28/8《圍爐取戀》- 《圍爐dating系列番外篇》A0應該點溝女？

毛記電視 | 娛樂類 | Aug 29, 2021

此影片謄本由HarleyMomo＆串燒製作

★非作商業用途，本檔案版權歸版權持有人獨有★

【片頭】

導演：我哋就收到一個A0小毒毒嘅求救喎，安排咗一個女仔同佢一齊去試吓模擬dating嘅。

Ruby：你可以叫我Ruby…
昊天：我有個朋友都叫Ruby
東方昇：嘩好老套喎！

利君牙：你係有信心嘅？
昊天：冇信心，我係試吓㗎咋。

東方昇：佢係抗拒嘅話呢，就嗌非禮㗎喇。
——————————————————

【正式開始】

全部：大家好～
導演：咁之前呢我哋就收到好多觀眾問我哋幾時會有第二次圍爐dating喎，咁我哋宜家已經籌備緊第二次嘅圍爐dating喇～
全部：好～～
導演：咁喺第二次dating之前呢，我哋就收到一個A0小毒毒嘅求救喎。
利君牙：係，Dickson？
導演：佢就話佢宜家想追一個女仔呀，但係佢完全唔識點同女仔相處，完全冇拍拖嘅經驗，就想上嚟問吓咁多位畀意見佢喎。
東方昇：好呀冇問題呀。
利君牙：等姐姐教吓佢。
導演：不如我哋宜家就請佢出嚟先喇好冇呀？
全部：好～～

下載檔案

所有資料非作商業用途，若有內容侵權，請即通知我們移除。

全部：Hello～～
東方昇：喂你好，點稱呼呀？
昊天：我叫昊天。
東方昇：你都係未拍過拖嘅。
昊天：係呀，從來冇拍過拖㗎真係。
東方昇：咁你覺得係咩原因呢？
昊天：咩原因？我諗應該都係唔主動呀個人，即係其實唔係咁容易鍾意人啦一嚟，二嚟真係有對象嘅時候，其實都唔會主動去出擊，即係比較被動囉個人。
利君牙：咁你鍾意過幾多個女仔呀？
昊天：其實數真係鍾意嘅其實得一個。
Kneta：咁我又想知你多唔多同女仔相處先？
昊天：Er都多㗎，以前中學都多㗎。
Kneta：哦即係同學咁樣去相處。咁有冇試過單獨出街先？
昊天：冇。
東方昇：咁你搵我哋求助係想改善啲咩方面呢？
昊天：溝通方面可能要改善吓啦，即係點樣可以主動啲，或者話題上嘅改善咁樣。
東方昇：咁我哋安排咗佢做啲咩，點幫佢呢其實？
導演：我哋今次就衝出呢個錄影廠，安排咗一個女仔同佢一齊，試吓摸擬dating嘅。
東方昇：哦～mock exam mock exam
導演：咁我哋就全天候紀錄咗昊天同呢個女仔嘅相處，咁就想咁多位畀吓意見昊天囉。
全部：好呀～～
東方昇：嗱暫時我同佢溝通啦，佢ok嘅，其實冇問題㗎。咁2所以我想睇吓佢對住女仔係咪真係退步得咁勁。
專家Dickson：但可能有機會太嚴謹㗎。
東方昇：好喇我哋睇睇先。昊天，準備好未呀，我哋宜家公開處決你喇。哈哈哈～～嚟啦。唔係嘅，畀啲意見你啫幫佢。好啦睇吓先～
——————————————————

2021.06.24 尖沙咀某某CAFE
（昊天的Mock Dating在綿密大雨下揭開序幕⋯⋯）
（懷著緊張的心情等待約會對象的到來⋯⋯）
（本次約會目標出現！）

昊天：你好你好。
Ruby：Hello～
昊天：食咗嘢未呀？
Ruby：Er食咗少少。
（東方昇：啲咁靚女嘅女仔唔安排畀Dickson，安排畀昊天嘅點解）

（昊天主動斟水）
昊天：嘩今日落大雨喎。
Ruby：係呀。
昊天：好彩有帶遮啫。睇吓食咩？
Ruby：哦好呀。
昊天：你要唔要搓手液呀？
Ruby：唔使呀，我自己有。
昊天：自我介紹先喇第一次見，我全名叫朱昊天呀，但係人哋叫我昊天，所以你都可以叫我昊天。
Ruby：Er我叫Ruby呀。你可以叫我Ruby。
昊天：好呀Ruby，我有個朋友都叫Ruby呀。
Ruby：哦～
昊天：咦～咁似樣嘅。
（Kneta：有啲尷尬喎）
Ruby：哦～應該唔識嘅。
昊天：都⋯都還好啦。公司啲同事嚟嘅。
Ruby：哦～
——————————————————

