1
29/10《圍爐取戀》- 越聞越傷心？！我有一個臭臭女友！
毛記電視 | 娛樂類 | Nov 7, 2021
此影片謄本由Sa製作
★非作商業用途，本檔案版權歸版權持有人獨有★
你會唔會沖咗涼，先至同你嘅伴侶進行親密行為呢？
「我會㗎！我會㗎！」「夏天嘅話都會沖涼先嘅我諗」
「情到濃時就唔會囉」
「情到濃時嗰陣時都唔理咁多架啦」
「唔會，唔諗咁多野架，清潔 就梗係要清潔啦，咩都要清潔架啦，人要乾淨架嘛。最緊要清潔先啦乾淨啦！」
Hello！今日嘅case呢，位男事主就因為佢女朋友嘅衛生問題呀，而影響到佢嘅性生活呀。
下載檔案
下載檔案
1
1
所有資料非作商業用途，若有內容侵權，請即通知我們移除。
1
東方昇︰不如我問下大家先啦，你哋進行一啲親密嘅行動嗰陣時會唔會沖涼？(Dickson舉起左手)
利君牙︰Dickson答先！
東方昇︰係喇係喇！會唔會洗手？
Dickson︰我有洗手嘅，梗係有啦，喂掂落去喎直接
東方昇︰完左洗唔洗手！
Dickson︰完咗就更加要洗手啦！
東方昇︰咁洗唔洗嗰度呀？
(思考中)
Dickson︰Errr 會架會架
佢諗呀！！！佢諗呀！！！點都要答會嘅
東方昇︰你哋呢你哋呢？
利君牙︰疫情之後之後就一定會沖(哦即係視乎疫情？)哈哈係
KNETA︰我係無論咩時候都會沖(利君牙︰但係有時等唔切架喎)唔得呀唔得呀唔得呀(好冇激情喎你個人生)唔得呀，因為男仔呢...醃咗成日係特別污糟架，佢有個摺位架嘛...
東方昇︰係呀，嗰D鳩屎呀嘛(KNETA︰係呀！)嗰D鳩屎會攝住喺嗰D…(好核突架~)但係頭先你都講過啦，如果真係...嘩！打得火熱嗰時，就可以唔沖(利君牙︰係呀)我都係，你呢？
1
1
KNETA︰唔得唔得唔得，我地沖涼丫~沖涼丫~，一路沖涼一路咩囉(利君牙︰估你唔到喎)唔得呀，我處女座丫嘛，麻L煩丫嘛(東方昇︰哦潔癖嘅)係呀，好核突呀我覺得。
東方昇︰咁點呀？我地今日case都係類似咁樣啦下話？(比起你地更加嚴重呀，嚴重好多倍呀)好，接佢入黎！
喂Peter你好
Peter︰Hello Hello各位主持人好
東方昇︰今集係咪講，影響你個性生活下話？
Peter︰係呀...好難搞呀呢個真係
東方昇︰好！講黎聽下！
Peter︰Err嗱，咁樣嘅，其實我同我女朋友所有野都好好，咁其實甚至我係想以結婚為前提咁同佢一齊嘅。咁我地最近開始同居啦，咁我發覺佢有一個我好估唔到嘅情況係，佢好懶。咁懶在D乜野呢就係，佢懶到連涼都唔想沖。咁但係我相信，譬如大家都會鍾意打下邊爐呀、去食下韓燒呀、燒肉嗰D呢。咁但係好大陣味架嘛返到屋企，但係佢會同我講話「Er可唔可以唔沖涼呀今晚？」咁我會心諗「Errrrr即係，我冇理由同舊燒肉一齊瞓教咁樣架嘛，咁所以我就會同佢講話「Errr唔好啦你都照去沖啦，好大陣味喎咁樣」咁𦧲咗可能一兩粒鐘之後，咁佢就話「Er可唔可以唔洗頭呀？」咁樣。咁就變咗我覺得係一個好大嘅衛生問題啦。
東方昇︰我想問一問，點解佢唔鍾意沖涼呢？係因為懶？
Peter︰唔知呀，係真係懶架，即係譬如我地喺房度啦，咁我用電腦，咁佢就通常喺張床度。咁佢就可能話「可唔可以幫我攞雪糕？」「我想飲水」嗰D咁樣囉。
利君牙︰屋企習慣呀
KNETA︰好似我呀
Dickson︰公主
Peter︰咁然後佢除咗唔沖涼之外呢，佢仲係好少飲水嘅。即係佢係一個唔鍾意飲水，任何譬
