Google Pixel 6、6 Pro 自家處理器登場｜Apple「信仰」擦拭布全線賣斷！｜網傳Facebook即將改名 | 廣東話【Price Weekly #85 2021年10月】

Price.com.hk 香港格價網 | 科技類 | Oct 24, 2021

此影片謄本由伯爵茶製作

★非作商業用途，本檔案版權歸版權持有人獨有★

歡迎收看Price Weekly！我們一起看看今個星期最熱門的科技新聞。最近天氣終於涼返啲，識食嘅你就知大閘蟹季節又嚟啦！想食又爆膏又抵食嘅大閘蟹，就記得上Price網購！

無論你鍾意食蟹膏甘香軟滑嘅蟹公，定係膏質較硬但更香濃嘅蟹乸，都有得俾你揀。今年蟹季就率先有本地老字號「永利威」，為大家提供高質大閘蟹，而產地就分別來自江蘇的養殖場，以及大家都好掛住嘅日本。由即日起至10月31號，恒生DORI 更加推出限時快閃優惠，用恒生信用卡就可以，以前所未有嘅至抵價，搶購指定重量嘅大閘蟹。江蘇蟹只需 $18起、日本蟹亦低至$25，數量有限，搶完即止！搶唔到都唔緊要，仲可以用恒生優惠碼，買滿$700即減$100，快啲約埋屋企人或者幾個朋友，嚟Price網購買多幾隻食返夠本！

下載檔案

所有資料非作商業用途，若有內容侵權，請即通知我們移除。

今個禮拜各大品牌都有發佈會，當中 Samsung同Google都推出咗新機，雖然兩部新機都未必會喺香港上市，但係都幾多人關注。先睇下Google Pixel 6 同 Pixel 6 Pro。同之前的傳聞一樣，新一代的機身採用方正的外型，前後都用上玻璃物料，更加有旗艦手機的高級感。今次兩部機最大嘅賣點，就係轉用 Google 自家製嘅 Tensor 處理器！

官方話效能比起Pixel 5 的Snapdragon 765G 快 80%，表現亦追得上Snapdragon 888。前者用上 6.4 吋 90Hz 的 OLED 螢幕，而後者就配備6.7 吋、120Hz、QHD+嘅 OLED螢幕。至於鏡頭方面就改為打橫排列，Pixel 6 有主鏡頭＋超廣角鏡。而 Pro 版就會再多一個長焦鏡。大家都配備鐳射自動對焦感應器，以及 5000萬拍攝像素。新機將於10 月 28 日正式發售，售價分別係 US$599 及 US$899。但係一如以往唔會係香港開賣，有興趣嘅朋友，搵下水貨或代購喇！

跟住睇埋Samsung的Galaxy Unpacked Part 2發佈會，主角竟然是--已經開賣一段時間嘅 Galaxy Z Flip 3！究竟有啲咩特別呢？原來今次官方就推出咗，可以比大家自定外觀顏色嘅Bespoke Edition。機身外形同規格都冇變化，不過手機中框同前後兩塊面板，可以換上唔同顏色嘅衫，一共有 49 種配搭比你慢慢襯。就算你收到部機之後唔鍾意，仲可以免費改一次，新機價錢就係 1,100 美元，計返港紙約$8,500，同原版相差兩三百蚊。但係好可惜暫時都唔會喺香港上市。

同場亦發佈了 Galaxy Watch 4 全新錶面，一共有4種不同模式。而在功能上就多了「敲敲」手勢，可以喚醒自訂的 App。另外亦都調整咗「跌倒偵測」功能的靈敏度。

Samsung 仲宣佈將會同潮牌 Maison Kitsuné 合作，推出 Galaxy Watch4 跟 Galaxy Buds2 的Crossover限量特別版。前者會係40mm的藍牙版本，見到兩款產品的機身、包裝盒、充電器，都印有經典的小狐狸圖案，非常之可愛，售價分別是港幣$3,110和$1,940左右。將以限量方式在指定地區上市，未知香港有冇得買。

除了Samsung 、Google之外，本周隆重其事嘅仲有Apple發佈會。我哋當日都已為大家詳盡報導過架喇！如果想重溫返就可以click去右上角條link。

不過講開又講，原來除咗新MacBook Pro同AirPods 3。Apple喺發佈會當日，仲靜靜雞喺官網上架咗一條，價值$149的擦拭布。不少網民都問塊布係咪鑲咗金！仲有人話係「信仰之布」，要考驗一下果粉的忠誠度。我哋上官網睇下，塊布已經賣到全線斷貨，認真誇張！宜家預訂都要10-12個星期先至有貨，連軒仔都出咗個IG story話塊布超好用，唔知佢係咪都大手買入咗喇。塊布好唔好用，我哋都要有實物試過先至知。不過Apple就宣稱塊布用咗「柔軟而不會造成磨損的物料」製成，可以比你安全有效地清潔任何 Apple 顯示器，包括 nano-texture 納米紋理的玻璃，是特別為新一代的MacBook Pro而推出。因為新芒採用了氧化物材料的IPS面板，要非常小心保養，究竟呢塊布同普通的清潔布差幾遠呢？如果你哋買到嘅話，就快啲喺下面留言分享下！

