#黃秋生　就當世界是齣荒誕劇

Stand News 立場新聞 | 時政類 | Aug 1, 2021

此影片謄本由初四製作

★非作商業用途，本檔案版權歸版權持有人獨有★

<片頭>
呢個世界有得笑點解唔笑呀？有鮑魚做乜唔食呀？係咪先？梗係啦。有得笑梗係要笑呀嘛。

<正文>
我鍾意開心野，我唔係好鍾意啲好沉鬱嘅野。啲藝術家、戲劇界呀、文藝界人呀，好容易沉溺喺自己嘅世界。所以喜劇就可以令到佢哋冇咁容易去自我陶醉。

下載檔案

所有資料非作商業用途，若有內容侵權，請即通知我們移除。

《ART呃》呢真係「呃」嘅。表面上係講三個老友，因為其中一個買咗幅畫，於是大家對果幅畫有好多唔同見解，其實係對事物嘅唔同角度。咁仲要果幅畫荒謬到係白色嘅。

點解我揀呢個劇？因為佢唔止對白好笑咁簡單，你係可以喺入面學到呢點樣鬧人唔講粗口。唔好講入面有咩message，冇都OK架，開開心心睇睇完就OK，娛樂架啫。即係我唔明點解而家咩都要「爆」呀大佬。少啲戾氣，尤其係呢個時候，少啲戾氣，平心靜氣，潛藏一下先。一個人踎低呢，唔係準備瞓低。一個人踎低呢，係準備跳起。

<2020年，黃秋生宣布移居台灣>
Anthony Perry Wong Chau Sang tweeted “今天好日子，離開住了二十年的地方，展開新生活。”

咁香港我都睇唔到有咩工作嘅機會，咁我又要繼續工作，咁我梗係揾個可以工作嘅地方去工作架啦。星加坡也可以，唔一定台灣，根本上就係「逐水草而居」，香港冇根架。

香港人根本一早就係咁，不過香港人冇咁嘅意識，以為有一個好安定嘅環境俾大家覺得可以喺呢度千秋萬世啫。我要過番我自己嘅生活。

(你自己嘅生活最重要嘅係咩？)

Freedom (自由)。

我唔相信扭曲係正常嘅。譬如，大吉利是，若言有個人突然生cancer，佢好快訧會死，唔會有一個人生到成身cancer都仲可以活到100歳嘅吓話，呢一個係一個好自然嘅規律黎。所以我唔覺得一啲唔合理、唔正常嘅野會延續好耐。

我對於個環境呢，其實我好達觀嘅。我唔樂觀，我亦唔悲觀。你話呀會唔會突然間會好好呀變到好似以前咁，唔會，一定唔會。世界係向前走嘅。咁你話繼續向前行仲會唔會係以前嘅世界呢？梗係唔係啦，咁你都要接受格。咁你話繼續向前行會唔會係好衰，又冇人知架喎。可能佢「轟」一聲變咗第二個新世界，你點知啫？

／