Kneta：我覺得有少少拘謹到呢，個女仔都緊張埋一份。
東方昇：Er⋯係。
利君牙：我覺得直頭似見工呀。
Kneta：係呀。
東方昇：啱呀，佢個身體呀，即係你同我哋講嘢好自然㗎嘛，你自然就架起咗咁，好似見工咁樣。
（問題一：太緊張，令人感覺唔自然）
利君牙：同埋你嗰個斟水呀、搓手液呀、開門呀，你爭拉凳㗎咋，你做晒所有，好似太多咁呀。
東方昇：嗱嗱嗱，嗰啲係讚嘅，係好好嘅，係細心嘅。但係你做晒嗰set嘢，仲要叫昊天，我以為你xx金融見工呀。
全部：哈哈哈～～
東方昇：同埋最尾嗰句出事呀，佢問Ruby呀，咁熟嘅，我以為係我識嗰個。嘩好老套喎。
Kneta：你係咪諗住舒緩吓個氣氛？
利君牙：我覺得唔係老套喎，我覺得你同我食飯，做乜講另一個女仔啫。
昊天：嗰刻就係個腦空白咗，跟住就求其噏啲嘢喇。
利君牙：但係覺得可以睇落去，睇吓佢哋傾計傾成點。如果係有趣嘅話，嗰個女仔就會覺得，你都有緊張呀，可愛嘅。
——————————————————

昊天：聽講你追星㗎喎，係咪呀？
Ruby：Er有呀。
昊天：追邊團呀有冇話？
Ruby：Er我最近睇緊Mirror同Error囉。
昊天：哦～我就慘啲，我冇乜點睇。我追開韓國嗰啲女團嘅。
Ruby：Twice嗰啲⋯Blackpink？
昊天：以前係嗰啲囉。宜家就宇宙少女都係。有冇聽過呀？
Ruby：好似冇～
昊天：哦唔緊要，因為都⋯香港都少啲人氣。
Ruby：哦～
昊天：你咩原因會⋯入坑嘅？好好奇。

（東方昇：好似面試）
（Kneta：係呀）

Ruby：你話入Twice？
昊天：唔係⋯入⋯你以前都追Twice㗎咩？
Ruby：Er唔係。韓星有追過一排囉。
昊天：哦～我一開始其實我好介意呢樣嘢㗎，因為好似男仔追星會唔會「啊～變態佬呀」，「Er好毒呀」咁樣。冇呀其實宜家自己鍾意就得㗎啦。
Ruby：都係嘅唔使理嘅。
昊天：幾好嘅，因為自己身邊其實唔係真係咁⋯咁多朋友，主要都係靠呢啲方法去識朋友，一齊有個共同興趣嘛我哋。
——————————————————

專家Dickson：即係你你追星，你本身追開星嘅，其實係冇問題嘅，但係如果你講埋畀佢聽呢，我⋯我係追星嘅，即係我追女團嘅，咁就有啲問題。
東方昇：喂等陣先！！因為好簡單，個女仔都已經講佢自己都追星，其實佢明白呀嘛，你係共同嘅、了解嘅一個point嘛，唔同㗎其實，女仔係唔會咁樣諗嘅。
專家Dickson：係，就算畀人批評我都會堅決係唔同嘅。
東方昇：你歧視啲追星嘅。
利君牙：我覺得有一個大問題，佢係咁講自己嘢。好似唔係好想畀個女仔講嘢咁樣。即係你好似其實對佢冇興趣。
（問題二：講太多自己嘢，欠缺交流）
東方昇：佢首先假作就問作追咩星，跟住你發覺你答唔到嘴，跟住你就開始講你自己想講嘅嘢，就講自己追星嘅嘢，係咪呀？
昊天：係呀，就係咁。我唔知Mirror，我嗰陣時係唔認識呢一團嘅，係喇，跟住所以就諗唔到點樣答落去。
東方昇：好，Dickson，你會點做呢？
專家Dickson：其實我都有機會係開新話題，或者你叫佢去簡介吓囉，話你唔識囉。
（Dickson建議：開新話題或邀請對方簡介）
東方昇：以退為進問佢咪得囉。女仔唔係想聽嘢呀，係想講㗎咋！！係聽佢呀！！不斷blahblahblah。
Kneta：你要聽㗎。
東方昇：然後點頭，嗯！（發出聆聽的聲音）佢好開心㗎喇。
利君牙：係，女仔真係咁真係咁。
Kneta：唔係你下次如果佢講，遲啲Mirror呀Error呀有啲咩咩咩，咁我同你去囉，我都未去過，陪吓你囉咁樣。
（Kneta建議：表現自己有興趣了解對方喜好）
東方昇：鍾意佢啲咩嘢呢，吖係呀，原來係咁㗎，令到佢，佢想要個聆聽者咋嘛女人。
利君牙：係呀，就係呀。咁就覺得好似好care我，同埋對我好有興趣咁樣，女人就係咁簡單。
東方昇：係呀～
Kneta：就係咁簡單。
——————————————————

