日本負債率全球第一！為何沒有發生債務危機？

進入正題之前先幫下唔熟悉嘅觀眾簡單說明國債嘅概念，國債即係指政府為咗籌募資金而對外發行嘅債務憑證，承諾支付利息並喺到期時償還本金。例如用一萬美元投資某個國家10年期嘅國債，年利率為5%，咁每年就可以拎到500美元嘅利息，10年後該政府就要還10,000美元既本金。一般投資者視國債為相當穩陣嘅投資方式。至於國債嘅債權人會係邊個呢？

一般來講可以係國內外嘅公民、法人或者組織以及其他國家嘅政府或金融機構。雖然舉債維持運作已經係全球國家嘅基本模式，但一般認為舉債過重會有一啲問題好似歐債危機嘅時候，希臘、葡萄牙同西班牙面臨債務問題，但因為經濟狀況差投資人對佢哋嘅國債唔信任，導致佢哋融資有困難。為咗重新融資呢啲國家被迫將公務員減薪、取消財政刺激方案甚至加税，簡單來講一個國家可能因為還唔到錢導致社會崩潰，既然債務過高嘅後果咁可怕點解日本都仲會走上呢條路呢？

呢個同佢哋嘅歷史發展有關，日本國債最早可以追溯到1868年，當時正值明治維新時期，日本政府為咗大規模建設需要大量金錢，第一次國債飆升係喺二戰前，原因好簡單就係籌募軍費，但就造成左戰後通貨膨脹嘅一大原因，因此日本政府頒發「公共財政法」，但好快政府就發現國債「真香」。

日本戰後經濟高速發展，官方為咗刺激經濟實施減稅並大興公共建設，導致財政赤字擴大。為咗彌補赤字，日本政府再度借用國債之力發行左一啲短期國債，因為當時非常繁榮呢啲短期債務無為日本帶來太大嘅影響，而係成為左經濟發展嘅彈藥。1960年代日本經濟增長放緩，日本政府為左避免陷入蕭條，好快就決定發行大量國債。1970年代日圓升值影響出口經濟，日本政府再度增發國債，數字亦不斷創新高，同時日本開始推動福利政策，國家更需要錢，更難從國債之路回頭。

估計由1982年到1992年呢10年間日本國際規模暴增20倍，與此同時經濟嘅高速發展令反對舉債派無出聲嘅機會，之後經濟泡沫爆破雖然令政府一到暫停發債，但為咗刺激經濟好快又回到國債攀升之路。時間翻返嚟近代，對日本國債影響最大嘅莫過於前首相安倍晉三，為咗避免經濟持續衰退佢提出左「安倍經濟學」，推動大規模量化寬鬆、擴大財政支出同發展民間投資，好明顯呢三支箭入邊嘅第一支就係釋放資金到市場，後面兩支戰就需要銀彈。結果喺安倍落台嘅時候留低咗巨額國債高達全國GDP嘅2.5倍，總額係希臘嘅兩倍、西班牙嘅四倍。

總結來講日本嘅國債飆升同經濟高速增長綁埋一齊，而且形成左以債還債嘅循環。呢個亦都係點解咁多年黎日本政府成日都話要控制國債比例但又好難實際執行嘅原因。而誇張嘅債務同GDP令外界由幾年前就開始預測日本政府有破產危機，日本政治圈對呢個話題亦都有過好多次嘅爭論。不過我哋都知道時至今日日本都無發生嚴重嘅債務危機，大概可以整理出三個原因。