東方昇慘遭鞭打！Dickson終於露出真面目？！2/9《圍爐取戀》- SM女王様の教室

東方昇：我哋歡迎Ziggy！！
Ziggy：大家好～各位主持好～
東方昇：不如你介紹吓自己吖
Ziggy：大家好，咁我就做咗調教女王大概係三年嘅時間啦，我覺得香港好多人呢，其實連SM係咩都唔知嘅。
東方昇：係囉，係咩呢？我哋就覺得係，一個鞭人，一個畀人鞭囉。
Kneta：打人嘅
東方昇：就係咁簡單喇大家覺得
──SM（Sadomasochism）：虐待與受虐──
Ziggy：，咁S係一個施虐者啦，咁M呢，大家成日講M男M女，就係鍾意被虐啦，咁可以係肉體上面，亦可以呢純粹係心靈方面嘅，有啲人好鍾意廿四個鐘頭都要畀人控制。
東方昇：即係其實唔一定係性嘅，有啲人鍾意做上把下把，其實就都係SM嘅一種嚟嘅。
Ziggy：係喇
──解開SM之謎＃1，SM唔只涉及性，關係上都可以有──
東方昇：哎～咁我想問一個問題，香港人係咪鍾意玩SM呢？因為壓力大呀，畀老細成日鞭打我哋，壓榨我哋，咁其實係咪嗰啲情緒會係SM嗰度宣泄出嚟呢？
Ziggy：都係嫁，同埋我覺得呢，其實每個人都有S同M嘅。

專家Dickson：定係你有冇見過反差好大嘅人呢？
Ziggy：都有嫁，都有嫁，有啲人可能係職位上比較高啦，或者成日管住人嘅，過嚟就畀我管囉。
眾：哦～
──解開SM之謎＃2，表面同內裡可以有好大反差──
利君牙：（問東方昇）即係其實你係咪有機會係M底黎嫁喎
東方昇：係呀！
利君牙：睇得出喎佢依家呢個樣！
Tom：佢係一隻小貓咪～
東方昇：其實我係呀～唔講畀大家聽。
Ziggy：通常啲人係兩極嘅，越表面上，嘩～好似成隻獅子咁呢，可能內裏其實係想做一隻綿羊嘅。
東方昇：唔係，多數嗰啲老細呢，係公司成日係度壓榨啲員工呢，返去咪畀佢老婆管囉！（問利君牙）有冇呢？你有冇呢？
利君牙：其實我先係真正嘅女王！！
眾：哈哈哈哈
Kneta：我想問啦，譬如我如果想入門先啦，咁但係我要點樣去發掘自己呢一面出嚟呢？
Ziggy：首先其實好多心理測驗嘅，同埋其實要嘗試先嘅，譬如好似今日咁拎畀你哋試滴蠟，咁你試咗咪知自己鍾唔鍾意囉。
Kneta：哦……
東方昇：咁你遇過最奇怪，搵你去調教嘅係咩經歷呢？
Ziggy：有啲男人，佢話佢現實生活鍾意女人嘅，佢想畀我控制到佢鍾意男人，同埋同男人……(拍手三下)
東方昇：哦～
利君牙：咁你咪要搵多個男人……
Tom：我可以做自願嫁！我可以自願嫁！
眾：哈哈哈哈哈
利君牙：其實我覺得SM呢……好似演員呀有少少。
東方昇：即係角色嚟嘅？
利君牙：係呀！因為有哂場景、有哂道具、有哂對白咁樣。
Ziggy：係呀，其實要入戲嫁我哋SM。
利君牙：唔笑好難嫁喎其實……會唔會？
東方昇：佢太短咪笑囉
利君牙：哈哈哈哈
Ziggy：啲人係有時想我哋嘲笑佢地嫁
Kneta：哦！即係M底。
Ziggy：從嘲笑佢哋得到快感。即係譬如佢細，唔緊要，我哋更加要嘲笑。
東方昇：嘩……
利君牙：（指向東方昇）佢即刻靜咗！！
