6/8《圍爐取戀》- 我做咗我前度大耳窿

東方昇：太有錢喇，佢唔會問你借錢吓話？OKOKOK
Kneta：我係…會借嘅。同埋我都借過嘅，因為我覺得其實佢啲原因呢，佢一定作到畀你㗎
專家Dickson：嗱，如果一個好誇張好難以置信嘅原因你借唔借？
Tom：「我去叫雞呀，你可唔可以借錢畀我」
Kneta：係真係試過
東方昇：唔係呀話？唔係誇張喎呢個
專家Dickson：係痴線喎！
Kneta：佢唔係借我嗰筆錢去叫雞，但係佢借完我筆錢啦，佢搵咗錢之後呢，佢唔還錢去叫雞
Tom：哈哈哈
東方昇：哦～
Kneta：即係其實等於係我間接借錢畀佢叫雞
東方昇：你都免費啦
專家Dickson：哈哈哈哈，嘩係～
（字幕：Mean精注意）
Tom：嘩！！！！！
專家Dickson：啲咁X街嘅嘢唔好亂講，我哋返返主題
導演：（今日嘅事主呢就係曾經畀佢嘅前度借錢唔還呀，咁一齊嚟聽吓佢點樣追數嘅歷奇經歷喇）
東方昇：嗯～好！好呀～Zoe你可以分享吓你嗰個畀人借錢嘅故事喇
（圍爐Buddy：Zoe（化名））
Zoe：Hello！咁我嗰個故事呢就係同一個拍咗八年拖嘅男朋友嘅追債故事嚟嘅。咁呢其實呢我同佢一齊嗰陣我哋都係學生啦，咁佢個戶口都係得個位 數㗎啫。咁我識佢嗰日呢，佢就話爭幾日先出糧，冇錢食飯，咁我就買飯畀佢食啦
東方昇：佢係咪因為你借錢畀佢，所以佢鍾意你㗎？你哋係咪一場交易嚟？係一場勞資糾紛……
Tom：係人肉提款機
專家Dickson：呢個故事係由借錢開始嘅
東方昇：幾浪漫㗎都～係，跟住呢？
Zoe：我哋一畢咗業之後，我哋已經開始一齊住咁樣啦嘛，咁我哋久唔久出去食吓飯咁其實食個茶記百零蚊兩個人咁樣。跟住走嗰陣，佢無啦啦會攞住張單啦，大大聲好似話畀隔離聽，同我講話「喂！食飯要畀錢㗎喎！唉～而家啲人唔畀錢呀，諗住就咁走咗去」咁樣囉，跟住之後我就食攞張單去埋啦，佢又會搶返去，跟住話「唉～我錫你咋，講吓笑咋嘛」
（字幕：前度R錢大法#1 幾細嘅數都要計到盡）
Kneta：食屎啦！
Tom：收皮啦叫佢
Kneta：我試過最極端嘅一個男朋友，係佢乜都好鍾意計呀，咁我冇所謂你同我計，但係佢後尾呢連condom錢都同我計，我真係嬲L到呢！我真係好想話，我有畀你X㗎！你老味！使唔L使床褥都……
東方昇：喂！唔用囉，咁你又唔得呀，所以你都係要買㗎
Tom：肉償！
Kneta：係好嬲㗎！咁你嗰百零蚊，你五十五十好L肉酸啫，即係呢啲你唔好L計啦。即係我相信Zoe佢有個心態就係可能有啲好細囈嘅位，之後佢要周L住呀，日日喺度提
東方昇：嗯～我會問一個問題，因為我咁樣對個男仔唔公平。因為有時食嘢咁少錢吖嘛，大數目係咪佢畀先，例如原來佢嘅租金佢自己畀晒，咁佢咪喺呢幾餐嗰度叫你畀返囉
Zoe：唔係㗎租金Errr我哋傾咗係我可以畀少兩千咁樣啦，但係佢又同我講話「哦！你畀少咁多呀？咁水電煤啦、養小動物啦，同埋我嘅電話費你都畀埋啦」咁樣
（字幕：前度R錢大法#2 扮晒搵一個公平嘅計數方法）
東方㫒：總之你個租嗰啲懶係平均咁樣啦，其實最尾都唔平均啦，都係你畀得多啲嘅
Zoe：我以前會相信佢嗰套計法嘅
專家Dickson：嗯～即係有一套神奇嘅算法～
東方㫒：佢呢招幾絕喎！佢直情自己冇錢嘅，你咪爛命一條
Kneta：「你咪使囉！」
專家Dickson：然後我設立一套規矩，好似我有份畀咁
