1
🇬🇧英國人真的歡迎香港人？ | 拍拍囉柚去英國#01
Arm Channel TV | 娛樂類 | May 9, 2021
此影片謄本由蛋糕夫人製作
★非作商業用途，本檔案版權歸版權持有人獨有★
非作商業用途，本檔案版權歸版權持有人獨有
肥仔:比張紙巾佢啊。我唔識安慰人。
Tinny:Sorry 阿，唔使㗎喇 我好快收拾心情。
肥仔:我一安慰人就出事㗎喇。
Tinny:因為一講起我嫲嫲就會咁。
肥仔:即係我同你都係一樣嘅。
Tinny:我而家每日都會同佢video call。
肥仔:呢個係真實嘅，我諗係真實嘅，每一個離鄉別井嘅香港人係最難去衡量嘅，就係屋企人。
Tinny:你唔好安慰我，哈哈哈。
-肥仔自拍-
肥仔:呢個節目名叫「拍拍囉柚去英國」，但我相信真正做到拍拍羅友嘅可以話係少之又少，移唔移民對於好多人黎講，有一個好難打破嘅擔心，就係當自己珍重嘅親友唔係自己身邊，果一種不安同擔心就會成為你嘅阻力。所以我希望用呢個節目，老遠走到英國訪問已經離開嘅香港人，睇吓你地係係佢地身上搵唔搵到自己? 或者都可以俾到個答案你。
-結尾-
肥仔:五年啦，有冇後悔呢?
Tinny:冇，我越嚟越確定。
肥仔:我哋下一集，去睇吓佢屋企，有幾細，我哋去參觀一下呢個難民屋，呢個難民營啊!
-完-
(入門口) 掌鏡人:喂肥仔死啦，死啦今次真係死啦
(影住沙發工作人員)掌鏡人: 喂!肥仔呢?
掌鏡人:喂喂喂⋯我想講呢⋯網上啲人同你講咩珍重啊⋯⋯多謝你嘅努力，好人一世平安嗰啲喎，以為你移民喎。
肥仔:痴線，我點會移民啊? 我係用特區護照入境㗎。你唔信嘅話我俾你睇吓。 (拿出BNO翻看) E...個印呢？個印呢？個印呢喂？
(過場)-混血肥仔芊蕙子‧拍拍囉柚去英國。一齊走入英國，睇下移民英國有幾慘-
-隔離十日後-
肥仔:終於嚟到自由嘅國度， 終於可以講呢八隻字啦。
芊蕙子:(OS 唔好亂黎呀)
肥仔:隔離完啦，好開心呀!
芊蕙子:哈哈哈，嚇死咩!小心肝喺度。
肥仔:有人呢就覺得移民係拍拍囉柚。
芊蕙子:又有人又覺得移民係做二等公民喎。
葉劉: 你地要走就走，但過去嘅歷史，香港人走咗都會番番嚟。因為係外國住過之後呢，發覺香港係最好。
肥仔:葉劉話喎，如果用BNO去英國，好難搵到工做。
芊蕙子:但偏偏呢最新嘅新聞就話呢，BNO Visa申請每周就高達3000個 ，較英國政府估計仲要多。
肥仔:而本身英國內政部門估計，推出嘅第一年至少會有12.3萬至15.3萬嘅人申請嘅，當中包括我哋今次嘅攝影師阿新。
肥仔:其實呢個節目係為阿新你以拍，俾個機會你停一停、諗一諗，所以就唔會出人工，因為係為你而拍。
下載檔案
下載檔案
1
1
所有資料非作商業用途，若有內容侵權，請即通知我們移除。
1
(過場)-與蝦條哥長途電話-
肥仔:喂...
蝦條哥:喂...點啊Tommy仔？你而家啱啱隔離完 嗰邊咩環境啊？
肥仔:好多女啊!
蝦條哥:好多女？!
肥仔:重女呢到!