Ziggy：你係咪好想我哋嘲笑你！！！
東方昇：（心虛）
Tom：其實呢都發現，身邊朋友都可能會有狗奴嘅出現呀，真係笠住個頭套之後，佢就唔係自己喇，佢係一隻好乖嘅狗仔咁樣。
Ziggy：係呀，即係代入咗自己係一個寵物嘅角色囉。
Tom：係喇
Ziggy：咁直程我個調教室裏面，有個狗籠呢就專門放啲狗入去嘅。
東方昇：九龍？Kowloon？（冷場……）
Kneta：係真狗嗰啲？
Ziggy：Er狗嘅籠，係呀，咁佢哋就要扮狗叫嫁嘛，首先你要跪低，扮狗叫先，跟住之後我就攞個狗繩咁樣，拖佢哋入去個狗籠度囉。
Tom：台灣其實我哋member有啲酒吧直程係，可能有隻狗奴係度，然之後畀你任摸咁樣嘅，即係好多特別主題嘅酒吧去玩，但係有好多新鮮嘅事，你可以吸收更加多嘅嘢囉。

Ziggy：其實如果唔係疫情呢，好多人都會鍾意係海外，係日本嗰啲玩SM嘅，即係我去到海外，一嚟，我個人又放鬆啦，二嚟，嗰個人又唔知我乜水啦，三嚟，可能嗰個人更加講埋日文，就更加興奮啦，咁鍾意去日本玩囉。
──解開SM之謎＃3，香港SM愛好者鍾意係日本玩SM──
東方昇：咁日本係咪特別勁呢？我睇片好似好犀利咁喎，係咪特別先進嫁？
利君牙：但係你聽得明嫁咩？
東方昇：唔使聽得明嫁，有身體語言嫁。
Kneta：打咩～打咩～幾句呀得嫁喇。
Tom：Ki摸Ji！
Ziggy：日本就比較專門，譬如佢綁繩可以綁到個人上天花板呀，跟住又倒吊呀。
東方昇：咪蜘蛛俠咁樣？
眾：哈哈哈哈哈
Ziggy：係呀
東方昇：勁到可以搞呢個SM奧運會嫁真係
Ziggy：係呀
眾：哈哈哈哈

東方昇：咁我想問一個問題，因為我哋呢個唔係一個SM的節目啦，我哋係一個關係嘅節目，我會問其實SM係一段關係中，有咩幫助呢你覺得？
Ziggy：Errrr嗱，其實咁講啦，我哋係行內成日講，普通嘅一個性關係，就係一個雲呢拿咁樣，即係雲呢拿就比較淡而無味啦，比較平凡啲啦，咁其實SM就係會加一啲……好似辣椒咁樣，即係你平時食嘢，間唔中加啲辣椒都覺得特別開心。
專家Dickson：（指向東方昇）你最鍾意食辣椒油
東方昇：係呀，係咁落嫁喎──有辣椒就唔會食厭咗。
Ziggy：多啲唔同嘅刺激，唔同嘅制服呀，(望向東方昇)好似你今日咁樣都特別可愛啦。
東方昇：梗係啦，我不嬲都行可愛路線嫁。
Ziggy：係呀，係呀。所以其實玩SM都可以增加一個兩性嘅關係嘅。
東方昇：其實會唔會有啲人係對段關係悶咗，於是希望搵你幫手，就令到佢有啲刺激感呢？
專家Dickson：同埋睇多啲對方嘅另一面
Ziggy：係呀，係呀，其實依家都開放咗嫁喇，譬如可能以前呢有啲狗仔就同我講話「其實原來我鍾意嗰種前列腺刺激嘅，但係我就唔想畀我老婆知」，咁但係而家個年代唔同咗，其實啲人都比較開放咗，即係男仔女仔都唔會暪自己另一半去鍾意呢樣嘢囉。
東方昇：咁我問吓另一面啦，我哋講咗咁多SM好似好好咁啦，有冇啲人係玩到……走火入魔嫁呢？
Ziggy：Errrrrr，其實有某少部份玩SM嘅愛好者呢，其實會有啲情緒病嘅，更加會想透過呢樣嘢去解放自己。
