M1X MacBook Pro 終於要來了！Galaxy S21 FE 下周登場？藤原浩操刀 MSI Creator Z16特別版 | 廣東話【Price Weekly #84 2021年10月】

Price.com.hk 香港格價網 | 科技類 | Oct 18, 2021

此影片謄本由EaSon製作

★非作商業用途，本檔案版權歸版權持有人獨有★

歡迎收看Price Weekly，我們一起看看今個星期最熱門的科技新聞。如果大家有印象的話，八月時Price就同大家介紹過日本Acoustune的旗艦作品HS2000MX，係佢哋第一款採用「可換式腔體」設計的耳機。有留意開Acoustune的朋友可能都會奇怪市面上唔覺有得試或買呢隻耳機。其實於兩個月前的展覽會上，Acoustune的代表聽咗唔同試聽者的意見之後，決定押後推出日期，並喺音色上作出調整。

呢隻用上日本傳統文化「勝色」(靛藍色)的旗艦耳機最近終於都正式發售。見到新機換上全新的包裝，打開黑色包裝盒之後，見到一個用柏木做的盒，裡面仲有一層傳統和紙包住耳機。呢個日式華麗的包裝，感覺好似拆禮物咁，手工相當精細，亦突顯日本品牌的一絲不苟。而配件就有1條ARS100系列耳機線、便攜盒、4款唔同用料同尺寸合共12對耳膠耳棉。

下載檔案

所有資料非作商業用途，若有內容侵權，請即通知我們移除。

呢隻配備比一般鋁金屬更高強度的「杜拉鋁」（Duralumin）合金腔體耳機，用上最新Myrinx Composite動圈單元。一如這系列的傳統，震膜由醫用級高分子生物材料製成，在上面的發聲圓頂位置用上日本鈹薄膜。這種本來用在高階喇叭高音單元的物料擁有非常強的耐沖擊、耐高溫的特性，除了加強高頻的延伸，連續的大動態亦可應付自如，亦提升了反應速度及控制力，帶來平滑、密集及大動態的線性表現。而Acoustune之後仲會推出唔同音色風格的金屬腔體。成套日本製造的HS2000MX建議零售價$13, 800。。

一直盛傳Apple會有第二場秋季發佈會，終於都有消息了！Apple 宣布將於香港時間 10 月 19 日凌晨 1 時舉行網上發佈會，主題是 Unleashed，預計將發表全新的 M1X或者叫做 M2 的處理器同埋新版 MacBook Pro，而配備 M1X 的 Mac mini 亦有機會亮相。

根據外國傳媒報導，M1X 晶片將有 10 核心 CPU以及16或32核的GPU，相信效能會有不少提升。傳聞話新MacBook Pro會有 14 和 16 吋兩個size，全部採用 mini LED 螢幕，未知會否有120Hz刷新率，而鏡頭則升級至 1080p。至於Touch Bar好大機會被移除，但會提供 HDMI 插口、SD 卡槽和支援 MagSafe。容量方面就由16 + 512GB起。(以上皆是傳聞)

另外相信 macOS 12 Monterey亦都會同步登場。至於傳聞已久的 AirPods 3 就有望現身。想知道發佈會的詳細內容，就要緊貼住我哋Price的消息喇！

除咗Apple 之外，Sony 同 Samsung 都宣佈喺10月舉行網上發佈會。前者會喺香港時間10月26日發表XPERIA系列新產品，網上就暫時未收到消息。有網民就估計同 Pro 系列手機有關。上年2月，Sony 就推出過一部專為拍片人而設的Xperia Pro。而另一邊廂，Samsung發佈會就於香港時間 10 月 20 日晚上 10 點於 YouTube 直播「Galaxy Unpacked Part 2」，但就無透露係咩類型的產品。我哋喺宣傳影片中可以看到多個Samsung app icon，包括相機、Samsung Health、Samsung Music、Samsung Video Library和SmartThings等。

有韓國傳媒報導，Galaxy S21 FE 有機會在發佈會現身，並會在 10 月 29 日上市。有興趣嘅朋友記得留意！嚟緊呢個禮拜仲有一場 Google 發佈會。喺香港時間10月20日凌晨，Google 將會正式發表已經事先張揚的Pixel 6 和 Pixel 6 Pro。除咗呢兩部手機之外，網上亦有人爆料話將有至少4類產品同日登場，估計會有 Pixel Fold 摺機、Nest 智能喇叭、Pixel Watch 智能手錶，亦有人估 Pixel 平板可能會現身。其實Google早前同Samsung合作推出 Galaxy Watch 4，暫時未有手錶預載《WearOS 3》系統。唔知會唔會係Google為推出自家手錶而鋪路喇！

