1
3/7《圍爐取戀》- X柒仆街前度
毛記電視 | 娛樂類 | Jul 4, 2021
此影片謄本由正体不明製作
★非作商業用途，本檔案版權歸版權持有人獨有★
導演: 今日事主個EX就失蹤咗呀，所有就要刮佢出嚟X柒佢呀!
利君牙: 佢匿埋咗幾多日呀?
受訪者: 佢匿埋咗都*#*^$@&^!
眾人: 嘩~
利君牙: Sorry Sorry 我錯 我錯。係，佢係身有屎!
Kneta: 呢啲嘢玩唔L過，走L左先喇。
東方昇: 我覺得個男仔做 得啱呀，佢令到自己決絕唔好再傷害你呀。佢為你好呀，佢真心愛你呀呢下~ 哈~
正式開始
眾人: Hello~~
導演: 大家今日係嚟尋人㗎!
東方昇: 吓? 點解呀? 唔見咗邊個呀?
導演: 今日事主呢，佢嘅Ex就失蹤咗呀，所有就要刮佢出嚟X柒佢呀!
下載檔案
下載檔案
1
1
所有資料非作商業用途，若有內容侵權，請即通知我們移除。
1
----今集主題: X柒仆街前度----
東方昇: 點解失蹤呀?
利君牙: 但係已經係Ex啦喎吓嘛
導演: 係呀，因為失蹤咗所以變成咗Ex囉
眾人: 哦~~
東方昇: 係咪咩嘢中出即飛嗰啲呀?
導演: 唔係~不過問吓大家先，大家有冇試過曾經另外一半失蹤嘅情況呀?
專家Dickson: 成世都失蹤㗎啦。
眾人: 哈哈哈哈哈哈
利君牙: 你嬴咗喇Sorry。
導演: 唔好再講呢D喇。
Kneta: 感覺失蹤就試過，人失蹤就未試過。
東方昇: 我都未試過。
利君牙: 平時係我失蹤嗰個嚟嘅。
東方昇: 你會…吓? 你…
利君牙: 即係我會瞓著咗教，即係可能我可以瞓廿幾個鐘嗰啲嚟嘅，所以佢就會以為我失蹤，跟住就會打電話嚟囉。
東方昇: 我聽過啲朋友失蹤就係，扑完嘢失蹤嗰啲囉，真係中出即飛嗰啲囉。
導演: 咁今日事主嘅Ex就唔係因為瞓著或者係扑完嘢喎，佢仲特登留咗張紙仔，寫住話「天網恢恢，我要走了」呀。
專家Dikcson: 天網恢恢呀?
東方昇: Okay~
(接入受訪者)
東方昇: 喂，Stephy你好呀~
Stephy(化名): Hello~
東方昇: 你係咪搵人呀? 尋人吓嘛? 搵返你嗰Ex呀嘛吓話?
Stephy: 哈哈，係呀，我要打電話上嚟X9佢。
東方昇: 係點樣呢?
Stephy: 其實呢事源就係咁嘅，咁我原本拍拖呢好地地，咁咩事都冇發生過啦。咁無啦啦就留低咗張紙喺我屋企，咁就寫住咩「天網恢恢，我知你上個禮拜五做咗啲乜嘢」之後就話「我哋分手啦」咁樣。
東方昇: 嘩! 你殺咗人呀?
眾人: 哈哈哈哈哈哈
Stephy: 唔講我都以為自己殺咗人呀。總之我聽返啲朋友講啦，佢就話我上個禮拜五去咗偷食咁嘅嘢啦。佢啲朋友就話，喺條街度撞到我同第二個男人一齊。但係其實上個禮拜五呢，我只不過係同啲朋友去咗食飯。我都唔L明點解佢無啦啦見L到呢我就會同咗個男人一齊啦，咁佢不嬲都係咁㗎喇，遇到問題走L咗去嗰啲仆街嚟。
東方昇: 但係佢完全冇機會畀你解釋嘅?
Stephy: 冇呀~佢Block哂我啲IG啦，FB啦，之後電話都Block埋啦。之後我叫我啲朋友搵佢嘅，之後佢Block L埋我啲同事我啲朋友。
東方昇: 係咪其實佢好驚自己戴綠帽? 當佢懷疑呢，佢就即刻撇喇，諗住嗰頂帽一戴就即刻掉咗佢先。
Kneta: X佢老味，佢係唔係驚L到咁樣呀…….