昊天：你讀心理學讀咩㗎其實？因為我係⋯
Ruby：心理學⋯讀⋯即係⋯一個人嘅行為你點樣去研究佢嘅行為囉，一個你點樣可以predict（預計）一個人會做啲咩呀。
昊天：我宜家咩嘢心情呀？
Ruby：Er我唔識讀心㗎（無奈）。
昊天：哦唔識讀心，我以為⋯
Ruby：讀心理學唔係讀心㗎。
昊天：心理學～咦，咁係咪即係我⋯Read Mind嗰啲呢。
（東方昇：Read Mind）
Ruby：哦～唔係。
昊天：即係都係讀分析人哋嗰啲。
Ruby：即係其實係研究多啲囉比較。即係⋯唔係就咁望一個人我就知你點，而係可能搵好多個人嚟做實驗，然後就去summarise（總結）咗一個結論出嚟咁樣囉。
昊天：嗯～幾好飲喎其實。
——————————————————

全部人：哈哈～～
Kneta：你啲口水呀～
東方昇：明顯嘅
專家Dickson：因為你對佢講嘅嘢完全不感興趣呀
東方昇：但係你表達出，嘩～幾好飲喎～呢個先好笑呀

東方昇：呢個先好笑呀
利君牙：你話咗畀佢聽你完全冇聽佢講任何嘢呀
昊天：唔係咁嘅嗰刻，我聽完之後，(心入面OS)「講咩嘢呢？你究竟講緊乜嘢呢？」，跟住就咁啱又飲緊杯嘢，咁就「杯嘢幾好飲呀」咁樣
利君牙：我覺得你一開始嘗試問佢，即係心理學係咩嘢嚟嘅，呢個係好嘅
（字幕：值得讚主動了解對方擅長嘅嘢）
專家Dickson：你覺得佢係讀呢個科，所以你想好似關心吓佢(呢科)有啲咩嘢，但係原來人哋一講嘢你就講咗第二樣呀
東方昇：唔係呀而佢真係發覺佢唔識心理學呀，而跟住佢就用咗最懶幽默嘅方法。「咦～係咪識得Read Mind呀」
(字幕：問題三．暴露咗自己唔認識嘅嘢
利君牙：唔係咁但係嗰個人唔識咁佢…咁樣講又
東方昇：咁你咪聽咪得！你唔好懶幽默呀嘛有少少。你係咪懶幽默先？
昊天：唔係呀其實我真係有呢個諗法㗎
東方昇：好膚淺呀
利君牙：我想幫佢一句先。即係緊張得滯然後唔知講咩好
昊天：係呀

播片 (第一站．餐廳約會)：
昊天：一陣間我哋會去信和，旺角信和，咁我哋飲埋杯嘢就出發，搭巴士去～
Ruby：好呀好呀
（Deadair~得返昊天飲嘢嘅飲管聲）

東方昇：你好似有啲指令畀佢，「嗱飲完杯嘢，阿女飲完杯嘢我哋行㗎啦我哋去補習㗎喇我哋去」
Kneta：我哋搭巴士x2
（字幕：問題四．指令式交代行程）
東方昇：即係有少少畀指令，所以佢就覺得…佢即刻咁樣
專家Dickson：佢會覺得你只係想做晒啲步驟囉，而唔係真係想同佢溝通咁囉

