1
27/7《圍爐取戀》- DSE限定愛情
毛記電視 | 娛樂類 | Aug 1, 2021
此影片謄本由Galaxy製作
★非作商業用途，本檔案版權歸版權持有人獨有★
圍爐取戀．DSE限定愛情
節錄：
東方昇： 今日我哋喺學校嗰度拍攝呀！同埋有一位學生妹喺度啊，就係阿正！
（掌聲）
Kneta: 我想當年DSE呢，都係同男朋友去自修室溫書，坐隔離啦，講埋啲好核突嘅嘢，咁之後就Yeee!
專家Dickson：同埋通常其中一方，去教另一方功課嗰啲呢，就一定係做兵㗎。
利君牙： 咁又未必！
Jeffrey老婆（自稱）：你自己本身個statistic唔係好準㗎，你明唔明呀？
眾人：哈哈哈哈！
專家Dickson：sorry。
正片：
眾人：大家好！
東方昇：嘩！今日我哋喺學校嗰度拍攝啊，同埋有一位學生妹喺度啊。就係阿正呀！好嘢！
眾人：歡迎歡迎！
Jeffrey老婆: 仲係學生妹啊？
東方昇：點解搵你黎嘅今日？係咪今日係一個廣告嚟㗎吓話？
工作人員：errrrrr 係呀…… 唔好講到咁明顯啦！
專家Dickson：係廣告嚟㗎 ！
利君牙：真嘢唔怕講。
東方昇：係好hard sell 㗎啦我哋!
工作人員：睇大家今日嘅裝束，就知道我哋今日嘅愛情故事係關中學事啦。今日個case呢，就同DSE有關啦！
東方昇：我有資格講，因為我上年先考完DSE。
Jeffrey老婆：係咩？
Kneta: 收爹啦你！
利君牙：我等緊放榜喎！所以我心情好忐忑呀而家！
Jeffrey老婆：今屆下話？
（字幕：好心你哋就咪扮後生啦…）
Kneta: 我下一年考啦！
東方昇：你都應該十幾年前考過啦？
Jeffrey老婆：哦！Errr冇啊！我係考TSA啊係咪呀！
東方昇：咩嚟㗎？
Jeffrey老婆：小三嗰個…
東方昇：好啦，咁我哋都經驗豐富，應該答到佢㗎啦下話？
工作人員：係喇，冇錯喇！今日嘅愛情呢就係因為DSE放榜，而可能會引出嘅一個愛情悲劇啊！
今集主題：DSE愛情故事！大學同男朋友揀邊個？
東方聲：好！接嚟聽吓先！Kelly你好！
圍爐buddy Kelly （化名）：你好呀！
東方昇：你係咪有個學生時期嘅愛情故事話俾我哋聽呀？
Kelly: 係呀，哈哈。
東方昇：你唔好嫌我地老土得滯呀嘛？
Kneta: 我好後生㗎咋！你老咋！
Kelly: 梗係唔會啦！
東方昇：咁好呀，你講嚟聽吓啦。
下載檔案
下載檔案
1
1
所有資料非作商業用途，若有內容侵權，請即通知我們移除。
1
Kelly: 咁，我考DSE前兩三個月啦，咁我就考咗個mock exam，我就識咗我個男朋友咁樣啦。你哋都知啦，即係DSE拍拖，大家都唔係好睇好㗎嘛，即係因為大家其實可能Focus喺你個學業個方面㗎嘛。
東方昇：係咩？真係咩？呢啲阿媽講㗎咋喎！
Kneta: 但係我唔係嘅！
Jeffrey老婆：專注拍拖㗎係咪呀？
（字幕：依家啲學生哥咁認真㗎咩？）
東方昇：有得拍拖梗係拍拖先㗎啦。
Kelly: 但係衝刺期嚟㗎嘛！
Kneta: 一齊衝囉！一齊衝都得㗎！
Kelly: 但係本身我份人就比較懶嗰啲囉。
利君牙：但係你mock exam，考個mock exam都可以溝到男仔喎！
東方昇：勁喎！
Kneta: 都已經唔懶啦喎！
東方昇：係囉，你都好勤力啦喎。
Jeffrey老婆：考試應該冇得傾偈㗎喎。
利君牙：係囉，你點識佢㗎 ？
Kelly: 都係一個緣份囉即係，我嗰陣時呢…
（眾人爆笑）
專家Dickson：唔係，咁係咁㗎啦。你哋唔信嘅咩？
眾人：信信信信！