東方昇: 我覺得係喎，即刻甚至乎唔聽你解釋，因為佢好驚笠綠帽呀。
Kneta: 我覺得佢身有屎多啲喎。
東方昇: 你嘅直覺係覺得佢本身其實……
Kneta: 即係想搵啲籍口囉，即係你走咁L快唔知做乜L嘢。
利君牙: 但係有啲人可能想冷靜吓呀嘛，驚一同你講嘢就爆㗎喇喎。
Kneta: 佢唔係冷靜咁簡單喎。
利君牙: 佢匿埋咗幾多日呀?
Stephy: 佢匿埋咗都… 差唔多成個月㗎喇，即係已經冇聯絡。
東方昇: 嘩~~~~
利君牙: Sorry Sorry 我錯我錯。佢係身有屎!
Stephy: 我有佢朋友個老婆個IG嘅，佢哋仲有一齊去打吓波呀咁樣嗰啲嘢嘅。
東方昇: 嘩，佢仲好開心㖭喎!
Stephy: 係呀，咁我就覺得好L奇怪囉，然之後我就冇理佢。
東方昇: 所以你都除咗尋人之外，其實你係打嚟X柒佢嘅? 翻X佢咁多年嘅嘢，越諗越嬲下話?
Stephy: 越諗越L嬲，佢都冇畀機會我X9佢!
1
1
----X柒前度惡行大會，正式開始! ----
東方昇: 好! 咁有咩仲要X呢? 慢慢講喇。
Stephy: 咁佢平時呢都會走去follow吓啲大波妹呀，我都鍾意follow大隻仔啦。咁你睇嗰啲相你咪睇，你睇埋人哋個西都唔L關我事啦! 係咪先，咁我咁啱攞咗佢手機，咁我見到佢原來不斷direct唔同嘅大波妹囉。
罪狀#1: 不停direct唔同嘅大波妹
東方昇: 但係我覺得，嗱我冇啦。我覺得又冇乜所謂喎，因為…
利君牙: 即係網友傾吓計咁樣。
Kneta: 我諗緊會唔會又係搏一搏，嗰啲係咪真係出嚟做。即係你要傾下計，交心吓，佢先會畀價你，會唔會係嗰啲呢?
利君牙: 咁邪惡嘅你諗啲嘢。
Kneta: 有㗎~ 真係㗎~ 嗰啲唔可以講到明我一嘢就話出嚟做㗎嘛。
東方昇: 但係我都仲覺得冇咩問題。嗱，例如阿Dickson冇乜波啦係咪先。
Dickson: 係……
東方昇: Dickson你都有啲女仔同你傾計啦?
Dickson: 有㗎
東方昇: 咪係囉
Dickson: 嗰啲全部結哂婚㖭
東方昇: 啱呀喺呀，即係好合理呀。所以我覺得可能未必有嘢嘅你男朋友。
Stephy: 但係佢見到我睇咗佢嗰啲，跟住佢就勁L嬲喇，當昤即刻係條街度掉低咗我走L咗去。
Dickson: 咁因為你… 佢覺得你侵犯佢私隱呀嘛，呢啲係佢自己同其他人嘅嘢，你係冇得咁樣偷睇佢㗎嘛。
東方昇: 所以我覺得佢男朋友嬲合理呀。
Kneta: 唔係，我覺得佢可以嬲。但係呢… 你嬲L到跑L咗去喎，即係我覺得你係身有屎囉。有冇咁需要，咁想識朋友先? 即係你嘅身邊有另一個你唔去care佢，即係……
東方昇: 嗱，所以係啱，所以我認同你講嘅嘢就係，佢去嗰啲傾計係冇問題。但係佢忽視咗你嘅感受係一個問題喇。
罪狀#2: 識朋友識到忽視Stephy感受
Stephy: 其實我都幾On9，我哋係散咗一次之後再一齊返嘅我哋係。點解我哋會散第一次呢? 就係因為我發現咗佢偷食，佢就搵返佢個Ex。
罪狀#3: 同前女友偷食
Stephy: 咁嗰條女呢都，我覺得一隻手掌拍唔響啦。咁你冇可能送聖誕節曲奇餅送到去人哋屋企樓下啩? 當時我Ex呢仲要Send Message話「不如你送埋上嚟啦」咁L樣。
東方昇: 嘩~~
Stephy: 嘩，咁你乜L嘢意思呀?