而關於新MacBook Pro的瀏海設計，見到大家都有唔同嘅意見。有網民就好奇，當cursor經過瀏海的時候會出現咩情況。Apple產品設計師Linda Dong就喺Twitter回覆話「Cursor可以隱藏喺M 字額入面」以後大家睇片，就唔駛慢慢等佢收埋喇！

下一單係有關Facebook的消息，根據外媒The Verge的報導，Facebook有機會喺下個禮拜改新名，但實際叫啲咩就仲未知。傳聞話新名會同「地平線」有關，事源 Facebook 最近打造緊一個社交虛擬世界「Horizon Worlds」。所以外界就推算 Facebook ，準備進軍「元宇宙」的世界。事實上，Facebook 早前就宣佈，未來5年將會喺歐盟，聘請10,000 個「高級技術人員」，打造新的 VR 與 AR 體驗。上個月亦見佢哋同Ray Ban聯乘推出一副智能眼鏡。Facebook發言人就回應「對謠言與揣測不予置評」。消息係真係假？相信下星期四Facebook年度Connect會議就會揭盅喇！

繼3年前嘅 A7 III 後，Sony 終於推出新一代入門級全片幅無反相機 A7 IV，新機配備 3,300 萬像素背照式 CMOS，以及比 BIONZ X 快 8 倍嘅BIONZ XR 影像處理器，令到 A7 IV 喺像素密度提高咗嘅情況下，最高感光度仍然可以維持喺 ISO 204800，喺 BIONZ XR 處理器嘅加持下，新機嘅數據處理性能都得到大幅提高，最多 10fps 嘅連拍速度，拍攝多達 800 張 RAW + JPEG。對焦方面，新機用上旗艦 A1 一樣的對焦系統，提供759點對焦點、 94% 覆蓋率。另外亦支援屏幕觸控對焦，人眼、動物、雀鳥眼睛追蹤對焦功能。

至於A7 IV 嘅 5 軸機身防震系統，亦得到強化。防震補償能力，由 A7 III 的 5 級提升至 5.5 級。拍片方面，新機喺 Super 35mm 格式下，支援 4K60p 規格，色彩取樣亦由以往嘅8-bit 4:2:0 提升至 10-bit 4:2:2，令色彩更加逼真。而操作上新機今次加入反mon設計，方便用家拍片同自拍。亦喺PASM轉盤上加多一層推桿，比用家喺照片、影片同S&Q模式之間快速切換。A7 IV將喺今年11月25日正式發售，淨機身賣$20,490，連埋支Kit鏡就賣$21,990。

Acer 早前就公布咗一系列嘅新產品，而當中最特別嘅，就係主打環保概念嘅 Vero 系列，全部產品用咗再生及可回收包裝材料，就好似Aspire Vero和商務版 TravelMate Vero，全機身都採用回收塑膠物料。而且為咗延長產品的壽命，兩款電腦的設計都簡化咗維修或升級流程，譬如使用標準螺絲。而一啲裝置及零件，都可以輕鬆拆卸和維修等。而系列中的配件，包括滑鼠、滑鼠墊同埋保護套，都係用回收物料製成，相當之環保！

隨住無損音質和空間音訊的登場，越來越多人選用 Apple Music 聽歌。最近網上亦有消息指，Apple Music 短期內將會在 PS5 登陸。一個PS5用家日前就喺Reddit討論區，話自己見到PS5的音樂頁面，出現了Apple Music選項。不過click入去就仲未有得 download。我哋都特登開過部PS5嚟睇，唔知係咪因為地區嘅緣故啦！並見唔到任何Apple Music的Logo。而官方亦都未有作出任何公佈，假設呢張唔係P圖嘅呢，呢位用家就應該係「被選中嘅幸運兒」！

繼AirPods 3之後，最近有傳聞指 Apple 將會係11月初，推出一款運動型真無線耳機-Beats Fit Pro。根據爆料者講，耳機將配備主動降噪功能，內置 Apple H1 晶片，並支援 Hey Siri 語音操作。續航力方面，開了ANC和Transparency mode，充一次電可以用到10小時，加埋充電盒就可以用到最長30個鐘。顏色方面就有黑、白、灰同粉紫，但暫時未知賣幾錢。