3/9《國家級任務》調教東女郎

Meko ：係呀！
東方昇：好咁你乖乖哋坐低先，係喇坐低先。拎出嚟！（有人拎啲膠紙出嚟）
Meko ：要綁住我㗎原來？
東方昇：A~唔使驚唔使驚。
Meko：可唔可以唔好掂到我隻手唔該。

東方昇：呀哈哈！今日呢其實我哋賣呢個廣告就係日本一個好受歡迎嘅面膜Barrier Repair。咁佢呢就話畀我哋聽呢，原來我哋日常生活中所有嘅螢光幕呢都會釋放一啲藍光嘅，同埋佢哋呢係好毒，係會損害我哋嘅皮膚嘅，所以今日其實搵你嚟呢係做一個實測，咁你未來個三個鐘頭呢，我將會叫你對住啲螢光幕，睇吓啲藍光對你嘅皮膚損害有幾大嘅。咁有廣告拍開唔開心呀？
Meko：好開心呀....
東方昇：係咪呀？好即刻開始！
（開場：國家終於有任務畀我喇！）

東方昇：咁我哋第一樣攞嚟播放喺螢光幕嘅係乜嘢呢，就係...登登登登就係手機喇。咁我哋會播嘅片係咩片呢，你呀....有東女郎唔做做花女郎呀，好鍾意花姐呀嘛。好，我哋就會播啲花姐嘅片段！丫！！！
（推啲手機去Meko前面）
東方昇：而家四個mon對住你係咪好恐怖呢？好！熄燈！呀！見唔見到呀！嗰啲藍光開始侵蝕你啲皮膚呀，哈哈哈哈哈！嗱而家大家平心靜氣我就問你點解參加全民造星4？
Meko：你掹哂我啲牙出嚟我都唔會講㗎喇！
東方昇：快啲講啦！點解呀！

Meko：玩㗎咋。
東方昇：咩話？
Meko：玩。
東方昇：啫係你玩呀花姐？
Meko：玩你。
東方昇：咁你參加東女郎係咪玩呀？
Meko：係呀。
東方昇：都係玩？咁你點解唔拍亞姐呀？
（靜咗一陣）

Meko：咁而家去喇好無呀？
東方昇：咩呀？好...好呀。喂咁點解唔講畀公司聽呢？
Meko：入咗先講丫嘛！未入講咩啫！
東方昇：咩話？入咗先講？
Meko：呀！你啲口水呀！

東方昇：你而家係食兩家茶禮喎！
Meko：都未食！！！準備食咋嘛！
東方昇：咩話！？未食！？你而家係一腳踏兩船，諗住溝咗你先同現任講我有個新男朋友咁樣樣呀？
Meko：係呀。
東方昇：嘩你真係，你啲女人真係，抵你而家受罰㗎，你呢個鐘慢慢睇飽佢。
（Meko睇片中）

東方昇：點呀曬咗一個鐘頭螢光幕喇喎，好開番燈先。分享吓感受呀，有無啲皮膚有啲刺痛嗰啲呀？
Meko：有呀隻眼爭刺痛呀。
東方昇：係咪呀。使唔使搵啲嘢保護吓你雙眼睛呀？唉攞啲嘢出嚟保護佢眼睛！
Meko：唔使喇唔使喇。
東方昇：陣間再嚟嗰時我攞兩隻匙羹，幫你CUP喺嗰個眼度呀好無呀？（將兩隻匙羹放入口）
Meko：唔使喇～
（兩人大笑）

東方昇：好喇，接住落嚟呢我會問你一條問題，如果你答錯嘅話呢我就會將行動升級。伺問題就係，花姐個真名究竟係乜....
Meko：黃慧君！！！
（東方昇忍笑）
Meko：啱呀唔使諗喇。你以為我錯係咪呀，呀？想塞隻匙羹落我隻眼度呀，呀？
東方昇：錯！！！！（惱羞成怒）花姐....你...你...我想問呢就係....唔得喎佢真係啱（跌落地下）
（恥笑的聲音）
Meko：死啦你（踢東方昇一腳）你啲問題有質素少少啦！咁簡單都問。
（東方昇咬住兩隻匙暴走中）