東方昇：最壞你聽過一個咩情況呢？
專家Dickson：有冇試過OD（過度興奮）呀？
東方昇：直程死咗呢？有冇發生過？
Ziggy： 咁如果你睇返幾年前，有個外國人咪話同兩個性工作者玩SM，玩到殺咗佢囉。
眾：吓？
Ziggy：係灣仔嗰度。
Kenta：哦，我記得
東方昇：係香港呀？
Kenta：係呀係呀係呀
東方昇：嘩～
Kenta：唔講嗰棟大廈喇
東方昇：嘩……

利君牙：但係平時玩SM，唔係有嗰啲Safe word嫁咩？
Ziggy：通常你嗌停呢，我就唔會停嘅，因為你嗌停可能已經入戲嫁喇。
Tom：好爽咁樣
Ziggy：(裝爽)停呀！！停呀！！
東方昇：要嗌啲奇怪啲嘅嘢嫁嘛
Ziggy：譬如你要嗌……
東方昇：膠紙咁樣。
Ziggy：膠紙！雪糕！紅燈！咁樣囉。係囉，咁樣先會停。
專家Dickson：咁譬如我聽你講，SM入面有好多嘅遊戲啦咁樣，即係譬如可能狗籠呀啱啱你提到，即係一定要係一個好有信任關係，先會願意畀對方困入狗籠嫁嘛，咁通常大家係點樣去調合嗰個關係？
Ziggy：咁我哋成日講SM要有三樣嘢，要有安全，要冇乜法律風險，同埋要大家互相信任，同埋個私隱度其實高嘅，即係你會……
專家Dickson：即係唔可以爆出去嘅？
Ziggy：係喇！即係你唔好「嘩，會唔會拍咗片之後，你又自己公佈人哋玩SM嗰身份呀」咁樣，所以就係話要嗰個溝通要好清楚囉，即係譬如我講嘅，SM關係唔一定要牽涉話，一個性關係呀，或者插入式關係嘅，咁唔一定嘅，譬如好多男人覺得「吖，你肯做我嘅M女，就一定會可以畀我搞埋嫁啦」，又唔一定嘅，甚至乎有啲女仔係會搵我玩SM，就係覺得「其實我真係鍾意嗰種快感，唔關男女之間事嘅」。
眾：哦～
Ziggy：係喇係喇，即係反而佢哋係驚話「我真係鍾意可能畀人打嗰種快感，但係如果我搵左個男仔呢，可能會牽涉咗佢個性慾」，就會……
東方昇：都係嘅都係嘅，危險咗呀。
Ziggy：係，危險咗。

東方昇：咁樣作為一個，我唔係呢個SM嘅愛好者啦，但係想增進同……
Ziggy：（笑）通常越話自己唔係……
東方昇：另一半嘅情趣，有冇啲入門嘅可以教吓我哋呢？
Ziggy：好呀好呀，你哋依家係咪即刻示範呀？
眾：嚟嚟嚟！
專家Dickson：喂，梗係……你問得就梗係你自己嚟啦！！
東方昇：我同Dickson就示範喇！
Ziggy：你哋兩個示範先。
東方昇：嗱，本來呢我就想鞭打Dickson嘅，但係Dickson就唔想！
專家Dickson：我太孱弱喇。
東方昇：唉，咁算喇，我犠牲自己喇，我畀人鞭打喇，好～咁點呢？
Ziggy：好～首先你要做個主奴儀式先嘅
東方昇：吓，點呀？
Ziggy：(指向東方昇)跪低！
眾：嘩哈哈哈哈！！
專家Dickson：喂，唔係，嗱！
東方昇：跪低？！
專家Dickson：唔係唔係唔係！
東方昇：跪低係得嘅，唔好拉開褲鏈就得喇！
眾：哈哈哈哈
東方昇：跪低跟住點呢？
Ziggy：Errrrrr，「Dickson，你今日可唔可以做我嘅主人呀？」