Kneta: 係咪借擦膠嗰啲呀？
東方昇：點啊點啊？講嚟聽吓先。
Kelly: 咁呢，我就遲咗起身啦，跟住呢，我發現呢我去到考場，唔記得帶筆袋啊。
（字幕：都估到你係借嘢溝仔㗎啦…）
Kelly: 跟住呢，我就問隔離借咗支筆咁樣啦，跟住考完試之後就還咗比佢啦，之後就交換左contact咁樣，一直有傾偈。
Jeffrey老婆：哦，還筆又可以交換contact㗎喎。
東方昇：係囉，咁開心嘅。
利君牙：寫多次先！寫多次先還。
Jeffrey老婆：哎呀，睇吓仲有冇墨先！我驚支筆冇墨呀用到。
Kneta: 你支筆有冇墨啊？
東方昇：跟住點啊？跟住就同佢WhatsApp傾偈呀？IG傾偈啊嗰啲啦？
Kelly: 係呀，跟住傾傾吓佢就同我表白。我嗰陣時對佢有少少feel，咁就一齊咗囉。
東方昇：你拍過拖未㗎？你係初戀定咩啊？
Kelly: Errr, 呢個係初戀嚟㗎。
（字幕：係sweet嘅！）
東方昇：咁你就一路拍住拖咁樣去溫習咁樣啦？
Kelly: 係呀，即係我哋基本上見嘅時間，好多時都係喺自修室啊或者喺補習社囉。
眾人：嗯。
東方昇：唔係，不過其實一齊溫書，係一個好好嘅契機去拍拖。因為一男一女面對緊一個困境呢，嘩！互相扶持啊即刻要。
利君牙：好浪漫呀成件事。
東方昇：係呀，好容易產生愛情啊。
Kneta: 我就諗起呢，我想當年DSE呢，都係同男朋友去自修室溫書。因為唔講得野㗎嘛，咁我哋要咩啊？我哋要傳紙仔，即係坐隔離講啲好核突嘅嘢咁，咁之後就「yeeee」。
東方昇：冇溫書嗰時就喺枱底度拖手仔嗰啲呢？
Kneta: 係呀係呀！
（字幕：係中學生專屬嘅清澀！）
Jeffrey老婆：冇經歷過呢啲，好幸福啊！
專家Dickson：同埋通常其中一個方教另一方功課嗰啲呢，就一定係做兵嘅。
（字幕：咁又未必嘅）
利君牙：你好有經驗，係咪成日教人啊？
專家Dickson：我係成日教人嘅，所以我好清楚。
Kneta: 但係我男朋友呢，即係我嗰陣個男朋友係教我數學啊，即係理科嗰啲。
利君牙：所以分咗手囉！
專家Dickson：唔係呀，唔係呀。
東方昇：教你生物科呀嘛？
Jeffrey老婆：但係嗰下係charm嘅？會覺得點解識咁多嘢㗎，好叻呀！
Kneta: 係呀係呀！覺得嘩！好叻啊數學！Kelly係咪都係咁覺得自己個男朋友，可以教到自己好sweet啊咁樣樣啊？
Kelly: 係呀，因為呢，嗰陣時我同佢都有讀Physics咁樣啦，跟住我Physics好差嘅，即係我又唔識嘅嘢就會問佢囉。因為佢數理個方面都比較好。
東方昇：咁佢係咪真係幫到你呀？
Kelly: 都係㗎。
1
1
東方昇：喂，咁唔得喎！咁咪仲好過我哋補習？我哋幫補習嘅app賣廣告！
Jeffrey老婆：唔係！佢幫，心情！ 可能係心靈上有啲調製，唔使啱㗎個答案！最緊要開心吖嘛係咪！
東方昇：唔係唔係，等陣先，咁你分數升唔升到啊最未？
Kelly: errrr… 進步咗少少啦，進步咗少少。
東方昇：即係唔得啦都係。你以為向對方學習係有用，最後都係冇用，但其實令成績係冇進步。好，你繼續啦！
（字幕：死都俾你兜翻生！）
利君牙：呢個結論幾好！
東方昇：咁就一齊咗啦，之後有咩變化呢？
Kelly: 即係考完DSE之後會得閒啲㗎嘛，即係可能會出多啲街啊咁樣囉。但係因為我同佢都要返intern啦，所以見嘅時間真係仲少過未考DSE之前。
（字幕：完咗DSE後嘅轉變#1．見對方嘅時間少過未考DSE之前）
東方昇：但係你intern咋喎，你唔係返full-time喎!
