1
避稅、買房給情婦！35國家元首被爆鉅額資產藏海外「潘朵拉文件」揭露了什麼？【TODAY 看世界】
TODAY 看世界 | 時政類 | Oct 11, 2021
此影片謄本由港女製作
★非作商業用途，本檔案版權歸版權持有人獨有★
國際記者調查聯盟喺十月三號公怖咗「潘朵拉文件」，講白啲就係一批「避稅藏錢嘅爆料名冊」，資料包括富豪權貴透過境外金融系統黎避稅，亦即係將錢搬去「避稅天堂」嘅戶口以避免要交巨額嘅稅款，或者註冊空殼公司瘋狂置產，包括35名前任或現任國家元首，仲有大牌歌手同億萬富豪都捲入其中。到底有邊個被點左名呢？咁同我哋呢啲小老百姓又有咩關係呢？
下載檔案
下載檔案
1
1
所有資料非作商業用途，若有內容侵權，請即通知我們移除。
1
大家好，歡迎收睇范琪斐嘅<<Today看世界>>。國際記者調查聯盟喺2016年就發佈過有名嘅「巴拿馬文件」( The Panama Paper) 揭露巴拿馬嘅律師事務所「莫薩克馮賽卡」( Mossack Fonseca ) 由70年代開始經手嘅境外避稅業務，當時亦都有多國政商名流中箭落馬，仲喺巴基斯坦同冰島引發民怨導致總理落台，2017年公布嘅「天堂文件」( Paradise papers ) 查嘅係百慕達嘅毅伯( Appleby )律師事務所同新加坡盛亞信托 ( Aisaciti Trust )係點樣用信托同空殼公司幫客戶避稅。毅伯嘅客戶之一就係台塑王永慶家族 ( Formosa plastics group )，當時估算王家嘅海外資產係留喺台灣嘅3.4倍。
不過今次嘅「潘朵拉文件」嘅資料來源就唔只一兩間公司啦！今次主要係14間財務金融公司由1996年到2020年嘅email秘密合約等記錄，所以動用左117個國家大概600名記者全球串連查證挖掘，最後發現呢啲公司開嘅私人帳戶加埋將近有三萬個。開戶口嘅人當中有130人名列福布斯富豪榜 ( Forbes )，各國政要就有330個。
1
1
-避稅唔一定等於逃稅 但將錢放海外存更多-
有人可能會話貧窮真係限制咗我嘅想像，錢擺喺銀行就得啦點解要用到避稅天堂呢？今日如果你係一般嘅上班族，人工固定扣晒日常嘅開支將剩低嘅錢放入銀行，每年攞到嘅扣稅單交稅金額大概差唔多，但如果你突然間中咗六合彩攞到五億，投資創業又好成功每年賺十億，咁你要交嘅說就可觀啦！所以點樣先可以唔交咁多稅呢？呢個時候就會有人建議你去海外開個戶口註冊一間公司，本地嘅銀行戶口留返幾千萬夠用就得，其他錢全部都搬晒海外。呢啲地方就叫避稅天堂，專門做隱形版嘅豬仔錢甖，客戶資料保護得非常好。空殼公司負責人亦都可以用錢買個人頭，令各國政府好難查到去當事人身上。但當然唔係免費啦！避稅天堂會定期向有錢人收管理費，當係當地政府收入嘅一部份。
潘朵拉文件將幫手處理財務嘅公司同客戶都列晒出嚟，其中嘅大人物包括約旦國王阿布杜拉二世，過去十幾年來美國援助約旦數十億美元，結果文件中指出國王將至少一億美元轉到空殼戶口之後喺美國、英國等多個地方買豪宅。約旦皇室回應國王做嘅一切都合法，仲指控文件將資產地址寫出嚟可能會危及皇室成員嘅人身安全，另外仲有俄羅斯總統普京嘅情婦，報道指出佢喺2003年生咗個女無耐之後，就突然透過空殼公司買咗位於摩洛哥嘅豪宅。除此之外，英國前首相布萊爾、香港前特首董建華、梁振英都喺名單上，最尷尬嘅應該係巴基斯坦總理伊姆蘭汗，佢嘅前任就係因為巴拿馬文件落台，當時佢仲帶頭抗議結果今次被爆出身邊嘅幕僚擁有空殼公司同幾百萬美元嘅信托。至於娛樂圈歌手Shakira、名模Claudia Schiffer亦都有份，不過所有嘅報道都特別指出避稅唔代表逃稅，目前名單裏面嘅人都冇被控違法，只係社會觀感唔好姐。
1
1
-地方稅制大不同 美國都成為避稅天堂-
