如何做好壓力管理？

首先係distress，困擾。困擾其實係講緊一樣好本能狀態，例如傷心、憤怒、覺得脾氣好炆，呢d係屬於distress呢類班壓力。呢d係一種好即時、好本能嘅情緒，當我哋要面對壓力事件，例如要面試，我哋會緊張，呢類型壓力就係distress。咁我哋要點處理呢，好弔詭，其中一種令我哋壓力爆褒原因就係我哋太想去處理呢種壓力，例如面試緊張係人之常情。但係好多時我哋緊張嗰陣會好harsh、好腌尖咁去命令自己唔好緊張，不停咁同自己講「唔可以緊張」，個原理可以試到，就係叫自己唔好諗一隻粉紅色嘅大笨象……咁你就會去諗，所以呢個方法係無用。咁我哋要點處理呢，我哋可以採納類似靜觀嘅方法，嘗試去觀察壓力，留意自己心跳有冇加速、有冇多d念頭浮現出嚟，當我哋反而放棄對情緖嘅distract，對困擾嘅控制，佢哋就會自然流走。要記住其實呢d壓力係幫緊我哋，令我哋更加警覺咁去處理危機。

第二類型壓力叫worry，擔心。Worry、擔心有一個共同點，就係佢唔係關於1d依家喺度嘅嘢，你一定係擔心未來會發生嘅，換言之你嘅注意點唔係喺當刻呢度。擔心係點樣呢？例如你下晝要做一個好緊要嘅面試，我又舉面試做例子，朝早你就會諗「陣間個面試我會搞成點呢？我會唔會炒呢？」甚至可能會諗到4、5年之後因為今次一個失敗嘅面試，令你幾十年之後嘅事業毀於一旦。咁你睇到依樣嘢完全係脫離咗當刻，就算你嗰朝早食早餐，甚至可能會覺得食龍肉都冇味。點樣處理呢？以靜觀嘅方法其實我哋可以有系統咁樣將注專力放番喺當刻，我哋可以留意當刻呼吸係咩感覺，甚至行路去面試途中將注意力唔好放喺面試度，擺喺當刻腳步同環境周遭，係一個好有效放低擔心嘅方法。

最後一個就係task engagement，我會話係動機。有時壓力會令我哋好有無力感，令我哋覺得做乜嘢都係徒勞無工。咁呢個現象通常都係由兩個因素引起，第一個就係我哋覺得件事係改變唔到，即係我哋覺得自己做乜嘢都係冇用。第二樣嘢就係我哋搵唔到要做嗰樣嘢嘅意義。幾年前我嘗試過學德文，嗰陣我面對過一個問題：我發唔到德文個R音，我好快就放棄咗。其實兩個原因，第一就係我覺得我改變唔到個現象，覺得自己學極都唔識；第二就係我其實搵唔到自己學德文嘅理由，因為我又唔係要去聽國讀書，純粹係想睇下德國哲學文章。所以換言之要處理無力感嘅壓力，其實我哋要諗得好清楚，到底呢件事我哋做嚟係做乜，同埋會唔會有方法去突破當刻嘅難關。呢樣嘢好難一概而論，可能有d人要睇多d書、同身邊有經驗嘅人去請教，尋求突破當刻困局，同埋記住突破當刻困局嘅感覺。

壓力有時睇落好微不足道，尤其是喺工作環境，我手頭上project都未搞掂仲理乜壓力啊，但係其實呢樣嘢係不能忽視。有一份麻省大學嘅研究發現壓力其實對公司係一份好重嘅負擔。有40％員工離職都係因為壓力，壓力大嘅員工不但生產力低d，佢哋醫療負擔係比普通員工高50％，如果你嗰間係大公司，甚至一年要俾2100港紙去處理單純壓力呢樣嘢。一間公司係唔可以對壓力坐以待弊，甚至有研究發現其實壓力管理program，個ROI大約係20倍到，即係其實你每投放1蚊去壓力管理，你嘅productive就會攞番20蚊番嚟。

咁管理壓力有好多方法，樹洞都有小小資源幫到大家，包括我哋有小小錄音喺呢條podcast跟住條link到搵到，可以運用呢d錄音由公司職員帶領進行靜觀練習，因為其實靜觀練習處理壓力方法同我啱啱分享過係有相似。同時我哋都有壓力管理program可以去番treehole.hk到搵到，咁靜觀對個人對企業都係一個有效管理方法，唔知大家對壓力仲有冇咩問題呢，可以去我哋facebook同instagram到搵我哋。