蚊滋初下海！老東推貓車！28/10 《國家級任務》- 領養主子蚊滋一周年拆禮物派對

毛記電視 | 娛樂類 | Oct 31, 2021

此影片謄本由三月八號製作

★非作商業用途，本檔案版權歸版權持有人獨有★

大家好，佢係我個女，佢叫蚊滋呀。佢呢就上年十一月黎我屋企既，咁佢已經黎左我屋企差唔多一年喇。睇下佢幾得意。佢岩岩入黎個時呢，好細粒好瘦架。而家變左個大肥婆喇～

今集「國家級任務」點解會有佢呢？因為集運公司Buyandship呢就搵我賣廣告，話比1000蚊既消費劵我用喎，比我任買。我話正呀。就咁拎呢一千蚊就去世界各地呢，就買d野比呢個蚊滋作為佢一週年既禮物。好冇呀，蚊滋？我地陣間開party賣完野之後好冇？

「嘩！」（比蚊滋抓左下）

（恥笑的聲音）

---

下載檔案

所有資料非作商業用途，若有內容侵權，請即通知我們移除。

咁我依家返黎公司呢就準備網上shopping喇。咁我之前呢就睇左網上既post，有一張貓既床呢，係非常之靚架。就係一張叮噹入面既時光機造型既床呀！你睇下。我幻想到蚊滋坐上黎我幫佢影張相，擺上網，呃like。點捨得唔比like佢呀！跟住，我第二樣要買比佢既野係咩呢？咁因為蚊滋始終已經大個女啦，咁呀發育完成。作為女仔既佢我應該買件靚衫衫比佢。咁我就簡左呢件喇！係一件護士既衫呀，粉紅色架！好kawaii呀！蚊滋著左上去之後呢，我諗我真係會忍唔住呢，啜佢呀！！！

第三樣我買比佢既呢，同樣係樂天市場買既，咁就因為有一次呢我帶蚊滋去睇醫生啦。因為佢重左好多呀。個膊頭痛左我幾日呀。於是我決定我要買架車車比佢喇！當我買左呢架車車之後呢我想像到呢，第日我可以推車車，咁我地兩母女出街，場面幾溫韾呀！

咁禮物就簡完，準備埋單啦。不過日本網站買野呢好衰架。好多時淨係可以send去本地架姐。咁呢個時候我就用到buyandship既集運功能啦。我只要去buyandship既網址到注冊，跟住就會比一個海外倉庫地址。只要我係個網站買野個時呢，就將個地址copy返落去，跟住就埋單啦。

咁當賣家發左貨之後呢，佢就有一個運單編號，跟住將個運單編號去buyandship到申報，咁就大功告成喇。真係好心急呀，快d黎啦d貨。

---

（buyandshi貨倉）

拿，我已經身處buyandship既貨倉喇。不過如果大家幫襯佢呢，其實唔洗好似我咁諗居親自黎到貨倉既。因為buyandship係全港九新界呢，係有超過400個自提點，同埋可以親自送上門既。而我之所以黎，係因為我要拜會一（走音）個人！

「少年林雪！聞名不如見面，你好！，嘩我終於見到你真人喇，嘩你呢一身既肌肉呢，直情係勁過鐘培生同林作呀，我肯定呢佢地兩個圍抽你，你都ko到佢。係嘛，有信心啦你！」

「咁呀不過呢我今日都要挑戰你，我今日同你鬥執貨。因為呢其實我後生個時呢，我都做過吉x島既倉務員既。咁我地陣間玩法好簡單，咁我地面前各有一百件貨，咁我地就鬥快將d貨擺落貨架之後mon實佢！有冇信心？有信心丫嘛！！」

「開始！」

---

「3, 2, 1，開始！」

（執貨中...）

「底一定要疊好佢呀？肥仔！」

「唔單止用體能，要用腦架話呢個，呢個pack貨真係。喂diu原本好鬼難架喎，我已經，睇下我已經完全...凹凹凸凸架呢個已經...」

「疊到上天花板... 嘩你已經mon緊喇？diu！9擺上去算啦，下？你已經搞掂啦，我就黎跌添喎，比薩斜塔架喎...」

...

「好！搞掂！」

（單薄的掌聲）

「你睇下你個件幾靚，我呢件直情係藝術品咁呀，你覺得我值幾多分呀？」

...(靜左)

「唉，明架喇，明架喇。睇唔出原本你咁鬼肥壯，原來咁鬼細心既！唔怪之得公司d女比你溝哂啦。」

「黎！望住鏡頭，yeah！！勁呀！」

---

東方昇:「咁就見完偶像呢，咁就做返正經野黎拎貨喇。喂你好呀靚女，一睇你就知暗戀少年林雪啦。咁呢我就想問喇，呢到就三年貨啦，佢由日本個倉運黎香港呢，大概3，4日到丫嘛？咁我想問呢到係好多磅幾多錢呢？」

靚女：「呢度呢就7磅係154蚊既。」

東方昇:「唔！」

靚女：「呢個咁重呢就14磅，就308蚊既。」

東方昇:「308蚊，咁應該係全港同類黎講性價比係最高架嘛？好呀，咁我而家就吉不及袋呢，就拎返去送比蚊滋喇，byebye！」

---

（返左屋企）

「蚊滋～我地準備去街街，你可以收禮物喇～開唔開心呀？」

「開心！」

---

（出左街，玩架貓車）

「蚊滋～呢份係第一份禮物呀，睇下幾靚！唔洗驚喎！鐘唔鐘意呀？睇下快d人幾羨慕你，有車車坐呀！睇下你幾幸福，老漢幫你推車呀！唔係... 係老竇幫你推車呀！」

「蚊滋有冇暈車浪呀？冇呀嘛。好我準備送第二份禮物比你喇，係護士衫衫呀！蚊滋睇下先，你睇下先，你睇下先！係咪好性感呀？可以做個少女呀，幫你著起佢先呀下。喂唔好走！做咩呀，唔鐘意著衫呀？」

「哈哈哈，幾靚～～拿，你自己落地行下啦，係咪靚？嘩～～仲有頂護士帽架～嘩！幾靚！睇下～

「蚊滋～仲有最後一份禮物呀，係咩呢，登燈登登！係叮噹個時光機呀，快d坐上去先！坐係到，渣住個控制台，跟住可以出發可以去到過去同未來架喇，呢張係張床黎架！幾得意，幾靚」

「哎呀！」（蚊滋走左）

「好！蚊滋，咁今年就係第一年係我屋企到過，咁之後年年呢都會係我屋企到過，同各位觀眾講byebye」

「byebye！」