Zoe：呢啲數呢都會……Mark落我哋嘅日常使費嗰本開支簿度囉
東方昇：哦～因為你見到佢咁樣唔還錢，所以你就Mark住佢喇。咁mark到幾離譜呀？你會點mark法？因為如果唔係咪好難計囉
Zoe：嗱，本身就係mark喺簿啦。跟住我想知道個lump sum啦，我每次就要加啦，但係呢真係慢慢加到我發脾氣啦，就算我mark喺iPhone，跟住之後個note表都錄極都錄唔到完啦，咁所以我就開咗張Google Sheet，入晒啲數落去，同埋share埋比佢睇咁樣囉
利君亞：條數有幾多？
專家Dickson：嗰個總數係幾多？
Zoe：條數去到最高嗰陣去到十萬蚊囉
東方昇：嘩～～～佢其實係同左間財務公司拍拖
全部：哈哈哈哈哈
東方昇：即係你就係嗰個XX兄弟呀
專家Dickson：我又想了解多一樣嘢，就係譬如你嗰個分手原因，呢個（爭錢）係其中之一吖定係佢就係主因呢？
Zoe：呢個係一個Minor嘅原因嚟嘅咋，我分手嗰刻我都唔係諗呢樣野喇
東方昇：咁你之前都真係幾愛佢喎，你愛佢完全唔係因為錢嘅問題（而影響）
Zoe：Errrr有時盲起上嚟，呢啲嘢都解釋唔到嘅
專家Dickson：嗱，我又好奇喇。你分手嗰陣，有冇攞返張sheet出嚟揸住「喂！呢條數你找咗佢呀」咁樣
Zoe：有！梗係有啦，佢本身仲要話「啊，等我慢慢還畀你啦」咁樣，之後我就話「我話知你出去借錢吖，你都要還返畀我，咁但係佢都仲係拖咗我一頭半個月。直至到我同佢講話「你再唔還，咁我直接打畀你阿爸，我畀埋呢張sheet佢睇，到時佢還畀我囉」
東方昇：即係驚媽咪～即係媽寶吓話呢啲？
Kneta：正常都驚嘅～因為唔想搞到件事咁大，咁肉酸吖嘛
東方昇：都係嘅，因為佢就係唔想問屋企人借，所以先問女朋友借
Kneta：我相信呀Zoe個ex呢係未爛撻撻到……「&@^%$@#你咪講囉！講晒冚唪唥都……」
東方昇：要面嘅～
Kneta：要啊，我覺得仲要嘅
東方昇：所以其實我都唔知讚佢定咩，因為佢都算真係量入為出，知道你有幾多錢入，佢先問你借
Kneta：有良心！
Tom：唔還錢都有良心！
（字幕：你哋咁樣都講得出口？）
利君牙：嗰個都係一個唔錯嘅男仔喎！
東方昇：所以係囉
Zoe：其實唔係㗎，因為其實佢係唔知道我到底有幾多錢嘅，跟住試過中間呢佢突然之間躐到我銀行戶口，佢發覺我有錢剩啦，然之後佢畀說話我聽就話
（字幕：前度R錢大法#3 質疑Zoe Mark大數，企圖唔還）
「唉～你嗰啲mark數呀一定係唔均真㗎啦，都唔知啲數啱唔啱㗎。嘩～你仲要儲到錢喎！犀利啦～富婆啦～」咁樣囉
專家Dickson：借錢都夠X街啦，佢仲要單單打打喎
東方昇：係囉
專家Dickson：你有冇見過人鬧大耳窿啊？你係咪想死呀冚X剷？你去財務公司，你埋去嗰個counter講話「你哋呀啲咁嘅企業啊，我知你哋㗎，為害社會！得喇，借十萬嚟先」唔會咁㗎嘛
全部：哈哈哈哈哈哈
利君牙：好仇富呀佢個男朋友
東方昇：劫富濟貧喎！劫你嘅富就濟自己嘅貧囉，即係你嘅錢即係我嘅錢！我嘅錢都係我嘅錢
Zoe：係呀，佢不嬲都係憎人富貴厭人貧嗰啲嚟㗎
東方昇：所以我真係想問，咁佢平時對你好好嘅？
Zoe：其實……我覺得係我冇乜安全感，所以我想有一個人陪係身邊囉～嗰陣就即係其實都係一個騙案嚟嘅
東方昇：所以一句講晒其實你某程度上，你認同佢咁樣做㗎，因為你都希望透過金錢換取……
專家Dickson：即係你都有你盲目嘅一點
