「睡粉絲」早不是第一次！吳亦凡事件中國當局突然大動作嚴查 真正的原因是什麼？【TODAY 看世界】

大家好，我係范琪斐，歡迎收睇范琪斐既<<Today看世界>>，吳亦凡係中國好紅嘅頂流明星(即係網絡人氣最高嘅流量明星)，佢哋出名嘅方式同傳統明星、演員唔同，例如周杰倫出名係因為歌好聽，劉德華、梁朝偉呢啲天王係靠演技吸引大批粉絲，但係流量明星通常冇特別知名嘅代表作，最重要就係以樣貌吸引年輕嘅一群，呢啲粉絲不停幫佢哋like同埋share相關嘅訊息，創造巨大嘅網絡流量同埋知名度，就有廠商爭住送錢上門。

吳亦凡喺2014年離開韓圍EXO去到中國發展，咁岩撞正中國打造流量明星嘅黃金時期，當時微博推出明星勢力磅，一直到而家都仲係用嚟量度流量明星嘅指標，喺醜聞爆發之前吳亦凡嘅排名都好高，而且帶貨能力超強(即係話佢代言或者用過嘅嘢都一定會大賣)佢手上嘅代言超過15個，雖然吳亦凡嘅演技係公認嘅屎，但係只要佢喺劇中露面，粉絲就願意捧場，所以佢嘅片酬都好高。但係喺舊年12月當時18歲嘅網紅都美竹，佢收到一個姓馮既女仔邀請去傾工作，上車之後先知原來係去吳亦凡屋企嘅酒局，本來佢係又驚又喜，但係估唔到被狂罐酒飲到不省人事，醒返先發現已經發生咗關係。吳亦凡仲甜言蜜語咁話會對佢負責任要同佢拍拖，但係三個月蜜月期過咗之後就已讀不回，仲用其他嘅手法呃其他女仔，甚至涉及毒品交易，包括佢在內至少有八名受害者，當中至少有兩個未成年，所以決定喺微博爆料並附上相片同埋轉賬紀錄等等嘅證據。吳亦凡嘅經紀公司仲試圖簽和解協議，但條文裏面暗藏陷阱，想製造一班女仔敲榨勒索偶像嘅假象。

呢次已經唔係吳亦凡第一次被爆出桃色新聞，五年前有一位叫小G娜嘅網友爆料自己嘅男朋友係吳亦凡，並且公開左兩個人嘅床照。當時好多微博名人都幫吳亦凡發聲，其中包括主持人兼製作人馬薇薇。佢喺微博上面話:明星睡粉絲係福利，太親民啦！著名編劇六六就叫爆料嘅女仔返去照下鏡，仲幫吳亦凡抱打不平。

當年吳亦凡嘅演藝事業無受到太大嘅影響，但係今次都美足再次爆出吳亦凡選妃醜聞嘅時候，網友嘅反應完全唔同。網上抨擊吳亦凡嘅聲音越來越大，廠商亦都一一宣布終止代言合作，其中包括Bulgari, Porsche等等國際精品名車品牌。

但係講真，無人覺得警方會認真查辦，但估唔到原本一直話調查緊嘅北京警方突然態度大逆轉。31號上門拉人，第二日微博就將吳亦凡5100幾萬粉絲嘅帳號刪除左，音樂平台亦都將佢嘅歌下架。

曾經同吳亦凡好熟嘅藝人潘瑋柏、林俊傑等等亦都被實名制舉報佢哋吸毒，之後亦都紛紛同吳亦凡保持距離並公開發聲明否認。曾經幫吳亦凡發聲嘅馬薇薇同作家六六喺吳亦凡被捕之後都出嚟道歉，微博賬號亦都刪除。輿論譴責過之後就到官媒出手啦！央視評論指出:任何人跨越底線公然違法就必須接受法律嘅制裁，明星光環、粉絲、外國護照都護不了。環球時報亦都評論：或者吳亦凡認為睡女孩係佢嘅優勢甚至特權，結果佢就喺正呢條線上面炒車。

