1
在疫情下，股市房市都不斷高漲，最大受益者卻是富人
窮奢極欲 | 時政類 | Jul 26, 2021
此影片謄本由港女製作
★非作商業用途，本檔案版權歸版權持有人獨有★
大家好！呢度係窮奢極欲，一個離不開錢嘅頻道。
喺疫情下全球財富不但無縮水，反而有500幾萬人成為左百萬富翁。根據瑞士信貸2021年全球財富報告， 2020年全球家庭財富總額為418.3兆美元，比2019年增 長左7.4%，全球成年人嘅人均財富已經到咗將近八萬美元嘅水平，雙雙創下左歷史新高。
下載檔案
下載檔案
1
1
所有資料非作商業用途，若有內容侵權，請即通知我們移除。
1
但係你個銀包有冇變厚呢？
事實上疫情真係帶嚟左一個百年難得一遇嘅機會，尤其係對有錢人黎講。根據數據顯示，以美元計算2020年全球百萬富翁超過5600百萬人，比2019年一共增加左521.1萬人左右。從瑞士信貸既報告中唔難發現疫情並沒有耽誤富豪們賺錢，而其中美國既百萬富翁數量最多。依統計嚟睇，美國百萬富翁數量佔全球近四成，穩坐第一名，一共有近2200萬人，而排名第二嘅就係中國，百萬富翁數量突破520萬人，若佔全球數量10%。瑞士信貸預測如果照咁樣發展到2025年，全球百萬富翁將超過8400萬人，五年就增長左近50%。瑞士信貸更大膽估計到咗2025年嘅時候，中國百萬富翁數量將突破1000萬人，增幅超過九成。
但係仔細諗吓2020年經濟真係有咁好咩？
事實上2020年好多國家既GDP增長為負數，但係家庭財富就喺度增長。正常情況下家庭財富增長同GDP增長通常差唔多，但瑞士信貸報告顯示比利時、加拿大、星加坡同英國呢啲受疫情影響較為嚴重嘅國家平均GDP下降7.1%，扣除匯率因素影響呢啲國家嘅家庭財富平均增長7.7%，財富增長幅度超過GDP下降幅度。報告分析認為，可能係各國政府嘅支持計劃同各國央行透過降低利率應對疫情嘅措施導致左呢個狀況。
1
1
而呢啲錢到底係邊度嚟嘅呢？
首先，我地睇下2020年最多百萬富翁既美國，除咗百萬富翁嘅數量上升之外，美國家庭財富增長亦都上升。根據美國聯準會（ Fed ）數據，呢次疫情造成嘅衰退恐怕係有史以來最唔同嘅。2018年金融危機，美國GDP增長率喺2008年第三季為負1.3%，之後嘅兩季更擴大到負5.4%同負6.4%，失業率喺2009年尾超過10%。被稱為二戰以來最大衰退，一共有400萬美國家庭失去房產，超過2600萬人失業。美國家庭財富蒸發約11兆美元，又例如2000年嘅網絡泡沫危機，美國家庭財富一樣出現負增長嘅情況。
但係今次就唔同啦！2020年經歷咗成年嘅疫情，美國家庭財富無好似2008年同2000年一樣縮水，反而係不停咁增加更創下歷史新高。睇返數據，美國家庭財富由2020年第二季開始一路增加， 2020年第二季到第三季，美國家庭財富增加接近五兆美元，一共高達123.5兆美元，到第四季嘅時候已經增長到130.2兆美元。到咗2021年第一季更誇張到136.9兆美元，2020年一共增加左13.5兆美元，創下左30年黎美國家庭財富增幅最多嘅紀錄。
其中主要有兩個關鍵嘅因素，一個係股票，另一個係房地產。2020年第四季美國居民持有股票嘅價值比第三季增加左2.8兆美元，房地產價值增加左4000億美元。到咗2021年拜登就任美國總統，各種利多消息接踵而來，加上全美迎來解封嘅曙光。喺一片樂觀嘅環境下， 2021年第一季股票持有價值比2020第四季增加左3.2兆美元。另外一個因素係房地產既漲勢強勁， 2021年第一季房地產價值比2020年第四季增加左接近一兆美元，但係呢啲數字背後其實隱藏咗巨大嘅問題。
首先，2021年第一季美國家庭債務總額係16.9兆美元，增長左6.5%，創下至2006年來最大嘅增幅。再嚟就係美國人似乎越嚟越有錢，但係實際上係咪真係咁呢？美國今次家庭財富嘅增長其實淨係股票價值嘅增長就佔咗接近一半嘅比例，由於當時全球疫症嚴峻，經濟衰退嚴重，為咗避免金融危機，美國聯準會推出左極度寬鬆嘅貨幣政策，配合政府史無前例嘅財政手段，推出幾兆美元振興措施阻止經濟惡化。美國出現咗前所未有嘅反彈，而且一路創新高，而有關股市所創造嘅收益價值，實際上會造成分配不均嘅問題。地區金融公司regions financial cooperation首席經濟學家穆迪就曾經講過，疫情嘅打擊由一開始就係唔平均嘅，低收入人士受到嘅打擊尤其嚴重，股價同房價就算上升，佢哋獲得嘅收益依然好少。咁數據係咪都係咁呢？
1
1