東方昇：即係一個PTBF啦係咪先？說穿了～
Zoe：嗯～
Kneta：我覺得Zoe係真係好心啫。即係我自己嘅經歷，我就係只不過好單純嘅覺得另外一半有困難咪幫佢囉！
利君牙：但係幫唔足八年㗎喎！
東方昇：係呀！所以我就係話如果有某幾次咁樣做呢，我覺得咁樣諗係得嘅，但係如果長達八年，呀Zoe都咁樣，其實佢默認左咁樣嘅關係。所以你下次要帶眼識人呀真係～咁你有新愛情未啊？
Zoe：哦，冇呀冇呀
東方昇：哎呀～你唔好返埋去喎。第一句就問佢「借唔借錢啊？」咁，跟住出嚟食飯。真心搵個有錢嘅男朋友啦
全部：哈哈哈
Kneta：你唔好咁現實啦！
（字幕：又錯唔晒嘅…）
Tom：梗係去搵另外一個人肉提款機，咁你就可以安樂喇～
東方昇：好啦，多謝你分享呢個咁有趣嘅故事啊
專家Dickson：好彩你追得返咋，我戥你高興呀，恭喜呀
東方昇：好啦，多謝你！
全部：拜拜～
Tom：咁啱先聽完呢個case，其實我都想分享另外一個case嘅。咁就關於我一個女仔朋友啦，咁其實佢直程係畀晒訂啦，book晒酒席準備結婚咁樣啦，臨門一腳撻Q，個男仔識咗個有錢女之後同我個女仔friend講「我哋唔結婚喇」但係呢我個friend呢就繼續都係貼緊每個月咁畀錢，即係嗰啲訂咁樣嘅
東方昇：不過就慘嘅，最大嗰啲愛情嗰啲錢銀糾紛，就係分手嗰下呀，即係有啲直程係話咩一齊供樓，但係跟住……
利君牙：嘩！供樓好煩呀
東方昇：係呀！一人供一半，咁最尾層樓可能升咗唔知定跌咗，咁最尾分手，佢出軌咁點分呢？究竟係五五分帳吖定係咩呢？
（字幕：追仔唔成變追數！ ）
專家Dickson：係咪要打官司㗎呢呢啲
Kneta：要！告9佢囉
東方㫒：所以大家其實要諗清楚囉
利君牙：借咗就要預咗冇得還囉
東方昇：係呀係呀
Kneta：咦，唔係，我反而覺得借錢呢樣嘢係一個做人好基本嘅，即係你問得我借錢都唔還喇，咁你對住出面……
利君牙：但係你覺得係基本，人哋唔係咁覺得呢，我哋嗰個諗法係等自己舒服啲啫，即係借咗出去……
Kneta：但係就係唔想畀呢啲人好過呀！
專家Dickson：佢完全唔想畀人呃啦完全，佢好執着嗰個位
利君牙：所有借錢嘅人都要還錢！ ！
Kneta：啱呀！
Tom：欠債還錢，天經地義啊而家！
東方昇：喂，今日同埋仲有一個好消息宣佈啦
全部：哈哈哈哈哈
（字幕：喂！咩好消息呀？ ！）
東方昇：就係我哋個ON9導演就最後一集啦，終於都唔做啦，好嘢！ ！因為佢有更好嘅發展啦
（導演：唔係～唔好咁講～）
東方昇：唔知佢乜嘢啦，我都聽唔明，好似識咗個有錢人所以唔做！ ！
Tom：有人肉提款機可以唔做喇
（畫面：阿姨，導演不想努力了.jpg）
東方昇：咁你就同大家講再見啦
導演：係呀係呀，咁Errrr多謝大家五十幾集Errrr
（Camman：望返主cam呀）
專家Dickson：主……主cam呀
東方昇：真係On9呀！講咗咁多集都仲係……
專家Dickson：喂，你導演嚟㗎大佬！
東方昇：我哋會剪出嚟㗎啦，你繼續
導演：多謝大家呢五十幾集對《圍爐取戀》嘅支持啦，真係……真係好多謝大家嘅，咁大家之後都要一直繼續圍爐啊！好！
東方昇：眼濕濕啦下話？
導演：少少啦～
東方昇：不過大家放心！我哋會搵個唔On9嘅導演再負責呢個節目，一定會更上一層樓嘅！
全部：好嘢！ ！ ！ ！ ！ ！
東方㫒：真係好消息嚟㗎 ！拜拜！ ！