能力愈低嘅人反而愈自信？點解會咁嘅？

點解會咁樣嘅呢？你可以幻想，一個唔識嘢嘅人睇咗幾本物理學書，好自然就會以為物理學嘅全部，無非就係佢睇過嗰幾本書。或者用成語去講，我哋會叫做「坐井觀天」，喺呢條「DK曲線」上，佢哋甚至改咗個好搞笑嘅名：Mountain stupid，愚昧之巔，象徵住一個人識小小但以為自己到達咗智慧頂峰狀態。

其實人人都會經歷過呢個愚昧之巔，尤其喺學習新事物嘅時候。但係慶幸嘅係，只要佢不斷學習，就會見識到人外有人，天外有天。隨住自己能力提高，反而自信不斷下降。心理學家將呢個階段叫做「絕望之谷」，Pit of Despair，我哋會發現世界嘅渺小同自己嘅不足。

但係只要持之以恆咁去學習，呢個障礙係可以被跨過嘅，經過不斷學習，最後每個人喺任何領域都可以達到專家層次，呢個時候佢嘅自信同能力都係信符合。就好似每個行業嘅專家，當佢企出嚟，都會有攝人嘅氣勢。而佢哋以前，都可能經歷過愚昧之巔或者受打擊自信嘅階段。但個分別喺，有d人會停咗喺愚昧之巔，成世都自以為是。
當然，真正嘅專家對呢d人不屑一顧；
有d再行多小小嘅人，佢嘅愚昧之巔會將佢打沉，發覺知識嘅淵博令佢停止學習；
反而見識過呢一切然後可以堅持落嚟嘅人，先可以達到專家呢一個境界。

呢個理論俾到我哋三個啟示：
1. 凡事都切忌閉門造車，要見識多d其他人點做，唔係好易就會一直喺愚昧之巔停留。
2. 如果你正在經歷絕望之谷，發現自己能力好渺小都唔好急著放棄，因為其實好多研究都發現，就算喺絕望之谷都只係一個邁向專家嘅過程。
3. 一個真正嘅專家或者大師，係冇不勞而獲，睇幾本書或者試小小嘢，上到愚昧之巔並非真正嘅大師。要成為大師，其實要付出嘅係心力同汗水，持之以恆必不可小。

今日嘅分享就係咁多，希望大家會鍾意我哋錄更多同心理學有關知識，我哋係「樹洞香港」，一個喺香港推廣靜觀同心理學嘅團體，如果你有任何心理學問題都可以問我哋，我哋facebook係treeholehk，instagram @treeholehk.psychology