什麼是心理學？心理學如何幫助我們知彼知己？

而背後原因係因為，如果太多選擇的話，例如有abcdefg 7個選擇，當你揀g呢款，你會念念不忘abcdef嘅優點，而呢d得唔到嘅嘢就會令你覺得g唔係最好選擇。

但係反之而言，如果只係得abc 3個選擇，如果係揀c呢款，你只會記住ab得唔到嘅嘢，反而你遺憾係比較低，顧之而言你最後揀c機會比較高。

後來心理學家將呢個現象叫做paradox of choice，選擇矛盾。咁你睇到其實呢類型心理學知識嘅應用範圍係非常廣，例如你真係開緊一間麵包鋪，呢個理論教訓你一定要簡而精，唔好太多款式，唔好令到顧客花多眼亂，喺商業上可以應用。

而且心理學喺現代社會上嘅應用範籌其實可以喺商業、市場推廣、心理治療甚至個人發展都能夠用到。點解心理學同其他好多嘢理解人性嘅方法有根本嘅分別呢？我咁講係咩意思呢，例如你問一個人「你點樣理解人呢種動物」，佢點都有d答案會講到你聽。例如有人會認為人性本善，有人會認為人性本惡，甚至市面上有林林種種方法去幫助自己去理解人呢種動物。例如星座係其中一種、九型人格係其中一種。但係其實呢d全部都唔係心理學，心理學最關鍵特色係，佢會用科學方法去得出研究結論。
例如我啱啱所講嘅paradox of choice呢個例子，如果你要得出呢個結論「小d選擇會更令顧客願意購買產品」，你必須要進行實驗，齋講係唔夠。換言之你必須要setup 1d 模擬情景，例如setup一間麵包鋪，裏面有好多麵包款式；亦要setup另一間麵包鋪，一個模擬情景入面麵包款式比較小。
跟住要搵實驗參加者，分開一半，分別去兩間麵包鋪，再睇下佢哋喺多選擇麵包鋪會易d購買；定係會去小選擇麵包鋪到會易d購買。跟住心理學家會整理呢d研究數據，最後尾得出一個研究結論：小d選擇係會令人更容易購買。
咁呢個就係心理學研究方法最主要方式：透過實驗，分析數據，從而出得結論。

其實呢個方法比其他方式去探討人嘅nature係更可靠，點解咁講呢？
因為每當我哋講起「人性」呢回事時，通常會出現「公說公有理，婆說婆有理」嘅局面。
例如要研究「長距期戀愛對感情升溫有冇幫助？」你其中一個講法可以係「情侶雙方好耐冇見，喺番埋一齊嘅時候會更加珍惜對方時光，所以感情會更好」呢個講法係咪聽落都有d道理先？但係你亦可以從另一角度去講「兩個人，尤其情侶之間相處，其實係需要雙方時間投入同見面，所以長距離戀愛會令兩人關係變得疏離」呢個講法聽落係咪又有d道理呢？
所以呢個時候我哋就需要實證，而唔係字面上討論：實際上搵d長距離戀愛情侶，再追蹤佢哋睇下關係係好咗定係差咗。呢d就係心理學研究方式，可以睇到同字面上或者理論上嘅討論係好唔同。

其實呢套咁嘅研究方式係點嚟呢，可以講小小心理學歷史。心理學其實喺好耐之前係哲學嘅一部分，因為係研究人嘅心靈運作。直到一段時期自然科學，例如物理、化學、生物等學科掘起，相信呢d自然科學嘅價值都唔需要我多講，因為其實你聽緊呢段錄音都係借助於自然科學嘅發展，如果唔係都唔會有電腦。所以有d人開始諗「到底我哋可唔可以將自然科學嘅精確性、predictability即係可以準確咁預計事物發生應用去研究人嘅行為到」呢個就係心理學嘅雛型。跟住有個非常出名心理學家William Wundt，稱之為現代心理學之父，佢創立咗現代第一個心理學實驗室，以科學科方法去探討人點樣去回應唔同刺激。

咁心理學應用係非常多元，其中一個我自己非常鍾意嘅應用就係個人發展。
例如每一個人都有d目標想得到，但係其實我哋每個人都經歷過力不從心，即係好似好想達成一個目標，但硬係力不從心，大家都知要的起心肝去做一樣嘢其實係非常困難。
呢個時候有d心理學研究會幫到我哋。例如有個心理學研究發現我哋只要個目標係同朋友一齊去做，其實社交嘅動力會更容易令你stick to去一開始自己計劃嘅嘢，例如你可能一開始同朋友做gym係其中一個應用例子。當然唔止咁小，佢仲可以應用喺教育、心理治療上，但總而言之，經過多年發展，心理學已經變成一套頗為完備嘅體系，佢有助我哋理解自己、理解身邊人，甚至係近期社會事件，因為其實社會都係人嘅集合。

咁要點樣學習心理學呢，我有幾本好書可以推介，第一本書係Johnathan Haidt嘅《象與騎象人》，佢其實係講人點樣先可以變得快樂呢，係咪有錢就可以快樂呢？其實呢d都可以用心理學方法去研究。
第二本就係非常出名嘅Thinking Fast and Slow《快思慢想》，呢本書就主要講人嘅決策過程係點樣受唔同因素去影響。

當然睇書係一個方法，睇完之後我都想賣小小廣告，其實我哋即將開辦一個心理學入門課程，叫《理解行為，應用心理學入門》，喺個課程入面會講心理學點樣應用於理解人各式各樣行為，點樣去影響個社會發展，有興趣嘅朋友其實非常希望可以見到大家。歡迎大家收聽五分鐘心理學頻道，我係節目主持peter，如果大家有其他心理學問題歡迎上facebook treeholehk問我哋，多謝大家。