東方昇：嘩～*#&$*#^@%$，啊@*&$^！！！！(#*$&#*^$#*@# +，好！好！得喇得喇，跟住呢？
Ziggy：跟住就講安全詞喇。咁Dickson問「好啦，你今日就做嘅奴隸啦」
專家Dickson：好啦……咁你……
利君牙：佢哋好似突然間唔識講嘢咁
專家Dickson：咁依家開始玩遊戲喇。有咩遊戲玩呀？
東方昇：係，點呀？
Ziggy：咁你要畀個安全詞佢喇
專家Dickson：你畀個安全詞我
東方昇：我畀個安全詞你呀？羽毛吖。
Ziggy：我增加你嗰個刺激感，咁你可以幫佢戴上呢個眼罩。
東方昇：喂，等等先！點解要戴眼罩呢？
Ziggy：令你睇唔到呢……你更加high！
東方昇：哦～（戴上眼罩）
Kneta：佢依家好驚呀！
東方昇：我個安全詞好簡單嫁咋，Dickson一大力少少呢，我打7佢呀我！
眾：哈哈哈哈
東方昇：我打X7佢呀！
眾：即刻反擊！
Ziggy：(跟東方昇說)叫你趴低，趴低。
專家Dickson：趴低……
東方昇：點趴呀？
Ziggy：成隻狗仔咁呀！係呀！係喇係喇，Dickson可以騎住佢少少，係後面騎住佢。
東方昇：少少咋，唔好頂住我呀搵支野。
眾：哈哈哈哈
專家Dickson：騎住咋！！
Ziggy：咁你攞呢個可以慢慢掃佢喇
專家Dickson：係，呢個呀？
Ziggy：係喇
東方昇：哦～喂，呢啲OK嘅，即係平時情侶間都會吹啲風入去耳仔嗰啲吖嘛。
Ziggy：係喇。有咩敏感位呢？耳仔啦，頸啦，大髀嗰啲，乳頭啦。
Kneta：你掃佢！
東方昇：（怪叫聲）
眾：哈哈哈哈
Ziggy：(對Dickson說)係喇，跟住你叫佢趴低！！你要畀啲惡佢！
專家Dickson：喂，趴低得唔得呀喂？
Ziggy：(對Dickson說)唔係，你要惡啲嫁！你入左戲，你要惡啲嫁喇！
專家Dickson：好！好！好！好！趴低！趴低！
Ziggy：(跟東方昇說)唔係，你趷起個pat pat先
專家Dickson：嘩係～就鞭落去嫁喇？
Ziggy：係喇，咁點樣攞條鞭呢？嗱，我教一教你喇，係喇，咁就可以咁樣，你捉住呢個位，就咁樣打落去。
東方昇：嘩哦！！！！
專家Dickson：嗱，唔係我嚟嫁呢個！
Ziggy：唔係！太細力呢，其實冇感覺嘅。
東方昇：唔怪得之要戴眼罩啦。睇我唔到，冇仇報！
眾：哈哈哈哈
東方昇：但係我想問喇，正常情侶間，咁唔會買呢啲鞭啦，咁可以攞咩代替呢？
Ziggy：Errrrrr，手板都得嘅。
東方昇：哦～手板~OKOKOK
Ziggy：打十下
專家Dickson：打十下？
Ziggy：你自己數出嚟。
東方昇：（又怪叫）
Ziggy：係喇。
專家Dickson：十聲你得唔得呀？
東方昇：得呀得呀得呀
專家Dickson：好啦，十聲啦
東方昇：（被鞭打）啊！唔！哦！啊！啊！我好似畀人嚴刑拷問咁樣。我死都唔講嫁喇！
Ziggy：係喇，可以咁樣代入情境嘅。你之後要呵返佢嫁喎。「你以後仲乖唔乖呀？」咁你呵返佢啦。
專家Dickson：喂，乖唔乖呀？
東方昇：唔乖！！！！（開玩笑）跟住再打十下，乖喇乖喇乖喇。