Kelly: 即係我同佢都係返一至五，跟住九至六，即係公司時間咁樣囉。
專家的Dickson：但係咁樣好full咩？
東方昇：係囉，咁正常人我哋唔使拍拖啦！
專家Dickson：所有返工嘅人都…
東方昇：正常大人唔使拍拖啦！
Kneta: 唔係，係咪有門禁嗰啲呀？會唔會呀Kelly？
Kelly: 係呀，即係佢屋企都管得佢比較嚴。
東方昇：咁你覺得佢真係因為屋企問題啊，定係其實佢唔想抽時間，想避開你呢？
Kelly: 我覺得屋企都係其中一個問題囉，因為佢返嗰份呢，其實佢係好似跟佢老竇返嘅。
眾人：哦
利君牙：即係冇得偷雞！
Jeffrey老婆：咁明晒啦！
專家Dickson：即係家族intern
東方昇：正喎正喎，呢個有父蔭喎呢個！
Jeffrey老婆：即刻覺得唔散得過喎！
東方昇：筍盤嚟㗎喎呢個！
Jeffrey老婆：你要堅持喎！
東方昇：分身家唔細㗎！
Jeffrey老婆：即係人成長之咗之後，你見啲嘢睇得好闊㗎我哋，唔係淨係睇愛情㗎。
（字幕：大人嘅世界真係污糟！）
專家Dickson：嗱，雖然你哋冇見面姐，即係出咗嚟返工之後，但係佢有冇同你嘗試用其他途徑去聯繫啊？
Kelly: 佢Signal嗰啲成日都好遲先覆囉，因為佢係嗰啲成日都遲覆機，半日先至覆嗰啲囉。
Kneta: 我覺得遲覆你姐。
Kelly: 同埋即係佢係，即係，點講呢？我唔知呀，同埋佢屋企呢
東方昇：喂，你等等先，我覺得你中文Oral應該好差。
眾人：哈哈哈哈！
東方昇：你交代你個愛情故事有啲
利君牙：我哋呢個snap ask 有冇得補呢一方面嘅嘢？
東方昇：我覺得有㗎應該！你要補下中文啦！
（字幕：Hard sell x 2)
1
1
Jeffrey老婆：真人對話嗰啲又係咪？
東方昇：呢個日一定要真係！
專家Dickson：啲阿Sir都好似幾靚仔㗎！
Jeffrey老婆：線上真人對話！
東方昇：我哋去返你個故事先啦。
Kelly: 佢係可能有時傾電話啊，或者視像呢啲都唔肯囉。因為佢話佢同佢阿媽間房好近，佢話好驚俾佢阿媽發現。
（字幕：完咗DSE後嘅轉變#2．男朋友拒絕同Kelly溝通）
Kneta: 有冇耳機呢樣嘢先？有冇AirPod呢樣嘢先？
利君雅：唔好嬲住先。
Jeffrey老婆：唔好燥住。咁但係問題係，你哋嗰陣時讀書嘅時候，我唔信你自修室溫完返到屋企唔傾偈呀！嗰陣時佢屋企，即係間房又傾到計？
利君牙：嗰陣有冇傾偈先？問清楚。
Jeffrey老婆：sorry，又嬲咗！啊！你知唔知我每次睇你哋節目呢，即係即係會即刻燥咗！跟住但係，係有冇傾先嗰陣時？
Kelly：唔係話好多囉。
Jeffrey老婆：哦，即係都唔多嘅。
東方昇：冇呀，其實就已經當你係書僮，即係書伴啊，陪伴你讀書嘅人囉，SP, Study partner。
（出片：
婆婆：你地係同學呀？
周星馳：係呀！
婆婆：一齊讀書㗎？
周星馳：係呀，係呀！
婆婆：呀，書友嚟㗎 ？
周星馳：係呀，係呀！哈哈哈）
東方昇：問題係，咁你捨唔捨得離開先？其實都好明顯。佢係唔係好愛你㗎啦佢
Kelly: 所以呢個真係好矛盾囉，即係佢依家態度好差啦，但係另外一方面其實，我都仲好鍾意佢囉。好唔捨得佢囉。
