾大家聽。呢個就係登門檻效應，撳一撳subscribe好簡單，如果未撳就真係快d撳啦，當你完成呢個小要求，我就可以要求一個更大要求：幫我哋留一段review，呢個都係真嘅，請你幫我留段review，因為我哋本身拍呢個podcast都花咗好多心機，如果有多d review可以令到更多人了解到心理學，呢個亦都係我哋整呢個podcast嘅目的。

好多謝大家嘅時間，我係五分鐘心理學嘅主持peter，如果大家對心理學或者任何有趣嘅事，例如哲學又好、人性又好，記住follow我哋個facebook page樹洞香港 treeholdhk，歡近inbox我去問任何你想問嘅問題，instagram都得，咁就期待下次再見。