不過當局點解今次咁重手？紐約時報分析原因可能有三個，第一中國當局越嚟越睇唔慣演藝圈呢班無法無天自以為有特權嘅明星好似范冰冰、鄭爽呢啲大牌藝人，先唔講佢哋恃住陰陽合約逃稅，私生活亦都有問題，公然走去外國搵代理孕媽，仲想掉包小朋友搞到咁大敗壞社會風氣。

第二，國家面前無偶像。唔止要管明星，走火入魔嘅粉絲大軍更要管。好似吳亦凡被捕拘留之後，就有粉絲去到吳亦凡所在嘅派出所等待同埋聚集，並且當街合唱，更有人揚言要劫獄救哥哥，號召微博五千萬粉絲同五百萬解放軍加警察對決，咁樣喺當局眼中根本就係要造反。有網友講笑咁話:吳亦凡嘅粉絲恐怕連之後嘅建國方案都已經商量好，仲有好多好痴線嘅追星行為，例如瘋狂撒錢。喺吳亦凡24歲生日嘅時候，就有粉絲包左報紙嘅成個版面同公車車身擺慶祝生日嘅廣告、以佢嘅名義認養北京日壇公園嘅一片銀杏林、仲有男團粉絲為咗幫團員過生日喺紐約時代廣場、倫敦地鐵站、首爾明洞等等嘅旺區買Banner廣告。

今年五月就有一班粉絲為咗支持選秀節目<<青春有你3>>嘅男團偶像，就買咗大批飲品掃描樽蓋，幫手造勢衝人氣，然後成批飲品倒咗。咁樣將當局四月底先通過實施嘅<<反食品浪費法>>視若無睹，更加唔使講粉絲為咗護主喺網絡上面造謠抹黑互相廝殺嘅亂象啦！

遼寧大學傳播學院嘅講師白玫佳黛就同紐約時報講:當局覺得年輕人就應該用功讀書努力工作，唔好搞撒錢追星呢啲嘢。北京青年報亦都話:中共中央網信辦已經開始大力整頓呢啲畸形嘅追星文化，未成年粉絲集資落廣告同買周邊商品要罰！粉絲互相攻擊、網軍大風向干擾輿論等等行為都要罰！

第三，官方媒體透過整治吳亦凡呢啲有錢有權有勢嘅群組，打造中國共產黨為國為民嘅形象，亦都順便收復民心。

香港大學嘅學者郭婷指出中共高層菁英富可敵國，例如中央政治局常委栗戰書、汪洋嘅仔女等嘅紅二代紅三代嘅海外資產多到嚇死人，好多都喺香港擁有豪宅，仲透過避稅天堂累積左大量嘅財富。當局就扮睇唔到，調查吳亦凡可以轉移注意力，而對中國嘅女權主義來講吳亦凡被捕事件簡直就好似上天跌落嚟嘅禮物一樣，大快人心。

有女權主義者認為呢啲都要歸功於中國嘅Me Too人士過去幾年嘅努力，令女性自主嘅意識逐漸抬頭，所以同2016年嘅小G娜事件相比，當時嘅社會氛圍係檢討受害人，但係今次都未祝事件確實有更加多嘅女性棋出嚟支持都係女性嘅受害者，但咁樣真係代表中國嘅女權運動要蓬勃發展啦咩？

咁又未必，因為我哋之前報道過中國嘅me too行為代表人物周曉弦(弦子)，控告央視主持人朱軍性騷擾嘅案件已經三年都仲未有判決結果，因為朱軍不但係黨員仲係官媒名主持人，同一篇報道中提到嘅前記者何謙係2019年控告鳳凰週刊首席記者鄧飛性侵，竟然係今年一月被杭州互聯網法院裁定證據不足敗訴，要佢賠償超過一萬人民幣嘅賠償金同法律費用比鄧飛，呢啲都反映中國嘅女權仲有一段路要行。

最新嘅消息係，而家有吳亦凡嘅粉絲走去都美竹嘅微博留言話只有佢先可以救到吳亦凡出嚟，粉絲集體同佢道歉仲承認佢係嫂子。咁樣同要性侵受害者嫁俾性侵佢嘅人有咩唔同呢？！今日特別感謝任瑞婷嘅協助，你如果鍾意呢個節目就快啲分享俾更多嘅人睇啦！范琪斐既<<Today看世界>>天天為你精選一則國際話題，帶你快速秒懂世界大事！我哋聽日見！