利君牙：初戀得壹次。
東方昇：係呀，咪就係典型嘅，因為初戀唔捨得嗰個問題囉。
（字幕：主持sss認為： Kelly唔捨得係因為初戀）
專家Dickson：同埋有少少不明不白。
利君牙：我明白嗰個初戀嗰個唔捨得，因為我第一次拍拖嘅時候呢，唔知道個世界有分手呢樣嘢㗎，好悲慘㗎嗰陣，覺得全世界最慘就係我㗎啦。
Jeffrey老婆：搭巴士，個隧道嘅時候，啲眼淚流落嚟啊。
東方昇：我都認同呀，即使我而家咁樣啦，但係我初戀個時候，我都覺得係一生一世㗎。都真係咁樣㗎。
眾人：係呀係呀。
東方昇：即是而家咁浪子，但係嗰時係有咁諗，所以你覺得個世界冇咗啊直情。所以冇呀，搵啲嘢做去忘記佢好喎。
Kneta: 讀吓書囉。
Jeffrey老婆：又讀？
Kneta: 係呀，讀上大學，識咁多更好嘅男仔呀。
利君牙：你覺得自己會考成點啊Kelly ？
Kelly: 我諗呀，應該可能入八大嗰啲水泡科掛。
1
1
利君牙：講定俾你聽先，你未必想重讀嘅，但係萬一你想重讀嘅話呢，可以試吓snapask。
東方昇：佢有個暑期課程呀！
Kneta: 你就可以捉緊呢個暑假嘅光陰呢，咁就上呢個課程！
（Hard sell x 3)
東方昇：我即使覺得上咗大學都可以溫習下！
（字幕：以sell product嚟講，圍爐係全網第一，歡迎廣告商聯絡圍爐IG）
Jeffrey老婆：溫故知新啊！
東方昇：因為係求學識啊，唔係求分數吖嘛！我出嚟做咗20幾年野，我都諗住溫返DSE啊！
專家Dickson：我尋晚先玩完！
Jeffrey老婆：嗱，你睇吓即刻成件事distract 左，就忘記咗個傷痛啦。
眾人： 真係！
Jeffrey老婆：去到邊啊？
Kelly: 講咗snapask囉。
眾人：哈哈哈哈。
Jeffrey老婆： 屈得㗎啦！成條片記住呢個重心得㗎喇。
東方昇：可以收線喇，拜拜
利君牙：唔係唔係，或者你仲有咩疑惑想問哥哥姐姐呀？
Kelly: 都聽師姐講話其實，大學有好多唔同嘅嘢去試囉，即係我諗緊就係如果我以一個單身嘅身份，會唔會去使得多啲嘢呢？
利君牙：雖然係你去新環境，梗係有好多新嘅嘢試啦，但係真正嘅愛情係，你應該轉唔同嘅環境，你同嗰個人都係一齊㗎嘛。你唔會因為環境而改變你哋嘅關係。
（字幕：利君牙認為．真愛就係無論咩環境，都會喺對方身邊）
Jeffrey老婆：因為你下一次呢，譬如你就算讀完書出嚟做嘢，你又會遇到同一樣嘅嘢。
利君牙：同埋你會轉工㗎嘛。
專家Dickson：因為轉工一定係多過轉男人㗎。
利君牙：咁又未必。
Jeffrey老婆：你自己本身個statistic唔係好準㗎，你明唔明呀？即係你唔好成日將你嗰啲數據擺落去。未必嘅，但真係環境係成日會轉，咁但係環境轉你個心轉唔轉呢？就係你自己嘅選擇啦呢個。
（字幕： Dickson數據不代表本節目立場）
Kneta: 當住面一個環境呢，你有好多個關卡，如果你哋本身個愛情基礎唔夠紮實嘅時候，好容易過唔到。你而家擺到明就係唔夠紮實，就係過唔到關囉。
東方昇：啱呀，好多經歷啊。
Jeffrey老婆：錐咗喺呢度，right here!