蝦條哥:但你老婆應該喺隔離下嗎？
肥仔:佢瞓咗呀嘛，佢瞓咗先夠膽打俾你。
蝦條哥:當地人傾偈呀或者打招呼啊，佢哋會唔會覺得好奇怪㗎?對你哋嘅目光，見到有香港人嘅出現。
肥仔:即係呢佢哋其實歡唔歡迎香港人，我自己就未知，我都想打聽一下。
(過場)-英國人點睇香港人-
(新聞)英國首相Boris Johnson以視像接見香港移民家庭。
芊蕙子:Boris Johnson 就好似好支持。
肥仔:亦都有啲調查就話呢49%嘅人支持新政策，但實在地問英國人係咪好歡迎香港人，真係要喺條街上面先知啊，我覺得。你覺得自己受唔受歡迎啊?
芊蕙子:唔受歡迎，一睇就知道唔受歡迎啦。
肥仔:唔受歡迎，自知之明。
旁白:首先呢你就唔好將受歡迎同你嘅人氣相提並論，我哋講緊嘅呢，究竟香港人移民英國，英國人係點睇嘅呢?
芊蕙子:哦!原來係咁。
1
1
(街訪)
芊蕙子:我可唔可以問你幾條問題?有冇聽過香港?
英國朝偉 : 吓?!
英國女士1號:有呀，有呀。
英國男士1號:有呀，咁點呀?
英國男士2號:有呀，我有聽過。
英國男士1號:好L繁忙。
英國女士2號:我好鐘意去呀...因為好多鋪頭買野。同埋個文化我都好鐘意。
英國男士2號:係人都見到啲警察做過咩，同埋我有幾個朋友係到，都話呢個地方幾好。
英國男士1號:你話依家香港人可以移民過黎?
芊蕙子:係呀，你有聽過?
英國男士1號:無聽過，全靠你。
英國女士1號:咩黎架?
英國男士2號:無聽過BNO。
英國女士3號(與英國男士1號作伴):無呀無呀。
肥仔對芊蕙子:喂完全唔知道BNO係咩事喎，大佬。
芊蕙子模仿受訪者:咩係BNO?
肥仔模仿受訪者:咩嚟㗎？
芊蕙子:叫我解釋返俾佢聽。
(回顧片段)
英國男士2號:最近嘅事?
芊蕙子:係呀...
肥仔:睇嚟呢我哋暫時搵咗幾個人啦，咁就... 好似都唔係好知BNO係乜。
芊蕙子:我諗佢哋都唔可以話同意定唔同意住，或者歡唔歡迎住。
肥仔:我哋都問唔到落去呢個問題，因為佢哋都唔知道係咩嚟。
芊蕙子:都唔知咩嚟。你係邊個呀？
肥仔:即管我哋試吓再問吓人啦。
1
1
(過場)-比斯特購物村-
芊蕙子:好凍呀好凍呀，你帶我嚟呢度做咩?我又唔係嚟買，係嘅我會原諒你。
肥仔:我約咗個好重要嘅人傾偈。
芊蕙子:係咪女啊又係。
肥仔:你又知嘅。
芊蕙子:我冇見過你人生話重要嘅人係仔㗎!
肥仔:有啊，我老竇囉，因為冇我老竇就冇我，你就識唔到咁完美嘅我。
芊蕙子:好。
肥仔:到咗喇喎。
(過場)-是日嘉賓Tinny-
肥仔:揸車嘅喂？ 我識佢嘅時候係唔揸車㗎喎。
芊蕙子:佢就係辣手車神。
Tinny:好耐冇見。
肥仔:Tinny 我大學同學。
Tinny:芊蕙子你好。
芊蕙子:你好 x1000000
肥仔:佢而家已經係非同凡響，我識咗佢讀完書之後就唔見咗，佢就話嚟咗英國，然後我哋今日嚟睇吓佢係英國嘅苦況係點，我話俾你聽。
Tinny:(移居英國5年)我嚟咗五年幾...差唔多五年。係working holiday期間，頭半年我搵唔到嘢做吖嘛，我同幾個朋友租一間屋，我哋有五個女仔一齊租嘅，我係同一個網友分享同一張床㗎，我哋係孖舖嘅，咁然之後就有人介紹去比思特購物村搵工，因為嗰度需要好多講中文嘅華人銷售員，咁就做咗九個月到啦。
但係呢，就發現好多人入嚟買嘢嗰陣時重複又重複，都係嗰班人買嘢嘅。點解呢，佢哋做緊咩呢?原來佢哋喺度做代購，有個入嚟買嘢嘅叫做顧客啦，就係香港人嚟嘅，咁然之後同我傾傾吓計，話佢都有興趣做到代購，不如你幫我手啦，然之後我哋就傾成左就開始做代購。咁然之後...
