12/8《國家級任務》東方昇靚爆Mirror

(進入店鋪)
東: 嘩~ 呢到真係好靚呀, 我成世人都未去過啲咁高貴嘅地方呀, Reception姐姐同我一齊轉喇, 快啲喇唔駛怕羞呀。
Reception姐姐心諗: 原來真係癲嘅。
東: 總監你好。
LAMBRE HEALTH總監 郭先生: 你好。
東: 嗱我今日嚟嘅目的呢就係變成姜濤咁靚仔, 你話有冇可能?
郭: 呃, 無可能。
東(食指指住郭生): ......老實! 果然無呃人呀。嗱咁樣, 如果係變翻我五六年前呢張相咁靚仔呢, 嗱呢張相就係蘋果照妖鏡照我嘅, 對我都發揮唔到作用。
郭: 咁就冇難度喇。
東: 呀無難度呀? 我信你㗎喇。好! 咁我第一步要做啲咩呢?
郭: 先做個皮膚分析先。
東: 哦!好!即刻去!

(過場動畫)
郭: 將個下巴擺一擺落去先。
東: 好。
郭: (偷笑)
東: 總監, 頭先嗰部皮膚分析機係咪分析到我係一個靚仔呀?
郭: 咁頭先啱啱幫你做咗個分析呢, 就發現你個啲分數呢各項都係非常之低嘅。
東: 吓~唔係呀嘛。
郭: 嗱, 其實佢個數據庫呢, 搵咗一百個同你嘅年齡, 皮膚狀況相近嘅男士去做一個對比喇, 咁你大部分都係排包尾或者尾四咁上下嘅。
東: 係, 都幾好呀, 起碼有三個墊底呀。
郭: 譬如就係有呢個斑喇, 斑我哋都係有分深層班同埋淺層斑。
東: 啫係我如果表面睇係冇乜嘢, 但係嚚啲嘢之後就會浮現。
郭: 你依家雖然得三十幾歲, 但你其實已經有好多老人斑喺個底到。
東: 唔...

字幕(箭咀指向東方昇): 老人昇
郭: 咁另外亦都有嗰個清潔嘅問題喇, 咁亦都係非常之污糟, 好多細菌喺裹面喇。
字幕(箭咀指向東方昇): 老人昇+污糟昇
東: 跟住仲有個, 我見到有個老化嗰個模擬圖吓嘛, 其實呢個我係好驚㗎, 點解呢? 因為呢好多人都話我似錢小豪喇, 以我所知錢小豪已經五六十歲㗎喇。
郭: 你覺得差唔多喇已經?
東: 唔係吖, 我係仲...老過佢呀! 呢個係勁驚呀真係
郭: 咁其實呢啱啱睇返個肌底嘅年齡呢, 你雖然話自己似姜濤啦, 咁就算你似姜濤, 你都係似五十二歲嘅姜濤嘅。
東: 唔...

郭: 點解你會有呢個老化嘅情況出現呢, 最主要就係嗰個飲食嘅習慣, 天氣有時又潮濕呀、好乾呀、太陽都好猛烈呀, 咁呢啲都會令個肌膚老化啦同埋膠原流失。另一個原因呢係因為呀東生你都貴為國際巨昇喇, 作息唔夠呢亦都會加速老化, 咁所以你塊面係會比一般人鬆嘅。
東: 唔... 啫係...正常嘅?
郭: 係...er...(應該點講呢...)可... 可以改善啦。
東: 係係係, 咁咁咁咁咁咁...咁點幫我先而家?
郭: Hi夫靚爆Mirror療程呢, 佢就會幫你做足三個步驟嘅, 咁就包括係拉筋, 去黃美白同埋一個肌底修復療程嚟嘅。坊間嘅提升療程呢, 佢只係針對你一個嘅單一嘅問題。
東: 咁我哋係咪即刻做喇? 好心急呀我而家。

(過場動畫)
東: 醫生你好呀。
醫生: Hello呀東生。
東: 我係第一次做呢啲面部嘅療程㗎, 我嘅第一次就交畀你喇。
醫生: 你嘅幸福交畀我喇。
東: 唔介意我攬住隻公仔嗎?
醫生: 佢係交畀你喇。
東: 我想relax少少呀。
醫生: 冇問題。
東: 好好好, 咁我而家要做啲咩呢?
醫生: 而家首先會喺你個面到呢, 會畫線嘅。
東(指住左邊鼻與上唇之間): 陣間可唔可以幫我點一點喺到, 我想好似陳同佳咁。