2021年第一季，美國最有錢嘅頭10%嘅人手上總共持有美國大約89%股票同基金，而最基層50%家庭手上只係持有0.5%嘅股票或者基金。但係從呢一個比例就可以知道今次美國家庭財富增長其實只集中喺一部份嘅人手中。即使美國樓價飆升，二手樓價中位數有30萬美元升到35萬美元，但係原本就無資產嘅人依然得唔到樓市上升嘅好處，甚至可能仲會越嚟越買唔到樓。根據統計今次家庭財富增長有超過70%嘅增長都流入左收入前20%嘅人手上，而係金字塔嘅頂端美國最有錢嘅1%人口就掌握左41.52兆美元，係基層50%人口嘅16倍。係1990年第一季嘅時候呢個數字只不過係六倍，所以事實上呢啲錢只係流入左少部份嘅人手上。根據美國人口普查報告，係過去10年最有錢嘅5%家庭至2009年來收入增加約28%，而之後嘅20%家庭只係增加左11%嘅收入。
如果以第二最多百萬富翁嘅中國嚟睇，根據中國家庭金融調查與研究中心最新發佈嘅中國家庭財富指數調研報告，事實上疫情效應亦都令中國出現咗同美國一樣嘅問題，即使2020年中國家庭財富持續增長，但係不同收入群組之間嘅分化加大，高收入家庭財富、收入同工作穩定性表現甚至比疫情爆發之前更好，不過低收入群組嘅表現就唔理想。而報告亦都一樣將家庭財富增加嘅關鍵因素歸功於房地產同股票，但中國同美國唔同嘅係中國家庭財富增長主要係因為房地產價值上升嘅緣故，儘管近期不斷有中國房市崩盤嘅消息，但係喺舊年成年嘅家庭財富增長中中國房地產價值嘅增長就佔咗69.9%，而金融投資價值嘅增長就係21.2%，其餘就係可支配現金同工商業經營嘅貢獻，但只係佔咗唔夠10%。而喺房地產佈局中，高收入家庭最為積極，對未來嘅經濟預期信心既調查，認為非常好嘅比例高達四成，顯示上下階層人口其實對疫情下嘅經濟前景有完全不同嘅想法。如果以全球趨勢黎睇， 2020年全球最有錢嘅10%人口總財富上升0.9%，全球最有錢嘅1%人口財富就上升咗1.1%。2020年尾，全球財富基層50%人口擁有嘅財富只係佔咗全球唔夠1%，雖然全球財富喺疫情下增加左，但係我哋嘅貧富差距亦都擴大左，最有錢嘅10%人口掌握左全球82%嘅財富，淨係最有錢嘅1%人口就已經佔咗45%。
1
1
如果從歷史嚟睇，喺每一次經濟衰退中大部份嘅國家都會出現失業人口大增嘅情況，呢個就係收入不均嘅最大敵人。而本來就擁有各種資產工具嘅人，自然亦都識得善用呢啲工具避險，甚至係危機入市，呢個係一般低收入人士無辦法做到嘅事。除咗低收入人口，中層嘅收入喺經濟衰退至到復甦嘅過程中，收入增長亦都比高收入人士慢，所以每次經濟危機普遍都會造成貧富差距擴大。但疫情下嘅英制危機佢顯得更加嚴重，因為股市同房地產增值而來嘅升幅又快又急，所以非勞動收入成為左關鍵因素之一，當經濟動盪時只可以依靠勞動工作嘅中低階層唔似得高收入人士有資本做後盾，如果面臨失業嘅衝擊就成為左最先被犧牲嘅一群。如果以台灣來講，中低階層人口嘅非勞動收入喺過去20年來都縮水30%左右，但高收入階層不但呢類收入高，喺中低階層人口非勞動收入縮水嘅時候，高收入階層仍然有正增長搭5%，喺薪金收入方面，最低層20%嘅人過去20年來薪金縮水達38%，中層增長5%，而最有錢嘅20%人口就增長10%。唔難想像咁樣嘅情況下貧富差距擴大得有幾多。
而科技亦都成為造成呢個現象嘅因素之一，巴黎經濟學院教授皮凱堤先前同全球頂尖經濟學家合作，建立世界不平等資料庫。根據佢哋嘅研究，隨着科技不斷進步同全球化嘅發展，財富不均上升嘅現象大致發生喺財富分配曲線嘅上層，而財富不均會上升係因為最頂層嘅一群同其他群組相比擁有非常高嘅增長率，呢種增長嘅常見解釋係技能偏向型嘅技術變遷，即係話科技進步會提高技術性勞工嘅相對生產力從而提高其薪金，相反非技術性勞工就唔係咁樣。頂層嘅一群透過科技可以接觸到嘅市場變得更大，所以更可以享受大市場所帶嚟嘅高增長。好啦今集嘅窮奢極侈就黎到呢度啦！我哋下一集再見啦拜拜！
1
牆內能夠接觸外間資訊的渠道寥寥可數，Youtube 機頂盒為每星期從 Youtube 上挑選不同種類的專題影片並製作成謄本、印刷成信件的長期計劃。
其他最新謄本
💥腦筋急轉彎2片尾解析＋12大彩蛋｜小彬彬竟然出現？霹靂包原型？AC113？留言抽官方贈品
那些電影教我的事 Lessons from Movies | 電影類
💥戰勝阿焦大作戰！腦筋急轉彎2最強指南｜4招把阿焦變成神隊友｜劇透｜Inside Out 2｜留言抽好書
那些電影教我的事 Lessons from Movies | 電影類
💥腦筋急轉彎2無雷解析｜小心你的情緒內戰！5招搞懂你的腦｜留言抽好書｜Inside Out 2
那些電影教我的事 Lessons from Movies | 電影類
#MM｜返工成日聽到「一代不如一代」 係源於心理偏見？社會學分析不同年代人特徵 點解00後會衝擊職場生態？｜#Pantry有嘢斟 #4K
Mill MILK | 心理類
#MM｜00後擲廿萬創業開韓式自拍館 半年回本開分店 月打4份工返茶餐廳做樓面 拍Reels過900萬觀看次數 00後鍾意創業搵滿足感 抗拒朝9晚5？｜#700萬種生活 #4K
Mill MILK | 社文類
0