會計小姐離奇失蹤，被懷疑畏罪潛逃？最後竟牽涉一條人命｜奇案調查

【燒車狂徒】

1993年7月14日凌晨2:45，即劉容梅失蹤後的凌晨，在校長住所附近的一個停車場，突然出現一件怪事。事源是一對夜歸的夫婦在鰂魚涌海澤街一個露天停車場尋找位置泊車時，竟然發現停車場一處火光紅紅，同時見到一名形跡可疑的身影，不停向起火處灑上搶火的液體，所以他們懷疑該名人士是縱火狂徒，甚至是燒車狂徒。因為燒車事件在當年時有發生，一般都是幫會爭奪地盤。於是這對夫婦就暗中報警並觀察，可能這名狂徒是一名專業的罪犯，他很快就察覺到這對夫婦的監視，於是立即登上自己的私家車逃跑，衝出停車場。幸運的是，在狂徒駛出停車場的那一刻，剛好碰到第一位開著電單車接報到場的警員，警員見到這輛私家車認為他相當有可疑，就擋在路口，並對車中的疑兇大叫「停車！停車！」但這名兇徒並沒有服從指令，反而加速衝過去，這名警員走避不及，被汽車擦傷。於是他便立即要求增援，同電台報告「車牌BP733的Benz房車沿著海澤街逃離」。由於案發地點在警署附近，增援警員很快去到現場兜截，很快在糖廠街見到這輛BP733的可疑車輛。這輛車見到警員之後，做出了一個大膽的行為，由糖廠街逆線駛入英皇道，更撞向一輛迎頭的士。此時BP733的可疑車輛已經撞到體無完膚，車中的司機仍然沒有停下來的打算，反而立即調頭沿著英皇道行駛，直到司機不小心撞到路中央的石躉，才被迫停下來。追捕警員小心翼翼上前查看，到底這位司機是何方神聖，畢竟這名司機開車那股狠勁，相信是一位不簡單的人。但打開車門後發現，車內並不是什麼彪形大漢，竟然是一名五十多歲、樣貌和善的中年男性。而另一邊廂，令警方震驚的並不是他瘋狂駕駛的行為，而是原來他在停車場所燒的，是一名沒有穿衣服的女性遺體。而係原來佢係停車場所燒的，係一名無著衫的女性遺體。相信各位觀眾睇到呢度，已經估到 縱火嘅就係牧愛小學嘅校長，而果名被燒焦嘅遺體就係失蹤會計小姐劉容梅。咁校長王世明點解要對共事超過20年的同事狠下毒手呢?

[自白]
王世明畀人拉咗，之後交代咗佢同死者一切嘅淵源，兇手王世明案發時51歲，係基督徒。聖公會牧愛小學創校起，佢就擔任上午校嘅校長，帶領住呢間學校由一間新校，變成區內名校 。死者劉容梅，案發時41歲，係牧愛小學做野超過20年，奉獻大半生嘅青春，本來任職書記嘅， 後來得到校長王世明提攜，變成會計文員。

王世明同警方話過去20年兩個人合作無間關係都好好㗎，但直到1990年， 呢段上司同下屬關係就開始變左質。王世明話係果一年，佢因為一時嘅貪念，係報名費裏面攞咗千幾蚊。本來以為冇人發覺，但點知啲件事被會計小姐劉容梅發現左，但奇怪嘅就係劉容梅無告發佢，反而係威脅佢貪更多嘅錢。王世明話佢有把柄係劉容梅手上，佢就只可以屈服。兩個人係之後配合得天衣無縫，會計繼續負責做數，校長簽名確認。

王世明話係呢個90至93年期間，兩個人合共喺報名費攞左8萬。佢自己只係佔左兩成，劉容梅就佔左八成。直到係案發前，1993年7月上旬，報紙爆出咗呢單醜聞之後，佢地兩個人先決定停止呢個舉動。

睇到呢度，相信各位觀眾必定會覺得奇。雖然1993年物價比而家低好多，但堂堂一個校長，點會貪呢啲蠅頭小利?但事實上呢啲只係校長片面之詞，根據當時家長同埋坊間估計，單單報案費都唔只呢個數目，加上校車同埋募捐等等項目。保守估計，佢地所貪金額，最少都有過百萬，甚至幾百萬。

雖然佢哋惡行畀家長，傳媒同校董發現。但校董佢哋一早承諾咗，唔會追究法律責任，只要解決事情就可以，咁點解佢哋兩個人之間會搞出人命?係一時意氣定有不可告人秘密? 跟住落嚟 我哋一齊睇案發當日發生咗咩事。

[會議室]
王世明話案發當日朝頭早11點， 係向校董會交待貪污事件嘅死線，所以佢就一早約咗劉容梅8點鐘喺會議室見面，商討一下對策。王世明話見面之後，佢勸喻劉容梅將之前所貪嘅錢畀返校方， 再次強調校方會念在舊情。只要帳目清清楚楚就唔會訴諸法律行動，校長話劉容梅聽到之後，就話自己只會攞返一萬蚊出嚟，所有責任同罪名都唔會承擔，要佢一力承擔。王世明話聽到劉容梅呢句說話之後就覺得好荒謬， 所以就同劉容梅講你而家畀咗支票我，姐係證明咗係你同我同流合污，佢會同校方坦承一切。