18/11《圍爐取戀》- X柒你對狗男女！

利君牙:係呀，好緊張呀~就算呢，即使係之前其實我哋有小討論過啦

東方昇:係

利君牙:但係傾嘅時候冇乜嘢㗎喎，到真係求完婚呢，真係要開始準備呢！你就會有一個禮拜好緊張:「係咪真係要嫁俾佢㗎 ？」跟住然後又會覺得「人哋係咪真係要娶我㗎 ？」

Kneta:唔真實呀~係咪嗰種感覺？

利君牙:係呀，唔真實啫！唔真實嘅感覺囉！

東方昇:我以為係個角色上，即係一擘大眼起身:「啊~我已經係人妻……」

利君牙:即係你

Kneta:你呢個幻想嚟啫！你幻想下Dickson瞓醒，突然間有個女人瞓喺隔離

專家Dickson：我第一個諗「我係咪俾人強姦左？」

各人:哈哈哈哈哈

利君牙:都係果種唔真實嘅感覺

專家Dickson：嘩~好大嘅幻想！

Kneta:係呀

利君牙:一樣嘅~

東方昇:而家接受咗未呢？過咗一段時間啦

利君牙:而家接受咗啦！跟住就開心準備之後嘅嘢囉！

東方昇:哦~

Kneta:有冇啲好感動嘅嘢可以分享吓？

利君牙:Er…….冇呀， sorry

東方昇:咁先慘呀你問埋D咁嘅問題

利君牙:因為我求婚好唔感動，即係女仔好著重嗰日求婚着咩衫㗎嘛，即係我啲friend求婚呢，啲男人會特登買晒衫俾佢求婚啦，但係我嗰日係着住睡衣啦！我個頭呢滴晒水咁樣，然後佢就求婚

Kneta:之後就「你嫁俾我啦！」咁樣，跟住你就「吓~」(搓住個頭) 「好吖~」

東方昇:好啊好啊

利君牙:但係會記得呢件事囉

東方昇:好喇，我哋今日係咩case呢？

(今日個case都同結婚有關㗎喎)
(原本呢，個女仔就同個男仔同居嘅，但係有一日佢突然之間發現……間屋多咗一個同屋主喎)

東方昇:鬼嚟嘅？

(係呀，不如一齊聽吓啦)

東方昇:哦~好！

東方昇:喂，LuLu你好~

LuLu:Hello Hello!各位主持人你哋好~

東方昇:聽你把聲好似好可愛喎，好開心咁喎

LuLu:我唔係呀，我好唔開心呀

東方昇:係咩？唔 似喎，好樂觀喎你！好~咁係點樣㗎 ？

LuLu:就係我最近同個拍拖七年嘅男朋友分咗手

東方昇:哇！七年？係咪初戀啊？

LuLu:第一個拍咁長嘅男朋友囉

各人:嗯~~

LuLu:咁佢今年佢就話自己租出嚟住，但係佢租出嚟住嗰間屋係諗住同我係結婚用㗎啦，我哋有一齊買傢俬啊，所有嘢都一齊準備，佢話都係等求婚先搬入去住嘅。咁但係都臨分手前兩個月到呢，我就覺得佢好似怪怪地啦個人，我就上咗去佢屋企啦，因為本身間屋都係結婚用，咁佢自己都有俾鎖匙我。咁然之後一去到呢，一入屋就見到有個……唔係我嘅Bra掛咗喺度囉