醫生: 冇問題就咁話喇。嗱而家會幫你搽少少Jel先, 咁佢係一個超聲波嘅導體, 咁跟住就會照一照塊面嗰啲位有冇邊到鬆弛, 就會定點喺到去開始治療㗎啦。
東: 喔好呀好呀。
東: 醫生呀, 其實呢我近幾年呢啲皮呢真係dum咗好多呀, 其實啫係點解呢?
醫生: 我哋皮膚下面呢有一層嘅嘢呢係啲筋膜嚟嘅, 咁佢會辛同上面啲骨膠原, 好似橡筋咁就拉住你嘅皮膚嘅, 咁所以隨住我哋年紀愈嚟愈大啦, 佢盲會失去彈性, 就會啲皮膚愈嚟愈鬆喇, dum喇, 容易有皺紋咁囉。
東: 咁呢部機嘅原理又係點呢。
醫生: 我可以實時照超聲波係你皮膚下面某一個深度, 定點咁精準加熱, 咁就可以刺激嗰啲膠原再生, 重組咁樣樣, 咁所以其實係可以last到兩年嘅平均。
東: 喔~~雖然唔知你講乜, 但係好似好勁咁喎。其實係有啲吉吉哋嘅感覺嘅, 但係我覺得一啲都唔痛嘅。
醫生: 其實係咩人都適合㗎, 只要你覺得自己係, 鬆、dum、dur, 咁就可以嚟喇。
東: 唔...你唔介意我瞓陣呀嘛?
醫生: 瞓啦。

(片刻之後)
醫生: 東生?東生? 攪掂呢邊面喇。
東: 吓! 攪掂半邊面喇?! 好! 我要即刻睇吓個效果。哇,點解俾塊乒乓波拍我嘅? 呀啊啊啊啊啊啊啊啊! 啊啊啊啊啊啊啊啊啊啊啊啊啊!
字幕: (剪接哥哥耳聾咗)
東: 嘩醫生真係好大分別喎。
東:(扭轉右臉)靚仔, (扭轉左臉)唔靚仔, (扭轉右臉)靚仔, (扭轉左臉)唔靚仔, (扭轉右臉)靚仔, (扭轉左臉)唔靚仔...(撞到醫生)喂你... 等陣先再嚟過。
(NG)
東: (扭轉右臉)靚仔, (扭轉左臉)唔靚仔... 點解咁嘅?
醫生: 因為我哋專業嘅團隊度身為每個客人訂做, 知我哋咩料啦。
東: 唔...咁但係你會幫我做埋另外一面㗎嘛?
醫生: 考慮吓喇。
東: 喂求下你喇, 如果唔係呢, 我以後淨係得呢訪面靚仔㗎啦。
醫生: 好喇嚟喇。
東: 好喇嚟喇。

東: 醫生總監, 我啱啱做完個Hi夫係咪走我㗎喇, 因為我而家急不及待就殺入去老蘭, 戴埋呢頂帽去溝女呀。
郭: 喂咪住咪住, 冷靜啲先, 我哋仲有兩個步驟要做嘅。
東: 喔! 係乜嘢呀?
(白10度嫩夫療程)
郭: 咁首先呢, 第一步去黃白呢, 我哋會有一個白10度嫩夫療程, 去幫你打散啲黑色素喇, 同時抑制返你個色素嘅增生, 咁會令到你成塊面呢都會美白返, 同埋好似敷咗十塊貴價面膜咁。
(肌底修復療程)
郭: 仲有一個肌底修復療程, 我哋會用返一個DermaTX PRO嘅光療專用修復精華去幫你成塊面做一個滋潤喇, 同埋令呢個膠原提升嘅效果會更加理想嘅, 咁到時嘅話你就會變到成個姜濤咁㗎喇。
東: 雖然我仲未見到自己個樣, 但係我已經感受到自己靚仔咗好多喇, 啊啊啊啊啊啊啊啊啊!
(剪接哥哥耳仔聾埋右)

東: 係咪呀海獅仔? (謎之回應)
Before(舊照)
After
東: Oh I say I love you, 只有愛恆久Hi夫。
東: 總監, 我邢家做完呢個療程喇, 我邢家係咪同姜濤餅印一樣呢。
郭: Errrr...真係唔係。
東: 老實! 果然呢間公司唔係呃人嘅, 不過我心知肚明嘅, 如果唔係我做咗呢個療程嘅話呢, 我真係變咗鍾鎮濤呀, 所以真係多謝你。嗱, 各位男男女女, 如果你都想體驗呢個 Hi夫靚爆Mirror療程呢, 就記住click呢條Link喇。嗱各位老公, 如果你唔諗住join呢個療程嘅話呢, 咁你就喺屋企用Facebook開定「我老婆嫁咗比東方昇導致婚姻破裂關注組」啦, 哈哈哈哈哈!