什麼是靜觀？為什麼Google也對靜觀趨之苦騖？

實際上係咩呢？例如我喺街上撞到人，特別如果心情麻麻，好易就會一團怨火，忍唔住就鬧人。練習靜觀係唔會改變我哋個反應，如果你係有一團怨火，練習咗靜觀之後都會有怨火。但個分別係，練習靜觀之後我哋唔再將怨火睇成一團，而係好清晰咁睇到怨火內容係咩，例如撞到人，我哋會睇到此刻浮現上嚟嘅念頭「有冇搞錯啊」。或者自己身體感覺，可能發現自己隻手握緊咗小小，有手汗流緊出嚟，呢d都係典型壓力反應。甚至我哋會觀察到我哋想鬧番對方個衝動。

咁有靜觀同冇靜觀個反別係咩呢？就係我哋可以睇住自己嘅反應，從而去選擇我哋喺嗰個環境下應唔應該作出回應。例如諗深一層就會發覺，其實佢都係無心撞到我，條街又咁迫，都係忍啖氣就算。當然靜觀唔係將你變成任人宰割嘅物件，個重點係佢俾咗你去選擇，有時候會調轉，可能會因為恐懼，或者驚出醜而唔敢去表達自己意願，明明件事係你啱。靜觀喺呢個時候可以幫助你去觀察自己嘅恐懼、觀察自己嘅擔憂，從而去選擇自己呢個時候你需要表達自己嘅憤怒。

簡單嚟講靜觀就係有系統咁去訓練，去了解自己當刻感受。腦神經科發現，練習靜觀可以幫助我哋將好本能嘅情緖，例如憤怒、衝動、慾望，引導去人嘅理性中心去處理，換言之我哋凡事都可以考慮得更加仔細。亦有好多心理學研究發現靜觀可以幫助我哋提升專注力、增進創意、甚至係幫助我哋改善溝通嘅原因。

到底我哋要點學習靜觀呢？其中兩個方法係，參與一個靜觀課程；或者閱讀靜觀書本。裏面會有d靜觀練習。靜觀練習大家可以幻想到做gym咁，有時可能會覺得有d攰同辛苦，但係有時會發現係幾好玩。我哋會發現隨住做靜觀練習，會更了解自己思維同性格。

個人嚟講靜觀改變咗我好多，佢令我冇咁三分鐘熱度，呢個亦都係我喺度推廣靜觀嘅原因，唔知大家對靜觀仲有冇咩問題呢？我係樹洞香港創辦人peter，如果大家對靜觀有任何問題，歡迎你去我哋facebook treeholdhk或者instagram pm我，我一定會盡量解答你問題，多謝你時間，拜拜。