利君牙:掛咗係當眼處呀？

LuLu:當眼處啊！就真係沖涼晾衫嗰個位囉

Kneta:我想知係你之前從來都未上過去嘅？ LuLu

LuLu:梗係唔係啦~梗係有上過去啦~間中其實一有時間都會抽空上去二人世界㗎，打下邊爐啊煮下飯仔咁樣㗎，

東方昇:即係今次就無啦啦有個Bra喺度

LuLu:係喇~咁然之後見到就好驚啦，因為其實所有識我個ex嘅人，都會覺得佢係擔屎唔偷食嗰啲人

Dickson:所以你就諗佢有冇機會係易服癖

LuLu:Dickson你講呢個我有諗過，因為個Bra嘅style有啲特別

東方昇:點樣㗎 ？形容下先！

LuLu:有兩隻手掌喺度㗎

東方昇:哦……即係情趣bra嚟嘅？

LuLu:即係push up嗰啲

各人:哦~Push up

LuLu:咁之後我就再驚啦其實就、再望其他嘢就發覺……嘩！原來好過分，好似係有另一個人住咗入嚟咁！即係咩事呀？《上流寄生族》呀？有三隻牙刷插咗喺個牙刷筒

各人:三隻牙刷……

Kneta:有一隻係咪你㗎 ？

LuLu:係

各人:哦~~

東方昇:即係多咗一隻(牙刷)

LuLu:係啦係啦，咁然之後呢，有成Lit新嘅沐浴露擺咗喺度啦，然之後我個梳妝台呢有啲唔係我嘅化妝品啦。同埋我本身個人都係整齊嘅，就見到，嘩！佢用過我啲嘢喎！

利君牙:嗯…

LuLu:即係啲梳啊嗰啲，然之後我連垃圾桶都摷埋呀

東方昇:有冇咩呀？

Kneta:DomDom啊

LuLu:冇

東方昇:仲慘！唔用添！

LuLu:唔用囉

東方昇:其實個女仔都幾離譜，或者你男朋友都幾離譜，佢係擺明踩到上心口喎，直情擺明掛個bra喺度啦，就宣示主權、插旗呀！即係同一隻貓喺人哋嘅地盤嗰度屙尿係一樣㗎！而你男朋友都唔介意呀吓！因為佢如果驚嘅話，佢就收埋啲嘢走啦之前，但佢亦冇咁樣做喎！

LuLu:係呀係呀，佢係應該冇諗住我會上去，然之後就啲嘢擗晒出嚟，應該係嗰晚個女仔仲會……

東方昇:嚟多獲啦

專家Dickson：即係大戰啦

LuLu:之後最尾講數攤牌，我就問佢「點解要咁樣？」，然之後佢就話覺得同我一齊好似越嚟越……唔愛我、越來越大壓力

東方昇:佢當你白癡個喎！大壓力就可以有第三者喎

LuLu:係啦！然之後我就話「你哋一齊咗未？」，佢就話「未」，然後問佢有冇扑嘢，佢話「冇扑嘢」

專家Dickson：咁個bra……

東方昇:但係除咗個bra

Kneta:咁佢瞓邊L到呀？有兩間房呀而家？

東方昇:佢話上嚟刷牙咋！

各人:哈哈哈哈

Kneta:上嚟洗bra呀！！

東方昇:沖涼刷牙呀

LuLu:之後佢話分開期冷靜下，咁我就問佢「你話冷靜期，係咪即係你會同個女仔唔聯絡住？」然之後佢就話「吓？你唔好逼我啦，我……我好驚我揀錯啊！我好大壓力呀！你唔好逼我揀啦！」

Kneta:揀佢老味啦！真係黐X線

東方昇:即係你諗住……你覺得你都贏硬啦，點知原來佢話俾你聽「唔係㗎，我揀緊咋」

專家Dickson:唔係，而佢係元配嚟㗎嘛，即係佢哋係男女朋友關係嚟㗎嘛，你自己俾人捉到你出軌，跟住你話「其實我仲揀緊呀~」

東方昇:係呀，你唔好咁囂張啊

利君牙:「你唔好逼我啦！」

東方昇:「LuLu你唔好咁囂張啊！我揀緊呀！」

專家Dickson：你只不過係叫做掛住個女朋友名嘅選擇咋

Kneta:「間屋未係你㗎 ！」

專家Dickson：咁佢都幾……cheap得嚟又賤

LuLu:係呀，咁然之後佢有啲朋友就抵唔住頸，即係佢啲好兄弟走來同我講話：「算啦~你唔好為咗呢啲人咁唔開心啦~」之後就覺得好奇怪，你哋係佢兄弟嚟㗎，點解會同我講啲咁嘅嘢？之後佢哋就爆咗原來係呢，拍拖七年期間，佢係有叫雞啦