肥仔:嗰個係咪你老公嚟嘅？
Tinny:入嚟之後先？介紹我嗰個？係呀係呀。
(一齊聽吓點稱呼老公)
Tinny:有個入嚟買嘢嘅叫做顧客啦...(就是這樣成了老細)
肥仔:(參觀)之前工作假期嗰個地方?
Tinny:就係呢一個舖位，但就唔係呢一個牌子，嗰間舖已經搬咗，本身搬咗去前面，然之後執咗，已經冇再喺度出現。
肥仔:你就喺渡過嘅歲月啦喎？
Tinny:係呀，九個月囉。每日都喺度望出嚟，啲人喺度行嚟行去，好羨慕佢哋其實，嗰時呢一年就有28日假期，
1
1
肥仔:28日假期？!
Tinny:係呀，打工有28日假期。28日假期，平均你計吓，總之好多假啦 ..總之就係咁講啦。咁嗰陣時我做銷售員，咁就一個星期返五日，就有兩日假。之前連續返五日，之後你就可以放四日，中間再請兩日假。
肥仔:你講多一次28日啊？
Tinny:係呀28日...
肥仔:呢一段對話唔好俾我同事聽到，我哋公司得10日，我哋以前間公司得7日，我哋係一起跳已經10日㗎喇。
Tinny:好好㗎啦...好好老細啊... 真係...所以呢我哋嗰陣時每一個月都有年假去旅行，同埋老細同經理都會好鼓勵你，去發掘一下，去旅行啦。之後可以同佢分享吓去完邊度玩啦，做過啲咩好開心。
肥仔(難以置信):係咪呢間公司先係咁？
Tinny:唔係㗎!英國普遍啲人都係咁!鼓勵你去玩，出去休息，覺得你休息夠啦，心情好舒服晒，心情好咁返嚟就會努力咁工作。
Tinny:(介紹另一舖位)呢個蛋餅係我之前喺度工作，成日都會食呢一個，因為佢真係好好食，有好多味。
芊蕙子:佢啲蛋係好Creamy，佢唔係煮到熟曬，好好食呀!
Tinny:最後佢會落一塊牛油，再擺喺上面，等佢塊皮吸收晒啲牛油，有晒啲香味。
芊蕙子:大家可以睇吓個蛋係流心嘅，真係好正啊!
肥仔:咁你嚟到嘅時候，就同葉劉講嘅一樣啦，你就好難搵工㗎嘛。
Tinny:係呀，係呀。
肥仔:咁辛苦啊嚟到呢度，咁難受，但點解咁堅決留喺呢一個咁嘅鬼地方呢?