利君牙：二十大板！
東方昇：即係就係呢啲咁嘅小小嘅……──嘩X──小小嘅嘢
Ziggy：係～
東方昇：就可以玩吓～就安全喇呢啲。
Ziggy：係呀係呀，頭先你開唔開心呀玩嗰時？
東方昇：我覺得係新嘅體驗囉。OK嘅。
專家Dickson：唔係～因為男人啫我係。
東方昇：梗係啦！！！！咁我最後就喇，咁如果大家要玩，最緊要注意啲乜嘢嘅安全呢？即係你有冇啲tips呢？搵個靚啲嘅另一半啦。
專家Dickson：梗係啦
東方昇：呢個一定嫁喇
Kneta：都蒙咗眼啦！
Tom：你唔知邊個嚟，你可以換人嫁嘛。
Ziggy：係喇係喇，記住啦～即係盡量玩還玩，唔好牽涉太多金錢上呀嗰啲，因為有啲人太容易畀人控制喇。
東方昇：明～仲有一個我要講嘅，就唔好同啲fans同埋啲未成年玩，就好似吳亦凡咁樣，咁就X街喇係咪先？千祈唔好呀係咪先！
Ziggy：係喇，要合法年紀
東方昇：係呀！啱呀！咁今日多謝你啦，希望大家玩得安全，令到個關係可以好咗，好！拜拜～

────彩蛋────
東方昇：咁阿Ziggy呢就帶咗支低溫蠟，就畀我哋體驗吓滴蠟。
Ziggy：係～
東方昇：低溫蠟嚟嫁嘛？唔好攞錯喎。
專家Dickson：神台嗰啲嚟嘅
東方昇：Dickson呢就淆底呀，唔敢試呀，無膽匪類。
眾：噓！！！
專家Dickson：本身已經樣衰，仲辣一辣就……
東方昇：好～嚟～
Ziggy：好～點火先
東方昇：點聖火先！
Ziggy：點聖火。
東方昇：呢支咁似嗰啲拜神嗰啲。神台大洋燭。
利君牙：你試下瞇埋眼吖
Tom：瞇埋眼先有嗰種體驗嫁。
東方昇：我要望住呀。
利君牙：你試下瞇埋眼吖
利君牙：瞇埋眼啦！！
專家Dickson：佢好驚嫁其實！
東方昇：我驚呀大佬……
專家Dickson：佢驚呀，哈哈哈
東方昇：喂！一滴好喇！！
Ziggy：嗱，嚟喇。
東方昇：喂！一滴好喇！！
Ziggy：咩感覺？
東方昇：喂，等等先！同普通蠟燭冇分別喎，所以一啲都唔低溫，你哋試吓！你哋試吓，你哋試吓，嗱，同我好多年前煲蠟係一樣嗰啲……係咪呀？
Tom：哦～OK啦。熱熱地囉。
東方昇：係喇，熱熱地
Tom：可能埋啲會更加熱？
Kneta：吓？唔好呀…………
利君牙：（怪叫）嘩！好熱呀！！！
東方昇：所以同真正嘅蠟燭係冇分別嫁。
Ziggy：唔係，呢個低溫蠟燭嚟嘅。
東方昇：你係咪係淘寶買嫁？
眾：哈哈哈哈哈
Ziggy：日本，日本。
專家Dickson：咁高溫嗰啲咪……點呀？
東方昇：咪係囉！！
眾：哈哈哈
東方昇：攤開隻手喇X！
眾：哈哈哈哈哈
利君牙：啱呀啱呀！
專家Dickson：你要你要……你要訓練奴隸咁
Kneta：Feel到～Er，唔係好熱
專家Dickson：咁睇嚟你係最M嫁喎。
Kneta：你試吓吖！
Tom：你試吓
Ziggy：喂喂Dickson嚟吖！
專家Dickson：唔得唔得唔得……
東方昇：你未嗌安全詞之前我哋唔會放過你！
利君牙：你話唔好嘅時候我都唔會畀你唔好嫁！
（混亂)
眾：噓！！
東方昇：拜拜！！！