東方昇：都要行動升級呀！
Meko：答啱升咩級呀！
東方昇：（掉兩隻匙羹落地，地板HP-10)答啱都要升級呀！
（口水匙羹彈到Meko）
東方昇：攞個儀器入嚟。
Meko：救命呀！！！！
東方昇：快啲快啲！！
Meko：答啱都要升級？！

東方昇：第二個裝置就係呢個IPad喇，嗱三個360度無死角將啲藍光射落你塊面度（其實得180度，數學唔好，唔好意思）
Meko：嘩好污糟呀我想講呢個轆，全部都係塵嚟㗎，有無搞錯呀係咪無資源到咁呀你哋。
東方昇：係呀我知道你有潔癖㗎嘛，咁我哋就會播一啲面部好污糟嘅片。
（Meko睇緊唧暗瘡嘅片）

東方昇：喂咁你平時咁有潔癖呀，咁你平時唧暗瘡點唧呀？
Meko：....平時我唔唧暗瘡㗎喎。
東方昇：咩話你唔唧暗瘡？
Meko：緊係啦唧嚟做咩呀。
東方昇：咁你皮膚咪好污糟，好多黑頭呀粉刺。
Meko：邊個話暗瘡要唧㗎。
東方昇：暗瘡緊係要唧㗎啦，唔係咩？
Meko：唔係呀，呢啲愈唧嘅話個傷口愈大愈感染㗎會。

東方昇：無㗎咩？
Meko：有無常識㗎你。
東方昇：係呀好似係，我知呀。但係點解你啲皮膚都係咁差嘅？
Meko：er....我無得解釋㗎，都唔係好差咋嘛！！
東方昇：因為你對得Mon多呀，啲藍光侵害你皮膚呀。熄燈！
（Meko睇片中）
東方昇：好！開番燈！我見你好似睇得好歡樂咁樣喎（Meko點頭）好享受你完全唔驚喎。
Meko：唔係呀驚呀。
東方昇：你唔驚喎。

Meko：唔係呀驚呀，唔使升級呀，呢獲夠喇，好驚呀。
東方昇：所以我決定再問你問題，令你行動升級。嗱除咗藍光之外，空氣中嘅污染物好似汽車排出嘅廢氣同PM2.5懸浮粒子呢都會令肌膚嘅屏障功能受損㗎喎。仲有一樣嘢係咩呢？
Meko：塵埃！飛沫！懸浮粒子！
東方昇：嘩！好驚你答啱呀！我畀多一個答案你，淨係可以答多次。快啲三！二！
Meko：霧...霾。

東方昇：係戴口罩呀。因為戴口罩會令到皮膚乾燥暗啞毛孔粗大堵塞甚至造成發炎㗎。（掉紙落地下，地下HP-50)好！拎出嚟！！！行動升級！！！登登登！就係電視機喇最尾，而我要播嘅片係咩呢，頭先呢，你睇咗花姐喇，而家呢，我要播國家級任務令你洗番腦，重新愛上我東方昇！呢個就係國家級任務在loop加長版一個鐘。咁你慢慢嘆喇知唔知，好！熄燈！
（大家好呀！大家好呀！大家好呀！大家好呀！..............無限loop)

東方昇：好！開燈！好拎走埋部電視，我都聽到好煩呀，走走走走走走走。點呀，聽完一個鐘之後有咩感受呀，係咪洗曬腦呀已經。
Meko：我好似仲聽緊大家好呀而家。
東方昇：係咪呀，好喇最後呢，都會再問你一條問題嘅，個問題就係，出年全民造星5你仲會唔會參加呢？如果你答錯咗嘅話呢，咁個罰呢就係我會幫你落妝嘅，答啱嘅話呢我會錫你一啖嘅。（Meko心諗不如一槍打死我）好！出年全民造星你仲會唔會參加？