Dickson: 即係飲返杯咖啡先走。
Stephy: 轉個頭我就兩三日就原諒咗佢啦，咁可能因為我就好緊張佢，咁就捉得佢好緊就……分咗手咁樣喇。咁分手嘅時候就分得勁L核突嘅，因為嗰陣時我係住係佢屋企嘅，然後佢就半夜當住佢全家人嘅面前趕我走囉。
1
1
罪狀#4: 半夜喺全家人面前趕Stephy出門口
東方昇: 嘩……
Stephy: 叫我執嘢，我仲要喺佢全家人面前囈，勁L核突。
東方昇: 嘩…… 咁你又點解囈佢呢?
Kneta: 係囉
Stephy: 可能因為當時真係鍾意佢囉，即係真係好愛佢。之後我又走去囈佢「我會改㗎喇..」嗰啲嘢啦。
東方昇: 但係我想問一個問題，嗰時你咪住係佢屋企嘅? 佢咁仆街係咪因為佢覺得你依賴佢呢? 我唔知呀
利君牙: 食我嘅住我嘅
東方昇: 係咪咁嘅情況呢?
Stephy: 咁又唔係喎，因為我嗰陣其實我都讀緊書嘅，但係我有返Part-time嘅，佢係好L爛賭嘅。
罪狀#5: 爛賭爭落周身債
Stephy: 試過佢嗰陣賭錢賭到，佢就同我講啦，話「之前過大海呢，就輸咗…輸咗啲錢嘅，然之後呢，我喺銀行借咗十幾萬買咗隻勞。」咁呢佢嘅意思就係，我而家爭落人哋成身債㗎啦，佢真係話輸L到冇錢，我都畀錢佢㗎喎。即係可能唔多啦，畀一兩千蚊佢啦，我都冇乜錢㗎啦，咁你返Part-time搵得幾多錢吖，可能幾千蚊咁樣啦，即係我都覺得冇所謂啦，咁我陪你啦。但係點知到頭來，掉低張紙走L咗去。
東方昇: 但係嗱，我反而再一路聽落去啦，點解你成日都…… 咁縱容啲男仔呢你覺得，你要知道個問題係邊度。
Stephy: 我想講我之前拍拖，我都唔會縱容人㗎喎，我係不嬲比較強勢啲嗰啲人嚟㗎喎，我係縱容呢一個人㗎咋喎。
(Stephy淨係對呢位前度無限縱容)
東方昇: 點解呢?
Stephy: 我都唔知… 可能呢個人有魔法啩?
Kneta: 我明呀，我明呀，我都試過即係類似啲咁嘅。即係我個人都比較上把啲嘅，但係唔知點解對住佢呢，係呀，係真係唔甘心呀，覺得自己係有能力去改變佢囉。
東方昇: 咪就係最L On9就係，男人唔壞，女人唔愛。就覺得自己就係嗰個唯一個人可以拯救佢呀嘛。
Kneta: 唔係拯救佢
東方昇: 改變佢呀嘛
Kneta: 我純粹就係唔甘心，我唔信我就係搞你唔L掂。咁當然啦，好快我就覺得X!呢啲嘢玩唔L過，走L咗先喇。
Dickson: 嗱，如果佢而家，我當佢睇完呢個節目或者聽完之後，佢真係搵返你。然後佢過多兩三個月再問你借多十皮，再買多次勞，咁你制唔制呀?
東方昇: 我覺得就算佢搵你復合你都會制呀
眾人: 係囉~
利君牙: 所以佢依家消失其實幾好吖
東方昇: 我覺得個男仔做得啱呀，佢令到自己決絕，唔好再傷害你呀。佢為你好呀，佢真心愛你呀呢下。
眾人: 哈哈哈哈哈哈
(原來成件事係「我的離開也是愛」)
1
1
Kneta: 唔係真心係愛，係我覺得已經做到最絕嗰步，之後令到阿Stephy可以真係心安呀。
東方昇: 係呀，死心呀。我覺得你記住你呢刻嘅憤怒啦。下次遇到一個男仔又係咁仆街，你都唔好再原諒佢喇，如果唔係你就…… 無限輪迴喇真係
Stephy: 冇嘅~ 我覺得，人生係應該有希望啲嘅。但係我冇諗過佢，即係都已經散咗一次再返轉頭啦都……
Kneta: 唔係喎，但係你而家好似怨婦咁喎，即係好有希望嘅怨婦喎。
東方昇: 就… 就呻笨呀嘛，所以唔好喇，唔好搵到佢呀。本來諗住幫你搵到佢嘅，而家我希望你……
Dickson: 唔好喇，失蹤好過喇。
東方昇: 係呀，唔好搵到佢喇。好冇呀?