Tinny:咁其實做銷售員只係搵緊1000磅到一個月嘅姐，好少錢，但係我都儲到少少錢，每個月都儲到少少錢。之後喺度睇吓啲樓，400-500萬港紙可以買到一間獨立屋，呢一頭附近，唔係喺倫敦，倫敦會貴好多既，獨立屋有晒花園，有車房，有兩層，四間房咁樣。個感覺望到間屋嘅距離好遠同自己，冇可能係自己或者係香港人會擁有到嘅嘢。但係你睇返個價錢，吓?! 四百幾萬咋喎，香港買間兩房，可能兩房都唔得係咪...得唔得呀？
肥仔:四百幾萬應該係唔得嘅，或者你住到落馬洲可能得嘅。
Tinny:所以我覺得真係差太遠。其實我努力D草錢，可能我都可以有機會有呢一種生活，所以我哋覺得不如都係留低啦，然之後同我嗰陣時嘅男朋友講，我哋諗方法。就係咁啦。
肥仔:你用三年半時間，嚟英國用零蚊，擁有咗一層樓。
Tinny:我哋兩個人一齊儲錢。
肥仔:即係起碼佢做得到，三年半時間你可以由零去到儲到錢買一層樓，唔知佢用咩方法啦。
Tinny:香港人習慣咗約朋友就係出街食飯啦，咁可能你喺香港出街食飯兩三百蚊係走唔甩，咁喺呢一度，呢一度英國好興，約埋一齊大家去邊個屋企食飯，呢日去邊個屋企。
肥仔:就可以慳好多錢啦？
Tinny:係呀真係慳好多錢㗎。
肥仔:你覺得香港人嚟到呢一度最吃香嘅行業係咩？
Tinny:其實主要係一個語言優勢嘅行業，有好多工種需要講中文，依家有好多人請人賣樓，即係做地產。Office嘅工坦白就唔吃香嘅我地，認真，因為英文我哋一定冇英國人咁好，佢地由細到大學嗰種英文，同我哋好唔一樣。藍領嘅工，好多人做，例如裝修、做水電，可能做水電需要重新考牌，但本身如果你有基礎其實唔難。咁嗰啲行業係可以搵到錢㗎。
肥仔:點啊？
芊蕙子:咁你都可以考慮過嚟轉行。
肥仔:做咩啊？
Tinny:做裝修。
肥仔:好啊，都似啊。
芊蕙子:唔係呀你大大隻呀，可以去搬貨。
肥仔:我搬貨好快㗎。
-過場-
肥仔:說到尾，原來你都係為咗層樓，所以移民去英國，咁樣聽落去又好似冇嘢放唔低喎？ 你屋企人支唔支持你嚟呢？ 離鄉別井。
Tinny:支持呀。其實最唔捨得我，係我嫲嫲，佢因為由細佢照顧我吖嘛，咁同佢一齊住咗咁多年喎，其他屋企人都覺得好支持，因為佢哋都覺得...
肥仔:咁佢哋咪會眼泛淚光?
Tinny:係呀攬住一齊喊。
肥仔:呢個都係我覺得，嚟到嘅人最殘忍嘅嘢嚟。我覺得最殘忍係呢一樣...
(Tinny忍唔住喊)
1
牆內能夠接觸外間資訊的渠道寥寥可數，Youtube 機頂盒為每星期從 Youtube 上挑選不同種類的專題影片並製作成謄本、印刷成信件的長期計劃。
其他最新謄本
💥腦筋急轉彎2片尾解析＋12大彩蛋｜小彬彬竟然出現？霹靂包原型？AC113？留言抽官方贈品
那些電影教我的事 Lessons from Movies | 電影類
💥戰勝阿焦大作戰！腦筋急轉彎2最強指南｜4招把阿焦變成神隊友｜劇透｜Inside Out 2｜留言抽好書
那些電影教我的事 Lessons from Movies | 電影類
💥腦筋急轉彎2無雷解析｜小心你的情緒內戰！5招搞懂你的腦｜留言抽好書｜Inside Out 2
那些電影教我的事 Lessons from Movies | 電影類
#MM｜返工成日聽到「一代不如一代」 係源於心理偏見？社會學分析不同年代人特徵 點解00後會衝擊職場生態？｜#Pantry有嘢斟 #4K
Mill MILK | 心理類
#MM｜00後擲廿萬創業開韓式自拍館 半年回本開分店 月打4份工返茶餐廳做樓面 拍Reels過900萬觀看次數 00後鍾意創業搵滿足感 抗拒朝9晚5？｜#700萬種生活 #4K
Mill MILK | 社文類
0