美饒舌歌手演唱會爆推擠意外，造成9死300多人輕重傷，當時到底出了什麼事？【TODAY 看世界】

大家好我係范琪斐，歡迎收睇Today看世界，Travis Scott 呢幾年深受年輕人嘅歡迎，亦都曾經八次獲得Grammy獎提名，佢喺2018年推出嘅專輯Astroworld喺美國買咗超過四百萬張，亦都由嗰年開始Travis特登用呢張專輯嘅名舉辦每年嘅天文音樂祭，除咗舊年因為疫情嘅關係暫停一次。Travis以前就曾經因為煽動粉絲做出激進行為而引發爭議，例如2015年喺芝加哥嘅Lollapalooza 音樂節表演時，就曾經鼓勵過台下嘅粉絲翻過圍欄衝上舞台，後來比法院裁定妨礙治安。2017年佢喺紐約表演嘅時候就慫恿粉絲由會場嘅露天平台向下跳仲話下面嘅人會將你接住，當時有一名粉絲真係跌落地最後跌到癱瘓。呢名粉絲事後話自己係混亂中被後面嘅群眾推跌嘅，因此對Travis提出起訴目前呢件事仲喺訴訟當中。

講返今次嘅事件，綜合當日現場觀眾嘅說法，演唱會原定喺晚上九點開始，但七點已經塞爆咗會場，時間越夜人就越多，等到就嚟九點大家喺度倒數嘅時候現場氣氛又變得越嚟越高漲，時間一到音樂一播嘅時候觀眾區就陸續出現推撞嘅狀況，唔少觀眾接受訪問時都話當時現場簡直就好似墳墓裏面開party好似死人都無問題，就算已經見到有人跌倒喺地下大家都係繼續向前推，即使工作人員緊急將受傷嘅群眾帶到稍為遠離主要嘅觀眾區進行搶救，但現場嘅急救人員同設備遠遠唔足以應付咁大量嘅傷者，喺發生今次嘅事件之後美聯社就訪問幾位專家整理出類似事件多數群眾嘅死因並唔係因為俾人踩死，而係因為受到擠壓而窒息。

1989年造成96人死亡， 766人受傷嘅英國Hillsborough足球場人踩人事件之後嘅調查發現絕大多數人嘅死因都係窒息，咁係因為人受到擠壓不單止無辦法自由移動，甚至成個人都扭曲變形，個次事件嘅幸存者就提到當時佢哋覺得自己就嚟被壓扁，成個頭卡喺膊頭同手臂之間，覺得自己就嚟死但又救唔到自己。

研究群眾科學嘅都市計畫專家John Fruin係1993年發表嘅論文中指出人少如果太過密集會造成焦慮、難以呼吸，甚至有可能真係將人踩死。如果係演唱會當觀眾全部迫埋一齊嘅時候，其他人私家喺某個人身體上嘅壓力特別係腹部同胸部承受嘅壓力過重，呼吸會好困難可能會造成內傷。

另一位群眾科學專家指出發生咁大規模嘅推撞事件原因主要有兩個，第一活動設計嘅本身唔合乎消防法對人口密度嘅規範，冇辦法令所有參與者都有足夠嘅活動空間，簡單來講就係場地太細人太多，第二場館喺籌備大規模活動嘅時候冇做好預防措施，好似喺舞台周邊設立圍欄就可以分散人群，將人群分割成好幾個小區，咁樣先可以有緊急通道遇到緊急情況都可以迅速咁疏散人群，當然緊急通道亦要有人看守先可以維持暢通。

睇返今次舉辦音樂節嘅NRG公園，照規定可以容納到二十萬人而實際參與音樂節嘅人估計只有五萬人，睇嚟距離爆滿好似仲爭好遠喎！點解會造成咁嘅意外呢？所以只係人多唔等於會出事，人少亦唔等於唔會出事，好似大家去聽演唱會應該都係一個蘿蔔一個坑，一般情況根本唔會發生推撞，要發生推撞事件通常係因為有突發事件，例如突然間落大雨或者聽到槍聲，大家先會四處逃難，就算民眾急住要逃難，主辦單位如果有做好人流管理，喺事發嘅時候有能力指揮民眾、安撫民眾嘅情緒令大家聽從只是依序逃難，都有機會避免發生推撞事件。

專門研究大型活動群眾安全嘅Allison Hutton指就算係高強度嘅音樂表演亦都可以透過開燈熄燈、播放速度較慢嘅歌曲等等嘅方式黎控制群眾嘅情緒，而今次Travis嘅演唱會睇嚟就係無經過鋪排就快速進入高強度嘅演出呢個係第一個警號，而且推撞事件一發生觀眾即刻向主辦單位反映，地方政府亦都喺演唱會結束前40分鐘就掌握到有意外發生但都冇及時終止演出，所以好多人喺度鬧今次演唱會嘅管理出咗問題，呢個亦都係點解外界會認為喺台上嘅Travis Scott必須要對今次嘅推撞事件負起某部份嘅責任，當地嘅消防隊長就話事發時可以要求暫停演出嘅人就係主辦單位同台上嘅表演者，如果喺台上嘅人可以當機立斷咁指揮一定有利於控制現場狀況。

喺事件發生之後嘅第二日Travis Scott喺Twitter表示對於前一晚發生嘅事件感到好震驚並對受害者家屬致意，後來亦都承諾支付死者嘅喪禮費用。今次事件後Travis身上嘅訴訟案又多左四十幾件，除咗佢之外演唱會嘅主辦單位、活動場地NRG公園、演唱會嘉賓Drake等亦都被受害者起訴。美聯社喺報道中特別提出專家唔使用踩踏或者恐慌來描述今次嘅事件，係因為呢啲字眼有啲暗示係群眾嘅錯，好似群中唔恐慌就唔會出事。專家們大多將責任歸咎喺主辦單位，認為佢哋無提供一個安全嘅環境比活動參加者。我覺得好有道理，當一再發生類似狀況嘅時候就要考慮係咪現行嘅法律太傾向主辦方，要付嘅責任太少。

不過身為一個舉辦過小型活動嘅主持人同主辦人，我認為主持人嘅經驗好重要，如果主持人自己都無見過咁樣嘅場面，你又點可以期待佢可以及時應變呢？呢樣亦都提醒我要去睇吓其他主持人係點應變嘅。另外，規範越多成本就越高，好多少成本嘅製作單位係無辦法承擔咁多圍欄同保安所以好多活動最後就索性唔舉辦。我認為如果法律既尺度拿捏唔好，有造成阻礙創意嘅風險。第三，民眾都唔係完全冇責任，飲到醉晒咁去參加活動或者係都要帶武器去保護自己，出事嘅可能性都好合理地會大大增加啦！