如湯呀、汽水呀嗰D佢都唔鍾意飲嘅。
Dickson︰即係簡單D黎講佢忌水啦，即係又唔飲又唔沖，掂到水都唔得咁樣
Peter︰你呢個講法又幾有趣，都可以話佢忌水啦。咁所以就，有陣時佢會有D口氣嘅問題啦。咁如果係扯到去同性行為有關嘅話就係，(背景音樂Toy Story 2 OST The Cleaner)咁就有一次我地扑野啦，咁好印象深刻嘅。因為佢影響咗我之後好多嘅一D衝動啦。咁我就前戲啦，咁我就去到下面D嘅時候呢，就開始唔對路，就覺得好大陣味咁樣嘅。
利君牙︰係咩味黎架？
東方昇︰之前食嗰D韓燒呀邊爐呀肥牛呀...
KNETA︰夾住嗰陣味！
Peter︰如果下面係邊爐味我都好D喎，但係唔係邊爐味呀嘛！即係一種...
利君牙︰酸嘅定係咩呀？
東方昇︰係啦形容下，因為我真係未經歷過...
1
1
Peter︰係酸酸地嘅！係啦，酸酸地嘅，跟住然後(汗嗰D？)Err嗰陣味係好衝擊性嘅，(冬陰功！)跟住好似鹹魚咁樣啦。(加辣椒！)係啦，咁樣就，我準備去望嗰陣時呢，我見到佢嘅性器官上面啦，係有一D…(有蘑菇呀？)白白地色，白白地色嘅污垢喺上面。
Kneta慘叫︰啊.................................
Dickson︰咁你就覺得呢鋪真係奶野啦。
Peter︰所以我就，咁我就唯有去用手幫佢，就處理咗啦，咁就冇繼續用口啦。咁但係就Anyway啦，因為進行緊冇理由掃大家興架嘛，咁我就當冇咗回事啦。咁但係耐咗你要轉姿勢架嘛，咁一轉嗰陣時呢，就真係唔得啦。陣味真係撲鼻而黎！
KNETA︰即係每一個動作，嗰個氣流就會喺呢度沖上黎！
東方昇︰泵出黎呀！
Peter︰跟住你真係feel到好大陣味咁樣一野沖入個鼻入面啦，咁然後由好起勁，然後就真係變到完成冇晒mood。咁我就同佢講話「Err對唔住呀我唔得呀，我聞到有味...我頂唔到」
東方昇︰嘩你咁直接呀？你咁直接同佢講呀？
利君牙︰聞到有味呀你話？
Peter︰因為咁之後佢就同我講「Err Sorry呀」咁樣，但係就冇咗回事。
東方昇︰即係其實佢自己都知道自己嘅，如果唔係佢即刻發脾氣架啦嘛。
Dickson︰定係其實佢當咗你已經係無能架啦？
Peter︰澄清先！我地係有好愉快咁樣正常地性行為過嘅。
東方昇︰但係我想分析下先，如果佢真係沖乾淨涼，有機會係佢嗰D污糟係喺體內出黎架喎。
KNETA︰其實佢呢個有白色嘅，經常有呢，其實就係代表住佢有細菌呀。因為佢成日唔沖涼呢，因為女仔...(東方昇︰學名叫做白帶呀嘛下話)Errr或者其實念珠菌都會形成白色架。所以其實有機會一係佢就係黎M嗰段時間有白帶係正常啦，咁一係呢就係佢本身體內有菌，即係佢成日唔沖涼唔好好去護理呀。
東方昇︰所以其實佢有機會係...首先唔識洗啦，同埋係體內飲少水嘅問題。咁而家你地嘅情況差到點樣呀？
Peter︰個情況嚴重到就係去staycation嗰陣我提唔起衝動去掂佢囉。
利君牙︰咁佢自己察唔察覺架？
Peter︰我諗或多或少都察覺，因為其實大家成年人去staycation除咗relax，就會扑野好正常啫我覺得。咁但係我嗰下係，因為呢樣野就令到我唔係好想去主動Initiate咁樣嘅。
1
1
東方昇︰首先我地要讚咗你先，你都真係好愛你女朋友。你係諗方法去解決啦，同埋你都...即使佢有咁嘅問題，你都想辦法去...