東方昇:又嚟……又叫雞，我哋上一集啱啱先叫雞咋喎

Kneta:好鍾意叫雞喎啲男人

LuLu:仲要以我所知係嗰啲…… 三四百嗰啲

Kneta:即係Cheap雞！

專家Dickson:即係平嘅

Kneta:cheap雞！唔係酒店雞

專家Dickson:即係嗰啲阿伯都會走去撩嗰啲

LuLu:佢又同佢啲朋友炫耀話而家新嗰條女好好，好過我~

東方昇:同事定係咩嚟㗎 ？

Kneta:雞嚟㗎可能

LuLu:同事

東方昇:咁佢哋而家仲一齊嘅？

LuLu:係喇，已經同居喇，住喺我間屋度

各人:嘩~~!!

專家Dickson:即係叫咩……鵲巢鳩佔

LuLu:一齊去睇樓嗰間屋囉，本身係話課結婚嗰間屋

利君牙:所以你而家嘅問題就唔係嗰啲咩復唔復合喇

東方昇:即係你已經死咗心㗎啦

利君牙:你淨係想攞返啲……你曾經……付出過嘅

專家Dickson:「我要攞返我應得嘅嘢！」

東方昇:有乜嘢要攞返㗎你？

LuLu:即係大家都有買嘢㗎，咁可能有啲少少啲家電啊，同埋有啲靚嘅煲煲𦉘𦉘囉

東方昇:嗯~~

LuLu:因為佢諗住我會用㗎嘛、我會煮飯㗎嘛

東方昇:嘩，但係點攞呢？

LuLu:係囉，但係佢又用過喎，我覺得好嘔心，又冇佢屋企鎖匙，所以咪好嬲囉！即係我就唔知點，係咪應該要叫佢即刻賠返晒啲錢俾我，定係想去拎返晒啲嘢定係點？

Kneta:上佢公司！拎！我……我就係要攞返！我揼L咗佢！

東方昇:攞返黎揼咗佢

Kneta:我揼L咗佢，我都唔L益你！臭 八 婆！上佢公司，「哎~唔好意思呀，我想搵邊個邊個邊個呀」之後話「喂你幾L時肯俾L返啲家電我呀！X你老味！」

東方昇:首先一定要……

Kneta:「你嗰個臭八婆用L柒完未啊仆街！」公司就最L棹忌呢啲嘢㗎喇你諗吓，嗱，如果全公司都知道，公司高層覺得「呢個人好似人格有啲問題喎」一係你自己走！

東方昇:又溝同事啦

Kneta:一係我自己炒9你！

東方昇:係可能呢個都係一個……我唔會建議你咁做，但係你咁做我都奈你唔何！

各人:哈哈哈哈哈

東方昇:嗱，咁好喇，咁啱我哋呢度有個平台就借俾你X柒佢喇

Kneta:X柒佢

專家Dickson:你幻想下佢就企喺你前邊，揸住個飯煲煮緊飯

東方昇:係咁喺度……好溫馨咁喺度煮餸啊

利君牙:煮飯仔呀佢哋喺度

LuLu:咁我要儲氣喎而家

Kneta:好好！嚟嚟嚟嚟嚟~~Come on!