播片 (第二站．出發去信和)：
（字幕：離開餐廳…正式向約會地點進發！）
Ruby：點行呀？
昊天：我哋咁樣直行轉右有個巴士站
Ruby：哦～好呀
（到咗巴士站排隊）
昊天：我最鍾意坐最尾嗰排
Ruby：竟然
昊天：坐最尾嗰排可以睇晒成車嘅運作㗎
Ruby：不過我同我啲friend係會坐最頭嘅
昊天：哦～我哋就坐最頭啦咁就
Ruby：吓(驚訝)
昊天：就坐最頭啦
Ruby：好～
（上咗巴士上層坐低咗喺最頭）
昊天：熱唔熱呀？(整冷氣出風口）
Ruby：Er…ok呀

專家Dickson：其實嗱你嘅行為係sweet，但係你嘅態度唔細心呀。你好多嘢都係由你自己去出發，但當然我都唔叻啦，咁但係譬如我都可能會問吓，「其實坐巴士你通常坐前面定坐後面多呀？」，等佢嚟答你
東方昇：首先我覺得唔會問呢個問題，呢個問題好巴膠呀，你一問呢個問題，我知你諗咩嘢，因為你覺得有女仔坐巴士同埋坐你隔離，你好緊張，你幻想緊嗰一幕呀嘛，因為你未試過坐咁近距離呀嘛，所以你好緊張一路係度諗究竟坐前面定坐後面好呢，你幻想緊呢樣嘢所以你會問一個咁樣嘅問題
昊天：係呀係呀

播片 (第二站．出發去信和)：
（字幕：短暫嘅車程帶佢哋來到約會第二個環節）
（入咗信和）
昊天：其實我都係第二次嚟呢度
Ruby：真係㗎？
昊天：係呀
Ruby：我仲嚟得多過你喎咁
昊天：哈哈……
（入咗唱片舖）
昊天：邊隻係Mirror呀？
Ruby：Errrr…好似賣晒
昊天：張國榮喎，有冇睇過《英雄本色》呀？
Ruby：有呀～
昊天：宜家播緊嗰首係咩歌？
Ruby：聽唔到
昊天：依個係《路過蜻蜓》，我好鍾意摷啲舊歌出嚟
Ruby：即係呢啲你全部好熟嘅？
昊天：又唔係好熟嘅，但係全部都有…有啲印象咁樣囉。因為我覺得舊歌嗰啲情調呢同埋佢啲歌詞好有意思

東方昇：我覺得ok呀呢個
專家Dickson：我覺得冇問題呀
東方昇：你將你自己擅長嘅嘢同佢分享其實幾好，你見佢聽得好開心呀！佢好似覺得你「咦？叻叻地喎！」想崇拜你呀
利君牙：因為女仔其中一樣嘢都…即係講嘢唔叻都可以鍾意男仔嘅才華嘅
東方昇：係呀～
Kneta：同埋特別啲呀，即係唔係話好主流嗰啲呀
東方昇：即係有深度嘅，鍾意廣東歌就已經值得鍾意啦呢啲男仔

播片 (第三站．出發去飾物店)
Ruby：之前你從來冇拍過拖我？
昊天：冇呀……
Ruby：哦～
昊天：我自己就好少真係鍾意一個人囉
Ruby：哦～
昊天：係呀，真係冇…好講感覺囉，即係唔係淨係睇條件嘅，同埋某程度上係因為追星個問題
Ruby：即係你掛住追星所以冇拍拖？
昊天：yes~掛住追星所以就冇咗嗰個好想好想出pool嗰個衝動
Ruby：係咪即係會想像同啲女idol拍拖嗰啲人？
昊天：其實唔係去到嗰個層次嘅
（專家Dickson：嗱！你睇吓！人哋真係咁諗㗎，唔係我呃你地㗎
利君牙：(笑) sorry）
昊天：我唔知拍拖係點啦我未試過，但係填咗個氹咁囉，填咗個心靈上嘅空虛咁囉，即係唔會想像同佢拍，但係覺得會有人係……
Ruby：即係追星已經好夠唔需要再…
昊天：係喇～