Dickson︰你都會將個頭哄埋去嘅！
東方昇︰係呀！即係令佢開心，所以你係一個好男仔黎嘅。
Peter︰因為我都有試過呢就係，我試下扮係我發脾氣，即係同佢講話「你再唔沖涼你今日唔好入黎！」嗰D咁樣。咁但係佢真係直接唔沖囉，佢話「咁我唔入啦」
KNETA︰你睇下可唔可以每逢性行為之前你就準備一切架生去幫佢抹乾淨，咁佢自己都尷尬啦，咁佢每次...
利君牙︰即係勁似老人院嗰D護理員咁樣係咪
KNETA︰係呀！！幫佢抹乾淨先~捽乾淨~咁如果唔係佢唔肯沖涼，咁你點繼續落去啫？咁如果你真係想要一個好嘅性事咁你都要幫手架啦。
Dickson︰又或者你等佢體會下同一個唔沖涼嘅人做愛係咩情況，你自己都唔沖涼。
Peter︰佢有講過話佢唔沖涼呢個狀態係舒服D咁樣囉，即係覺得沖完涼之後冇咗浸油脂喺身上面，佢反面會覺得周身唔聚財咁樣囉。
東方昇︰向好嗰方面諗呀，你女朋友係一隻生金蛋嘅雞黎架。(即係點呀？)(佢女朋友係雞...？)D賣底褲嗰D人呢，就最鍾意嗰D女人呢(你唔好聽佢講呀)好大陣味！(好多漬嗰D！)真係呀！嗰D要十幾日唔沖涼(原味)標明話十幾日唔沖涼，先至賣架嘛。你女朋友就可以做呢門生意我覺得！
聞一聞，好精神；索一索，舒筋活絡；奶一奶，唔會兩頭擺添架！
KNETA︰我覺得懶嗰方面呢，如果一個人懶呢，你叫佢「你唔好咁懶啦」係幫佢唔到架，係要大家一齊陪佢。其實一齊沖係最直接嘅方法黎架，你話「喂我沖涼啦，一齊沖啦~黎吖~幫你洗頭幫你吹頭啦一陣」。咁樣佢就好容易「哎~咁我入去做殘廢餐架咋喎」就走入去，你就幫佢捽晒所有野，幫佢抹埋，衫就自己著啦係咪先。
東方昇︰就搽D番梘喺自己度，跟住就係咁...嗰隻喎！
利君牙︰洗車轆呀要買嗰D，係度轉轉轉轉
Dickson︰嗱，我淨係喺AV入面先見到呢D畫面嘅啫
東方昇︰但係嗰隻多數女幫男，依家男幫女！
Peter︰可以呀~都可以試下呢個
東方昇︰希望幫到你啦
Peter︰好呀~唔該晒咁多位
東方昇︰不過話時話一齊沖涼我提一提你要買兩個花灑頭，因為呢唔係另一邊會好凍呀，另一邊會好凍架！跟住又要慢慢整，跟住嗰邊係度「好凍呀快D啦，快D畀個花灑我啦」跟住就畀3秒佢咁，好凍架~好啦好啦好啦，希望幫到你啦~
Peter︰OK好，拜拜~
東方昇︰頭先Peter個例子就好極致啦，佢女朋友咁污糟呀，但係其實我覺得每人都總有啲衛生上嘅嘢呢，令到另一半或者你會覺得好唔舒服嘅，你地有冇呢？
KNETA︰有嘅，Er唔係令到我好唔舒服，但係佢逼我做會令到我好唔舒服就係，佢去廁所呢淨係用兩至三格廁紙囉。即係佢會challenge我用好多廁紙囉。
東方昇︰哦~佢做咩？去大定去細先？