LuLu:唉~你個仆街垃圾賤男，X埋喲臭西，條女畀你識得嗰兩個月中出，都唔係啲咩好人啦！證明佢之前都畀人中出過無數次啦！仲以為自己執到筍盤，戴埋啲咁嘅bra、肉肉酸酸，仲要肆無忌憚喺度周圍同人出去啊，好開心兩個去拍拖，你哋食屎啦！你個死人賤女人，用我啲電飯煲、用我啲梳、用我啲風筒，真係漏電電L死你呀死八婆！電到你變爆炸頭啊仆街！唉，我講唔到喇！我好嬲呀！

東方昇:但係LuLu你，你都其實係幾樂觀，我都見你唔係好狠毒咋喎

專家Dickson:係呀，你都唔係鬧得好勁咋喎

東方昇:其實好事嚟嘅~佢宣洩晒出嚟，其實我見到阿LuLu都已經……樂觀咗好多

Kneta:釋懷咗

東方昇:咁有冇啲……

利君牙:有冇啲嘢教我呀？

東方昇:因為我哋在座有一位……阿利君牙就嚟結婚

LuLu:恭喜晒！ ！ ！

利君牙:多謝~~~

東方昇:但係有冇啲忠告俾佢呢？因為我都驚佢會有……甩轆啊

利君牙:嗰啲蛛絲馬跡係點樣……

東方昇:係咪要無啦啦衝上屋企睇吓有冇bra呀

LuLu:唔係呀，可能平時要check電話囉

各人:哦~~~

東方昇:嘩，但係呢個好難做呢個

利君牙:好難喎！

LuLu:呢個好難呀，因為我一直咁耐都冇

專家Dickson:嗱，我又唔係好鼓吹你咁做，因為我仲係本集團嘅員工

各人:哈哈哈哈哈

東方昇:希望你盡快就搵到一個新嘅男朋友啦，好冇啊？

LuLu:一定啦！

東方昇:就唔叫雞㗎啦，好冇呀？

LuLu:好過佢一百倍啊！唔叫雞係基本！

各人:好！！

LuLu:好！多謝！

各人:拜拜~

LuLu:拜拜~

專家Dickson:嗱，我發現咗一個秘密喎，我做咗咁多集《圍爐取戀》呢，就係我聽女嘉賓訴苦呢係多過男人好多㗎喎

Kneta:嗱，我覺得呢……男仔同女仔個感情觀呢係有啲差啲㗎

專家Dickson:大不同

Kneta:即係呢譬如女仔一散咗嗰刻呢，嘩~真係好傷心，要叫天叫地嘅，但係男仔反而一散嗰刻呢，未必個心情係咁澎湃嘅

東方昇:「正呀！可以搵過另一個！」

Kneta:嗱！有機會係好似佢哋咁嘅

利君牙:都唔得閒打電話上嚟啦所以

Kneta:係喇！即係有啲係要過咗一段時間先覺得傷心，但係過咗一段時間你再打嚟，人哋就會覺得你小家

東方昇:或者有個解釋解釋到點解我哋呢度冇乜男仔，就係因為好多時呢，而家社會就覺得如果男仔戴綠帽呢就係戇鳩仔

專家Dickson:又或者係你羞家，你管唔住你嘅女朋友

東方昇:而女仔呢就係受害者

Kneta:因為天生弱者……

專家Dickson:一定係遇到啲唔好嘅人，所以你先會俾人飛喇

東方昇:所以有呢個原因呢，所以男仔好少打上嚟囉！咁我哋呢度懇求各位男仔，我哋係唔會少你戇鳩㗎 OK ？

利君牙:我哋會用愛去安慰你~

Kneta:我去！我幫你X柒啲八婆！

東方昇:係喇！

專家Dickson:戴帽有咩所謂啫？戴帽咋嘛(戴衛衣頂帽)

利君牙:咁啱係綠色嗰件衫

東方昇:來分享吓你哋遇到啲人渣嘅經驗，等我哋大家知道吓！男女平等㗎嘛，係咪先！

各人:係！

東方昇:好！記住打上嚟！

各人:拜拜！！！