Kneta: 因為我當初就係咁樣！
東方昇：所以你要放手啊。
Jeffrey老婆：你自己覺得呢？
Kelly: 係，但係我真係，我真係唔係有一個好大嘅決心去真係做。因為我諗返起之前好多嗰啲回憶咁樣啦，真係唔捨得囉。即係，好似將一樣嘢結束咁樣。
東方昇：我覺得我哋幫唔到佢啊，因為我哋以前都係咁樣嘅。咁我哋而家點會變成咁樣呢？咁咪就係咁。
利君牙：唔會因為聽完我哋講，跟住就醒覺。
東方昇：我嗰時都冇人幫到我㗎，你慢慢沉淪下，跟住你就會有答案㗎啦。其實你應該慶幸你自己仲有對初戀嗰份卷戀啊。痛一陣囉，痛一陣就冇嘢㗎喇。
（字幕：東方昇認為．Kelly要痛過先會學識放低）
Kelly: 知道。
東方昇：好啦，咁努力啲享受下你考完試嘅時光啦。咁記住如果有啲咩同學仔升唔到嘅，安慰佢！跟住就叫佢報讀snapask嘅暑期課程！
（字幕：hard sell x 4）
專家Dickson: 有師弟師妹呀，準備又考喇！
東方昇：明㗎啦，好啦，拜拜！
Kelly: 好啦，唔該晒。
東方昇：其實頭先Kelly 嗰個例子就好典型，因為忘記唔到佢第一段初戀。
Kneta: 出唔返嚟啊。
東方昇：冇呀，佢要自己諗方法去解決，你見我哋同佢講，佢一路陶醉係自己嘅世界，佢都唔聽，咁冇㗎，叫佢自己試吓先啦。因為始終你問我就係，愛情都，即係唔長久㗎。知識就永恆啦！
Jeffrey老婆：男人會背叛你，知識唔會！
東方昇：所以最緊要就係snapaks呢！ 而家有個新嘅暑期課程啊！
Kneta: 咁課程呢就會跟佢返往年嘅所有科目重點，佢幫你預測返明年嘅課題嘅。
Jeffrey老婆：而各大嘅選修科呢都cover到。
利君牙：而學習嗰個進度呢，仲可以自己調整
專家Dickson：二人同行，一人免費！
東方昇：大家立即報名啦！
眾人：拜拜！大家放榜順利
1
牆內能夠接觸外間資訊的渠道寥寥可數，Youtube 機頂盒為每星期從 Youtube 上挑選不同種類的專題影片並製作成謄本、印刷成信件的長期計劃。
其他最新謄本
💥腦筋急轉彎2片尾解析＋12大彩蛋｜小彬彬竟然出現？霹靂包原型？AC113？留言抽官方贈品
那些電影教我的事 Lessons from Movies | 電影類
💥戰勝阿焦大作戰！腦筋急轉彎2最強指南｜4招把阿焦變成神隊友｜劇透｜Inside Out 2｜留言抽好書
那些電影教我的事 Lessons from Movies | 電影類
💥腦筋急轉彎2無雷解析｜小心你的情緒內戰！5招搞懂你的腦｜留言抽好書｜Inside Out 2
那些電影教我的事 Lessons from Movies | 電影類
#MM｜返工成日聽到「一代不如一代」 係源於心理偏見？社會學分析不同年代人特徵 點解00後會衝擊職場生態？｜#Pantry有嘢斟 #4K
Mill MILK | 心理類
#MM｜00後擲廿萬創業開韓式自拍館 半年回本開分店 月打4份工返茶餐廳做樓面 拍Reels過900萬觀看次數 00後鍾意創業搵滿足感 抗拒朝9晚5？｜#700萬種生活 #4K
Mill MILK | 社文類
0