KNETA︰細~唔係唔係，大！男仔得大咋嘛！
唔係喎但係，兩格就算摺埋一抆都會抆穿架喎，嗱你第一次抆就兩格你就會係大張架啫，咁你點抆第2次啫，你唯有就係摺埋佢囉！然後你摺到得返咁細咁樣就...點抆呢？
KNETA︰所以我就覺得好噁心囉，佢會成日問我「點解你用咁多廁紙？D廁紙被你用晒」
利君牙︰咁佢逼你又用3格呀？
KNETA︰係呀但係我唔會理佢囉！
東方昇︰但係冇影響你嘅性生活嘅？
KNETA︰冇~因為我一定會沖涼架嘛！！！
利君牙︰我有去旅行嘅時候有D習慣好衰嘅男朋友，就係佢去旅行呢通常牙刷一樣樣架嘛，佢唁知點解好鍾意攞我嗰支牙刷去刷牙架。當我見到佢刷完牙之後呢，我自己嗰個牙刷呢因為我前一日已經刷完啦嘛，同一個位但係濕咗喎！佢嗰個乾噌噌喎！(東︰你咁care佢攞你個牙刷架咩？)吓？佢D牙石就會痴咗喺牙刷嗰度...(喂你打車輪都已經兜咗個圈啦)你唔會撩到D牙石出黎架嘛！(KNETA︰撩甩佢D牙石)喂好想嘔呀！
東方昇：咁我再問一個問題，當你地一齊住呀，沖涼抹身毛巾使唔使分開呀？(利：唔分嘅)佢咁樣*捽下面*跟住你下一個抹就喺個頭度，咁樣架喎！
KNETA：我唔會畀佢咁樣樣嘅
利君牙：因為男仔抹身係hea抹架嘛
東方昇：但係呢度抹得特別乾淨囉！(得係咋掛！)喂咁好啦喂，如果大家都有D咩同情侶嗰D衛生問題、怪癖呢，留言！咁就等大家都睇下。咁今日差唔多啦，拜拜！
1
牆內能夠接觸外間資訊的渠道寥寥可數，Youtube 機頂盒為每星期從 Youtube 上挑選不同種類的專題影片並製作成謄本、印刷成信件的長期計劃。
其他最新謄本
💥腦筋急轉彎2片尾解析＋12大彩蛋｜小彬彬竟然出現？霹靂包原型？AC113？留言抽官方贈品
那些電影教我的事 Lessons from Movies | 電影類
💥戰勝阿焦大作戰！腦筋急轉彎2最強指南｜4招把阿焦變成神隊友｜劇透｜Inside Out 2｜留言抽好書
那些電影教我的事 Lessons from Movies | 電影類
💥腦筋急轉彎2無雷解析｜小心你的情緒內戰！5招搞懂你的腦｜留言抽好書｜Inside Out 2
那些電影教我的事 Lessons from Movies | 電影類
#MM｜返工成日聽到「一代不如一代」 係源於心理偏見？社會學分析不同年代人特徵 點解00後會衝擊職場生態？｜#Pantry有嘢斟 #4K
Mill MILK | 心理類
#MM｜00後擲廿萬創業開韓式自拍館 半年回本開分店 月打4份工返茶餐廳做樓面 拍Reels過900萬觀看次數 00後鍾意創業搵滿足感 抗拒朝9晚5？｜#700萬種生活 #4K
Mill MILK | 社文類
0