利君牙: 阿Ex你繼續匿埋啦。
東方昇: 為佢好，愛佢一次。愛佢一次就係唔好搵返佢喇，好冇?
Stephy: 好! 唔該哂。
眾人: 拜拜~~
(Stephy收線)
東方昇: 咁阿導演，你係咪有啲嘢宣佈呀今集?
導演: 係呀，《圍爐取戀》呢就準備出書喇!
眾人: Wowww!!!!
東方昇: 出嚟講，出嚟講，出嚟講。
(歡迎On9導演)
Kneta: 讓個位畀你
利君牙: 褪個位畀你先，唔好嗒咗個場呀!
東方昇: 點呀點呀點呀，會出書呀?
導演: 係! 咁本書呢其實係收錄好多節目入面冇出現過嘅勁爆case呀。
東方昇: 咁點解啲勁爆唔畀我哋呢? 留係自己本書度呢?
導演: 因為有啲… 一嚟係尺度問題啦。二嚟係真係個篇幅問題。真係有啲受訪者呢其實係真係《圍爐取戀》第一集嘅時候呢，就已經係pm咗喇。係真係太複雜，即係你擺係呢度好難講到。咁就好好彩，咁就可以收錄哂喺本書入面囉。咁就好… 嘔心瀝血呀呢本書。
Dickson: 例如有啲咩呀? 最勁嘅你講個!
導演: 有一篇係 <向世界出軌> 呀。咁就有位人妻呢，咁就世界各地各有一個情夫，咁就紀錄佢全部偷情嘅故事。但係! 記住本書係正向同認真嘅。最後喺…
(被眾人恥笑，好假的肥仔導演…)
利君牙: 好有深度同教育意義嘅。
東方昇: 即刻唔想睇呀真係，唉~ 要淫邪咁我就即刻想睇喇!
導演: 唔係! 咁……各有少少嘅~
Dickson: 咦咁買得過喎!
導演: 不過呢最後係會講返，即係佢諗返自己點解要出軌，佢反思返自己呢個行為，係唔係應該，係唔係啱嘅。即係我哋每篇故仔都會討論一個愛情入面嘅其中一個思想嘅，咁就一共分為5個Chapter。
東方昇: 咁就係書展就有得買啦下話?
導演: 冇錯冇錯。
東方昇: 咁大家就要記住嚟買嚟睇喇! 好啦! 咁我哋下集見!
眾人: 拜拜~~
1
牆內能夠接觸外間資訊的渠道寥寥可數，Youtube 機頂盒為每星期從 Youtube 上挑選不同種類的專題影片並製作成謄本、印刷成信件的長期計劃。
其他最新謄本
💥腦筋急轉彎2片尾解析＋12大彩蛋｜小彬彬竟然出現？霹靂包原型？AC113？留言抽官方贈品
那些電影教我的事 Lessons from Movies | 電影類
💥戰勝阿焦大作戰！腦筋急轉彎2最強指南｜4招把阿焦變成神隊友｜劇透｜Inside Out 2｜留言抽好書
那些電影教我的事 Lessons from Movies | 電影類
💥腦筋急轉彎2無雷解析｜小心你的情緒內戰！5招搞懂你的腦｜留言抽好書｜Inside Out 2
那些電影教我的事 Lessons from Movies | 電影類
#MM｜返工成日聽到「一代不如一代」 係源於心理偏見？社會學分析不同年代人特徵 點解00後會衝擊職場生態？｜#Pantry有嘢斟 #4K
Mill MILK | 心理類
#MM｜00後擲廿萬創業開韓式自拍館 半年回本開分店 月打4份工返茶餐廳做樓面 拍Reels過900萬觀看次數 00後鍾意創業搵滿足感 抗拒朝9晚5？｜#700萬種生活 #4K
Mill MILK | 社文類
0