Meko：我唔參加喇唔參加喇。
東方昇：答啱呀！緊係唔參加啦仲參加咩，答啱我要錫你喎咁樣。
（NANI~~~)
東方昇：而家係我唔想錫你呀，所以我係咪都話你答錯㗎喇。
Meko：唉...落妝喇落妝喇。
東方昇：個懲罰呢我係會幫你落妝嘅。

（過場）
東方昇：好準備落妝！因為你潔癖呀，我洗咗手㗎喇x2（其實無）。你有無曾經畀人掂過你塊面㗎？
Meko：無呀。
東方昇：無呀嘛，好跟住嚟喇，咁就幫你落妝喇。（暴力落妝法）咁你都都唔係好潔癖啫其實，你都唔係好驚呀。
Meko：我無得....say no㗎！！！！
東方昇：A...落咗妝喇，睇吓頭先嗰啲藍光對你嘅皮膚有幾大影響先。
（月球表面圖片+太空人喺太空仆親）

東方昇：嘩啲毛孔粗到呢，不過老實講呢，其實頭先嗰個實測呢其實係無咩意義嘅，因為藍光對皮膚嘅損害都唔偽頭先嗰三個鐘㗎，係日積月累㗎，所以你呢個毛孔嘅粗大呢，就係你咁多年嚟睇手機呀，睇Mon嘅影響嚟㗎。A~不過唔緊要，嗱我東方昇唔係一個衰人嚟嘅，我會幫你搞搞佢。好彩我哋有呢個Barrier Repair抗污染毛孔修護面膜，咁就有兩款嘅，分別就有呢個乾燥肌膚用，就係針對毛孔粗大。而呢個呢就係暗瘡性肌膚用，就係針對毛孔堵塞嘅。咁呀你就用呢個粗大啦，我就用堵塞啦。咁我幫你敷面膜啦喇，係咪好榮幸呢？
Meko：自己嚟都得。
東方昇：唔得，我幫你我幫你。我服侍你我服侍你。

（東方昇打開面膜，敷落Meko度）
東方昇：搞掂，我自己都整番塊先。
（東方昇幫自己敷面膜）
（兩個一齊喺度敷面膜）
迷之聲：你而家成個坤哥咁款喎（因為東方昇個眼鏡起霧），開始有功效喇。（恥笑聲）

（過咗一段時間）
東方昇：喂醒呀醒呀，我哋拍緊廣告㗎嘛，做乜瞓著㗎啫，喂快啲，照住佢讀嗰個product message，攞住攞住。（遞咗疊紙畀meko）
Meko：日本BB Mask Barrier Repair「抗污染毛孔修護面膜」，唔單止可以修補藍光對皮膚作出嘅損害，採用植物性抗污染科研配方，修復受污染物損害而引致嘅毛孔問題。
東方昇：好喇咁我哋繼續瞓喇，瞓多5分鐘就OK喇，睇吓個效果點樣啦。

（過咗一段時間）
東方昇：唉敷完喇，可以摵面膜喇。
（一齊幫自己同Meko摵咗塊面膜）
（舒服的聲音）
東方昇：Woo~~~~Pump Pump~好水潤呀~好舒服呀~好睇吓你敷完Mask嘅成果先。
（近鏡Meko，有花盛開嘅畫面，蕃茄出汁嘅畫面，有女人跳舞嘅畫面）

（Before After Meko塊面）
東方昇：嘩啲皮膚水潤到呢，啲毛孔介細緻咗添呀，犀利犀利犀利。嗱其實我老實同你講呀，你知唔知點解你入唔到全呢造星4？
Meko：唔知呀。
東方昇：係因為你啲皮膚太差呀。嗱由今日開始，呢一年入面你日日敷呢個Mask，我肯定你嘅皮膚會好咗好多，到時全呢造星5你攞硬冠軍呀。咁呀大家記住去買喇，好今日時間差唔多，ByeBye！！放工！！！
Meko：放工！！！（由啲膠紙中掙扎離開）
（下集見）