賭仔最忌唔老黎！？東女郎挑戰賽馬日送書比馬迷！！！14/7《國家級任務》賽馬日「書」多啲

毛記電視 | 娛樂類 | Jul 18, 2021

此影片謄本由月月製作

★非作商業用途，本檔案版權歸版權持有人獨有★

（東尼女郎準備去廁所）
東尼女郎：喂~大家過嚟睇下東方昇呀喂！過嚟先啦！
譚仔Meko (Meko)：真係屎坑有東方昇喎。
東尼女郎：過嚟先啦。

（廁所版上有東方昇影像）
東方昇：四位東女郎你哋好！嗱，你都知啦，近排我做緊舞台劇（按：《大MK日》）就好忙㗎啦。所以今次搵你哋嚟呢，就有個任務交畀你哋。嗱事源呢就因為7月14號呢就書展喇，不過香港宜家好大獲，就係個閱讀風氣好差。大家淨係掛住睇埋嗰啲咩《國家級任務》嘅垃圾片，真係不知所謂。我甚至乎發覺有一個地方嘅人呢，你唔好話叫佢哋買書嚟睇吖，你送埋本書畀佢哋呀，佢哋都唔要呀。嗰度呢就係每逢賽馬日，投注站門口嗰啲咁嘅賭徒。佢哋話驚「輸」「輸」聲好唔老黎喎。我挑～～所以今次嘅任務呢，要你哋向高難度挑戰－就係送幾本我哋公司嘅新書畀佢哋。嗱，你哋痾埋篤屎就立即出發。GO！

（過場：國家級任務片頭）

工作人員（畫外音）：各位東女郎，我哋已經嚟到呢，嗱後面，你望下後面。嗱，今日呢賽馬日喇，你哋已經聽到東方昇嘅任務啦下話。
東女郎們：聽到～ 工作人員：咁你手頭上嗰啲係咩嚟㗎？
東女郎們：書～～
工作人員：Shuuuuuu~~咁我哋今日為咗提升呢班馬迷嘅閱讀風氣呢，大家要加油喇！有冇信心？
東女郎們：有！！

下載檔案

所有資料非作商業用途，若有內容侵權，請即通知我們移除。

（Meko & Tom 開始SELL書）
Meko：送書呀喂！有書送呀喂！
Hehe Tom (Tom)：頭先有冇買馬呀？有冇心水呀咁樣呀？
（轉向第二個伯伯）
Tom：有冇買馬呀頭先？有冇心水呀？
Meko：伯伯係咪頭先買完馬呀？
伯伯：‥‥‥
Meko：可唔可以傾個計呀？我咁靚女同我傾陣喇
伯伯：唔得閒呀！（字幕指向Meko < 唔夠靚女）

（另一方面，Loman & Tom遇到長氣伯伯）
Loman：可唔可以同你做個訪問呀？
伯伯：等我食埋口煙先啦。
Tom：可以呀！
伯伯：我都係馬迷嚟。
Tom：你都係馬迷嚟㗎？
伯伯：跑馬係永遠都係假嘅！
Loman：唔！
Tom：假㗎？喔！黑箱作業嗰啲FRD呀下嘛？
伯伯：（打斷）所以呢‥‥‥所以呢你問我呢樣嘢，我係唔接受（賽馬）呢樣嘢嘅。
（背景快播中；字幕：說教中......）
伯伯：我唔係講歷史呀，而係我真係‥‥我由開始做嘢賭到現在‥‥‥
（背景快播中；字幕：講歷史中......）

（鏡頭一轉）
Meko：Hello~ You buy the horse? Sir? Hello? Do you want a book?
南亞裔人士（南）：???Hun???
Meko：Book!
東尼女郎：We are introducing some books. Do you know… the Chinese first? Do you know Chinese?
南：I don’t know chinese…
Meko：It’s OKAY! x2
東尼女郎： Oh~ Do you know the place Iran? 伊朗（字幕：i don’t know chinese呀）
（介紹書本：《識去旅行一定係去伊朗》
作者：伍珩「遊歷伊朗數載，嚐盡神袐國度的甜與苦」）
南：Yeah~~
東尼女郎： Okay. This book is about the experience of going Iran.
南：English?
東尼女郎：（確認中...）Chinese喎
南：I can’t read.
Meko：We can teach you!
南：My daughter can understand.
東尼女郎：Then your daughter can tell you the story. After she read the book.
（字幕：成功送書）

（鏡頭轉回長氣伯伯）
伯伯：後生做過
Tom：唔...
伯伯：老竇做過
（字幕：仲講緊歷史）
伯：其實我仲有支柺杖喺入面㗎。（指入投注站）因為點解呢，我最近呀‥呀‥中咗風‥
Tom：喔‥‥
（背景快播中；字幕：細說中風經歷‥‥‥）
Loman：叔叔呀，我想呢，送呢本書畀你睇呀！
（介紹書本：《人生慘敗組》
作者：羅若off「毛記藝人羅若OFF第一本圖文書」）
因為呢本書呢，我覺得你好啱做呢個代言人。佢係講呢，人生啦，我哋有好多唔如意嘅事‥‥‥
伯伯：（打斷）唔係！你有冇膠袋先？
Tom：咩嘢膠袋呀？
伯：你有冇袋先？唔係‥‥因為點解呢？我唔係信邪，我想搵個袋袋住佢啫‥啊‥你明唔明呀‥
（字幕：成功送書）
伯：我勸你哋年青人一個字－唔好靠賭！
Tom：多謝晒！多謝晒！贏多啲！贏多啲！
伯：不過其實呢，唔好賭錢！
Tom：知道！好！
伯：聽下老人家講。
Tom：冇問題！
伯：我嘅經驗真係唔好賭！

（畫面轉回剛送出書俾南既場面）
（買完馬行出嚟）叔叔：係咪去旅行呀？
Meko：你又想要呀先生？
東尼女郎：呢個故事係去旅行嘅，不過就呢個係去伊朗去旅行囉。呢個係講，個題材特別少少，講分手嘅。
（介紹書本：《我專門幫人擺分手和頭酒》
作者：默颺「默颺首部出版作品，小說長駐連登講故台熱門」）
叔：即係書展就可以買到嘅。
東尼女郎：係呀！X N
工作人員：就送呢本畀先生。
（字幕：成功送書）

（轉回Tom，同另一位伯伯吹水）
Tom：今日有冇買馬呀？
伯伯：買咗喇！你又賭呀？
Tom：係呀！我哋啲後生都要靠賭㗎嘛，有賭未為輸呀嘛。
（字幕：阿伯真係送TIPS）
伯伯：你唔識賭㗎，你讀書喇走去。
Tom：畀我哋架？
（伯伯送上彩票；字幕：有TIPS書都唔記得SELL）
Tom：多謝你！多謝叔叔！Bye Bye！
伯伯：書換贏！成功輸換贏喇嗱。
Tom：我陣間就走去買！

（回顧長氣伯伯）
伯伯：唔好賭錢。
Tom：知道！冇問題！
（慢鏡重覆）
伯伯：唔好賭錢。
Tom：知道！

（畫面轉回現在）
Tom：說口未完，我已經買咗兩張彩票，頭先嗰個阿叔畀我嗰張嘢，已經買咗喇！
（畫外音：你哋今日嘅任務嚟做咩嘢㗎話？）
Tom：送書囉！
Loman：殊！
Tom：而家要贏！我而家要贏！
Loman：分張畀我吖。
Tom：我自己畀錢買㗎。

（完）