留港不離開　超級狀元：我用未來說服你　香港年輕人有希望

之前啲人都話體育冇希望，咁而家奧運其實香港歷史性有好多唔同成就出現咗，有好多運動員甚至攞到牌，所以話有冇希望係可以透過未來去推翻。如果你話我哋冇希望嘅話，我會話係希望我哋未來可以用我哋嘅成就或者實力去說服到你，其實我哋唔差囉。

<我用未來說服你 香港年輕人有希望>

我覺得對學業最大嘅影響，學習模式一定係變咗網上為主。係疫情一開始，應該係中五下學期一開始呢，係連學校都未黎得切反應。果陣時就真係完全係迷失嘅狀態，我同啲朋友都唔知點算好。

社會氣氛係一定會有影響嘅，就算疫情或者社會事件都好，整體黎講係處於一個比較低迷嘅狀態。其實如果自己冇好好揾方法去紓壓，如果真係百分百全天候睇新聞，可能自己都會覺得低迷。影響一定有，要睇吓大家調唔調節得到。我自己就可能係見到新聞嘅時候會有啲感受，咁然之後可能個心有啲揦住揦住呀，或者有時可能有啲開心嘅事會興奮咁囉。視乎果啲事，我自己會同身邊嘅人傾吓譏，溝通吓，唔好將好多事屈埋喺個心度咁。我只可以話好慶幸我果班可以齊整，一齊渡過呢三年，一齊畢業囉。