另外最近網上有傳Apple 打算喺明年春季推出第三代嘅 iPhone SE。新機將配備 A15 bionic chip，並支援5G。如果消息屬實，相信新一代嘅 iPhone SE將會成為最平嘅 5G iPhone。消息指 iPhone SE 3外型唔會有太大變化，機身設計會同上代類似，採用 4.7 吋 Retina HD 螢幕，以及保留實體 Home 鍵，可以用到Touch ID﹗另外亦有傳iPhone SE 3會推出新顏色，似乎有好多顏色選擇，唔知大家最鍾意邊隻色呢？

iOS 15 自推出以來出現不少問題。繼早前 iOS 15.0.1 之後，Apple 近日又再推出15.0.2更新，修復大部分用家升級後遇到嘅問題，當中包括用家delete iMessage入面嘅訊息同相之後，相簿入面嘅相片都會連帶消失。另外 MagSafe卡套同AirTag連接唔到「Find my」App，而 CarPlay 就開唔到音訊app或者會喺播放期間斷線。而鑑於早前外國有 Hacker 表示自己成功入侵更新咗 iOS 15 嘅iPhone，並且刪除用戶嘅資料，今次的更新亦都修復呢個保安漏洞，保障返用家嘅私隱同資料。升級了 iOS 15 嘅朋友，就快啲update喇。

MSI 日前推出咗同日本潮牌 Fragment Design 聯乘作Creator Z16 藤原浩聯名限定版。呢部據聞由藤原浩親自操刀設計的Laptop，採用全黑色霧面質感，配搭 CNC 鋁合金一體成型的纖薄機身，加上機面印有好大的閃電logo，賣相簡潔型格。

規格方面，呢部限量版配備Intel 第11代 i9 處理器、NVIDIA GeForce RTX 3060 顯示卡、16吋 QHD+ 165Hz Mini-LED 熒幕、32GB DDR4、1TB PCIe Gen 4 SSD，打機、剪片都可以勝任。香港售價 $27,999，限量3,000部，即日起接受訂購，10月18日正式發售。

繼WF-1000XM4之後，Sony又再有真無線耳機推出喇，不過今次呢隻係入門定位、主打小巧機身的 WF-C500。單邊耳機只是重 5.4g，加埋充電盒都只是重 45.8g，相當輕巧，而機身亦具備了IPX4防水等級。從圖片所見，WF-C500 用上啞面的設計，外形採用圓滑的線條，望落都有幾分WF-1000XM4的影子。除了黑、白色之外，仲有冰綠色和珊瑚橙可以揀。規格方面，配備 5.8mm 驅動單體，搭載 DSEE 數位音質還原技術。官方指可以還原到在壓縮過程中遺失的高音和淡出音效，令到音質更加細緻。另外支援藍牙5.0對應 SBC和AAC編碼，並有 Fast Pair 快速配對功能，可以快速與 Android 裝置配對。而續航力方面，一次充電可以用到10小時，連埋充電盒就有20小時，充電10分鐘就用到1小時喇。售價是$2,990台幣，計返港紙大約$740。至於香港上市日期和確實售價，就要等多陣先知喇。

跟住係Sony相機的消息。有傳新一代無反全片幅相機A7 IV將會喺10月尾發表。不過喺新機未現身之前，佢哋就推出咗一支新的G Master 系列鏡頭FE 70-200mm F2.8 GM OSS II。呢支F2.8恒定大光圈的遠攝變焦鏡頭，最顯著的改變就係鏡身輕咗好多，只有1,045g重，比上代輕29%，亦係目前同級鏡頭裡面最輕的一支。

另外，鏡身置有唔同的對焦控制鍵，例如 iris lock、防震Mode等等。拍攝取景時，就可以隨時調校同埋避免扭錯位。對焦同成像方面，新鏡配備 4 個 Sony 原裝 XD線性摩打，自動對焦速度比上代提高多達 4 倍，而且採用兩片非球面鏡片，提供高解析度畫質之餘，亦有助抑制光斑同殘影。再加埋新研發的11 片圓形光圈葉片同大光圈，能夠拍出自然的圓形散景效果。

呢支第二代大光圈遠攝變焦鏡頭，售價係$21,490，即日起接受預訂，11月正式發售。