如何用色彩與光線說故事？| 電影藝術的視覺心理學（下集）

首先睇吓單色調經典電影 Matrix <駭客任務>，導演刻意揀咗綠色來反映主角Neo主處嘅世界其實係由二進位程式碼組成，當主角逃離母體嚟到真實世界之後成個色調就變咗藍色，呢種藍綠二分嘅配色可以幫助觀眾知道畫面切換嘅時候故事係發生係邊一個世界。喺呢部電視上面我哋可以見到色調嘅轉變非常鮮明，同時呢部電視都支援4K HDR 10+嘅藍光光碟，HDR成像技術會依照各個場景嘅曝光度黎優化影像，等你喺觀賞特技場景嘅時候可以發現以往無注意到嘅好多影像細節。

跟住，等我哋再睇吓相似式電影 Moonlight <月光下的藍色男孩>嘅畫面效果係點，喺電影中攝影師刻意揀咗青、紫、藍三種相似色，對應主角由兒童、青年到成人嘅三個成長階段。因為呢三種顏色比較相近喺一般電視上面睇唔到好明顯嘅分別，但係喺呢部電視上面你可以見到好飽滿嘅色彩對比，等觀眾可以隨着導演嘅色調美學進入主角嘅內心世界。如果你覺得顏色飽和度唔夠高嘅話，亦都可以自己調整各種顯示模式。

最後等我哋睇吓互補色嘅電影，入圍2019年奧斯卡最佳攝影獎嘅 Joker <小丑>，喺呢場打開雪櫃嘅場景入邊攝影師刻意揀咗橙色同藍色嘅對比，將背景設定做暖色可以令雪櫃裏面嘅藍色睇起嚟更加冰冷，更加放大左主角同外面世界嘅距離。同樣嘅顏色對比亦都出現喺突顯高譚市 (Gotham city) 貧富懸殊嘅呢一幕，喺外面嘅示威群眾俾冰冷嘅藍色籠罩抗議住逐漸崩壞嘅高譚市，但係喺劇院裏面嘅有錢人就置身事外，活喺溫暖嘅橙色溫室裏面。

無論係單色、相似色、互補色，呢部電視嘅色彩表現都非常優異，但係佢嘅亮度同對比度又係咪同顏色表現一樣咁好呢？Panasonic搵咗荷里活嘅電影調色師合作打做咗HCX Pro智慧型處理器 ( Intelligent Processor ) ，專門優化4K電影裏面嘅兩度同對比度，等你喺屋企就可以享受到戲院嘅影像質素。

而家等我哋用奧斯卡攝影獎得主 Rogers Deakins嘅作品實測一下佢嘅亮度同對比度表現。喺007 Skyfall <007空降危機>嘅呢場火焰爆破戲入邊，Roger喺荷蘭畫家波爾嘅畫作裏面得到靈感，將大火吞噬嘅橙紅色作為背景光源，再利用背光效果凸顯出身處於危險嘅主角黎呈現出一種末世嘅美感。同樣嘅光影效果亦都出現喺 <1917> 主角躲避敵軍攻擊嘅火光場景中，喺呢部電視上面我哋連瓦礫碎片嘅細節都可以好清晰咁見到。整體光線亦唔會有過度曝光或者曝光不足嘅問題，但係如果你都係覺得睇起嚟太光或者太啱，你亦都可以選擇製片人模式 ( Filmmaker mode)，呢個係由電子公司同電影導演一齊研發出嚟嘅新技術，可以自動調整影像。喺任何觀看環境都可以真實重現製片人嘅創作意圖。

最後等我哋再睇吓Blade Runner 2049 <銀翼殺手2049>入邊最靚嘅呢一幕兩位主角喺雪地嘅場景，一般電視睇到呢段畫面嘅時候都會有太暗、曝光不足嘅問題，所以睇起上嚟畫面就好似懵查查咁。但係喺呢部電視上面你可以見到雪景入邊嘅白色冇任何嘅偏差。

如果你係鍾意荷李活大片嘅觀眾嘅話，呢部電視絕對係你睇片追劇嘅必備好物！佢同時亦都內置左Android TV同各大影音平台Netflix、Google Play、Amazon Prime、YouTube，只要禁下個遙控掣就可以喺各個平台欣賞到你想睇嘅劇，另外佢亦都支援Dolby Vision優化影像色彩、對比度同亮度，等你觀賞到最佳畫質嘅影片。如果你唔係成日睇戲又唔鍾意追劇，呢部電視亦都可以連接Xbox、Play Station同Switch，並且可以用電視遙控選擇遊戲模式來減少畫面嘅輸入延遲，等你可以同遊戲世界合二為一。

居家防疫左咁耐係咪好悶呢？而家就試吓呢部電視，等你喺屋企都可以體驗到戲院級數嘅時光享受，感受每部電影嘅配色、燈光、攝影、音樂，探索每個導演同攝影師獨特嘅電影美學。如果想知多啲關於呢部電視嘅資訊亦都可以喺官方網站搵到。