Facebook、Google 撤出香港!? 10月出新版Switch！Z Fold 3採用無孔屏下鏡頭？｜廣東話【Price Weekly #70 2021年7月】

Price.com.hk 香港格價網 | 科技類 | Jul 11, 2021

此影片謄本由Ka製作

★非作商業用途，本檔案版權歸版權持有人獨有★

歡迎收看Price Weekly!我們一起看看今個星期最熱門的科技新聞。如果不想錯過我們的新片，就快點Subscribe Price youtube channel，再按旁邊的鐘。

政制及內地事務局早前計劃修例打撃網上「起底」行為。日前華爾街日報就報道，如果落實修例，Facebook、Twitter 和 Google 就會撤出香港，這個消息令大家震驚一時。

不過事後亞洲互聯網聯盟就澄清，大家並無意撤離。只是對於修例表示關注，擔心員工或用戶日後在網上發表言論時，會面臨刑事責任。私隱專員回應指，會跟相關公司會面解釋條文。

下載檔案

所有資料非作商業用途，若有內容侵權，請即通知我們移除。

不過老實說，如果這些社交平台真的撤出香港的話，相信都幾大件事。好似是Facebook，其實到現在仍有很大影響力。雖然之前一度有移民潮，但最近一個Facebook group，竟然在開group不足一星期，就已經有超過20萬人加入。就是這個由一班鏡粉老公所開的，「我老婆嫁咗比MIRROR導致婚姻破裂關注組」，人人都投訴另一半被 Mirror 搶走。而當一班老公在圍爐訴苦的時候，又吸引了一群老婆入去食花生，令到這個Group的人數比Mirror Facebook Page還要多。

如果你都想找人傾訴的話，都歡迎在下面留言跟我們聊聊^^

不經不覺，Switch推出到現在已經有4個年頭。最近網上盛傳，任天堂會於今年內推出升級版 Switch，但廠方一直未有正式回應。直至今個星期，任天堂終於都公佈了這部配備 7 吋 OLED 螢幕的Switch，將會在10月8日上市。除了OLED螢幕外，新機支架亦會改用可自由調節角度的轉軸式設計。而內置儲存容量就由32GB增加至64GB，另外音效亦會增強，底座亦會加入一個有線 LAN 插口。新版Switch的官方售價為$2,680，有白色和「電光藍・電光紅」兩款顏色，不知大家有沒有興趣入手呢？

鍾意拍Vlog的朋友仔，好快又有兩部新機可以玩。去年推出的 DJI Pocket 2 被譽為拍Vlog神器，深受不少用家的歡迎。不過之前就淨係得黑色，可能係想吸引多啲女仔買啦～DJI 最近就推出白色，但無論是外形還是功能都同黑色版一模一樣。

而另一部新機，就是 DJI Mini SE 入門級航拍機，傳了咁耐終於都正式發表。這部機成為 DJI 旗下最便宜的機款，售價大約是$2,500。雖然香港官網就仲未正式公佈價錢，但已經可以睇到功能、規格，見到機身非常輕巧，同手掌差唔多大，只得249g重。可以拍攝 2.7K 影片和1200萬像素相片，搭載三軸機械式雲台，可以提升畫面穩定性。另外有4 公里高清圖傳以及30 分鐘飛行時間，可以說是DJI Mini的升級版，啱哂航拍初哥！

一直有傳 Microsoft打算推出Cloud PC 雲端電腦，最近終於都消息確認，最快會在下星期三發表。Cloud PC 是一款桌面虛擬化服務，外界甚至期望可以運行到 Win32 程式。傳聞指 Microsoft 不會採用「按用量收費」的模式，而係計月費或年費，不過到底有咩功能？同埋要有咩硬件配合？相信就要等到下星期的Microsoft Inspire 年度大型會議先會知喇!

跟住講下Samsung的消息，Galaxy Unpacked 發佈會好大機會喺下個月舉行。傳聞指將會發表Z Fold 3和Z Flip 3兩部摺機，有人就upload咗一張相信是Z Fold3 的電腦設計圖，見到新機除了支援 S Pen之外，更加係首度採用屏底鏡頭技術。為了令到自拍成像不會太暗，消息指 Samsung 今次特別選用了Sony IMX47I 感光元件，具備1,600萬像素鏡頭，比起普通 sensor 有強 40% 的透光率。

至於 Z Flip 3 亦都有片流出，見到機身有黑色、紫色、米黃色和墨綠色可以揀。搭載雙鏡頭加 LED 閃光燈，屏幕採用了開孔自拍鏡，而非屏下相機。另外，有傳外置螢幕將會由1.1吋加大去到1.9 吋，而內屏就同上代的 6.7 吋一樣大。不過就會提供 120Hz 刷新率，和 UTG 顯示，機身側面就可能會加入指紋解鎖。

至於 Galaxy Watch4 和 Galaxy Buds 2 真無線耳機，亦都有機會於下個月同場發表。而7月初先開始投產的 Galaxy S21 FE，就應該會延期到9月或者10月先登場。

跟住講下iPhone 13的消息，之前傳聞話新機將會配備有史以來最巨型、最厚的鏡頭。最近又再有外國爆料人透露，iPhone 13 將會增強 MagSafe 磁力，令它的的吸附力更強，並且會擴大充電線圈的範圍，以及有機會加入反向充電的功能，預計最快會在9月發表。

今時今網絡世界真的甚麼都有機會是假，原因是大家的P圖技術越來越高超，連大叔都可以P到變靚女，但有無想過P圖分分鐘會P到坐監呢？講緊嘅係挪威嚟緊將會修例，規定廣告商或 KOL在 Facebook、Instagram、TikTok、Snapchat或 Twitter 呢啲社交平台賣廣告時，有P圖就一定要如實講明，好似係瘦腰或者係拉大啲肌肉等等。否則即屬違法，最嚴重甚至可能要坐監。

挪威「兒童及家庭事務部」就解釋，修例是為了避免社會因為審美觀而出現壓力，初步都係針對廣告商，普通市民「P 圖」並唔會受到規管。這條法案最終係以 72 對 15 票通過，暫時仍然未決定幾時生效。唔知大家又點睇呢條例呢？

最後提提大家!Price網購即將舉行，20萬 Youtube Subscribers 感謝祭，在7月14 至 28日每日中午12點都會有限時搶購。想知道有咩筍野，就要留意住Price網站喇！

今集Price Weekly又差不多，你們最喜歡期待邊件新product呢？歡迎在下面留言告訴我們，
我們很快就會有新片跟大家見面，記得訂閱Price的YouTube channel，再按旁邊的鐘，bye bye!