呢份報道同時亦都令美國政府好尷尬，參與調查嘅<< 華爾街郵報>>指出美國政府經常譴責避稅天堂嘅客戶背景審查唔周全、交易唔透明，結果比潘朵拉文件打臉。因為好似阿拉斯加、內華達、藍達科塔等稅務發或者境外資金規範寬鬆嘅州，都係外國人嘅避税好去處。全美國至少有206個信托公司喺度幫境外客戶處理大筆資產，其中30個客戶曾被指控欺詐、違反人權、剝削勞工等。南達科塔州蘇瀑市嘅信托公司就係其中之一，客戶包括哥倫比亞嘅紡織大亨被控同毒品交易有關，仲有多明尼加前副總統嘅屋企人經營嘅製糖公司強行趕走窮人強佔土地來種植製糖農物。
其實911事件後，美國政府係有加強管制境外流入嘅資金，但重點都擺咗喺銀行戶口上面，查清楚喺美國開戶口嘅外國人係咪同恐怖組織有關，但係信托公司就一直被忽略。但各國政府要查自己嘅國民係咪透過境外金融系統避稅或者逃稅其實並唔容易，因為各國嘅稅制唔同而且避稅天堂就係比有錢人用錢買私隱，目前比較可以防範嘅系統有OECD啲制定嘅「共同申報準則」（CRS），台灣係2019年啟動CRS，即係台灣嘅銀行會調查有邊啲外國人喺台灣開戶口並定期向財政部報告，財政部再同簽有雙邊協議嘅夥伴國交換資料，咁樣就知道邊啲人係兩個國家都有戶口，存款有幾多同應該交幾多稅。目前台灣嘅夥計國有日本、澳洲同英國，未來可能同歐盟亦都會簽定協議，不過CRS只可以查金融戶口，如果係外國嘅房地產、珠寶、同藝術品就查唔到啦！另外台灣同美國都簽咗美國嘅<海外帳戶稅收遵循法> ( FATCA ) 內容就包括跨政府協議，用嚟交換美國人喺台灣嘅帳戶資料俾美國嘅國稅局。
好多人都會話避稅呢件事就係有錢人同政府玩捉迷藏，關我哋呢啲小老百姓咩事？咁你就錯啦！
1
1
第一，政府嘅稅收大大減少，根據國際貨幣基金嘅統計，避稅天堂令企業每年可以避左五千至六千億億美元嘅稅款，今次潘朵拉文件嘅一班富豪係避稅天堂嘅錢加埋至少有32兆美金，比2020年美國嘅GDP仲要多。而且仲未包括佢哋透過空殼公司買嘅房地產、藝術品同珠寶等，呢啲資產如果按各國嘅稅制申報一定好可觀！稅收係國家嘅經費來源，政府嘅稅收減少會直接影響公共服務例如修路、公立醫療嘅品質。
第二，好多時候收重稅係為咗改變企業做生意嘅模式，例如要求碳排放量大嘅企業交「排放稅」就係要令企業減少污染。但如果有避稅嘅方法呢啲企業仲會改咩？
第三，加劇貧富懸殊。大家諗吓係咪只有有錢人先可以請最好嘅律師黎搵漏洞避稅呢？所以咁樣公平咩？好多人會話我自己搵得多錢係因為我嘅能力強，呢點無錯。但係大家唔好忘記你可以搵咁多錢可能係有火車、有電網你先可以運貨，國家提供教育你先有資質好嘅員工，社會治安好你先可以做生意，所以呢啲都唔係你一個人一間企業可以做到嘅。
我認為會有潘朵拉呢啲文件嘅出現而且受到咁大嘅支持，表示好多人對現今呢個全球化同資本主義嘅運作方式所造成嘅貧富懸殊好反感，再唔改遲早就出大事啦！今日特別感謝邱達生嘅協助，范琪斐嘅<<Today看世界>> 天天為你精選一則國際話題，帶你快速秒懂世界大事！我哋聽日見！
1
牆內能夠接觸外間資訊的渠道寥寥可數，Youtube 機頂盒為每星期從 Youtube 上挑選不同種類的專題影片並製作成謄本、印刷成信件的長期計劃。
其他最新謄本
💥腦筋急轉彎2片尾解析＋12大彩蛋｜小彬彬竟然出現？霹靂包原型？AC113？留言抽官方贈品
那些電影教我的事 Lessons from Movies | 電影類
💥戰勝阿焦大作戰！腦筋急轉彎2最強指南｜4招把阿焦變成神隊友｜劇透｜Inside Out 2｜留言抽好書
那些電影教我的事 Lessons from Movies | 電影類
💥腦筋急轉彎2無雷解析｜小心你的情緒內戰！5招搞懂你的腦｜留言抽好書｜Inside Out 2
那些電影教我的事 Lessons from Movies | 電影類
#MM｜返工成日聽到「一代不如一代」 係源於心理偏見？社會學分析不同年代人特徵 點解00後會衝擊職場生態？｜#Pantry有嘢斟 #4K
Mill MILK | 心理類
#MM｜00後擲廿萬創業開韓式自拍館 半年回本開分店 月打4份工返茶餐廳做樓面 拍Reels過900萬觀看次數 00後鍾意創業搵滿足感 抗拒朝9晚5？｜#700萬種生活 #4K
Mill MILK | 社文類
0