專家Dickson：你哋睇到啦！
東方昇：果然毒男係比較了解毒男
專家Dickson：佢係咁啄住你嗰樣嘢，佢覺得佢好怕佢嗰個伴侶就係追星就夠話「咁我係乜嘢？」佢係咁啄住你，你見唔見到佢就係探討你「呢個人佢會唔會因為追一啲好虛無飄渺嘅嘢而忽略咗佢身邊嘅人呢？」
東方昇：我認同呢個係個女仔會對個男仔又壞印象，但係其實好聰明嘅，心理學嚟講呢，以我溝女嘅經驗啦，盡量同女朋友講啲深入啲嘅嘢其實係對方感覺會好啲，即係好交心啊，佢會覺得你係一個特別嘅人，唔係嗰啲風花雪月講啲好膚淺嘅嘢
利君牙：或者淨係包裝到自己係完美嗰啲
東方昇：係

播片 (第三站．出發去飾物店)
昊天：冇錯啦！搵到啦！喺呢度。
Ruby：(戴個絲巾頭飾上頭)即係咁樣？
店員：係呀係呀
昊天：嘩～幾好睇呀～
Ruby：ok吖
(昊天細心整理，Ruby強顏歡笑)
Ruby：Er…應該OK嘅
昊天：其實幾襯你呀
Ruby：真係㗎？我未試過戴喎其實，ok吖～
昊天：咁樣戴會……深色都幾好睇其實
Ruby：哦～

利君牙：我覺得啱啱嗰個戴頭帶呢，首先你又唔叻啦，你又搶着嚟做啦，根本唔係你嚟嘅，你根本唔識呢樣嘢
Kneta：我嚟講呢…我覺得係太…即係唔係識咗好耐，你唔好掂我咁多，即係女仔有少少…
利君牙：侵入人哋嗰個…
東方昇：但係有啲人話溝女要有少少合適嘅身體接觸
Kneta：但唔係第一日呀嘛！？
利君牙：但係佢好唔浪漫囉嗰嘢，搞咗成粒鐘喎喺度。你係有信心嘅嗰一下？
昊天：冇㗎，試吓㗎咋嗰下，我都唔識㗎其實
東方昇：如果你對住嗰個女仔，你好有信心嘅話呢，係唔介意有呢啲微小、溫柔的身體接觸，要進攻！如果你係感覺到佢係抗拒嘅話呢，唔係好鍾意你就唔好做呢啲嘢啦，就嗌非禮㗎喇哈哈哈

播片 (第五站．送別）
昊天：你都係搭巴士返去？
Ruby：係呀
昊天：識唔識路呀？
Ruby：Err我識呀
昊天：送埋你去搭車～咁今日嘅行程就完成
Ruby：好啊好啊
昊天：咁今日！
Ruby：(驚訝)係
昊天：無論如何，好唔好玩，都玩完啦！哈哈
Ruby：(無言以對)哦～
昊天：多謝你嘥一日同我玩呀！唔好意思第一次唔係咁適應，見諒見諒，可能悶啲
Ruby：都係……
（字幕：約會正式結束）

Kneta：我哋畀佢解畫，點解要咁講先？
昊天：其實即係好似鬆一口氣咁樣，唉，是但啦咁樣，即係鬆一口氣「Err今日就到此完結啦」咁樣
專家Dickson：你依個情況就係咩呢？就係你自己都否定左今日嘅約會喇
Kneta：覺得好差，係囉～
專家Dickson：即係你都話……因為呢個約會唔係淨係你去構成㗎，係你地雙方構成出嚟㗎，你咁樣講其實你某程度上都challenge佢令到件事好悶
昊天：嗯～
東方昇：所以最尾好尷尬
Kneta：好～尷～尬～之後個女仔仲要話「都係嘅……」
東方昇：所以總括而言點呢？
利君牙：總括而言就係我諗佢要學識聽嘢啦，自己又增進一下自己嘅才華啦涉獵下唔同嘅地方啦等你每樣都有得講
（字幕：
給昊天的建議：
1. 學習聆聽
2. 增進各方面知識）
專家Dickson：同埋take care人唔係淨係一個行為，佢係要由你個心出發，即係由個態度出發
Kneta：之後如果想追女仔追得好啲，你試吓同多啲friend去唔同嘅人去出街
（字幕：
給昊天的建議：
3. 嘗試同多啲唔同嘅人出街）
專家Dickson：但係佢應該唔係㗎喇，佢對住鍾意嗰個就…即係又難啲嘅
Kneta：已經好好㗎喇～
東方昇：好好，唔差唔差唔差，好！加油！咁我哋都會繼續搞一系列嘅macthing嘅，咁大家記住繼續報名參加啦，希望我哋幫到你哋啦！好！！幫到你真係好開心呀！拜拜！！